လွန်ခဲ့တဲ့၂၅ခုနှစ်ကလှုပ်ခတ်ခဲ့တဲ့အင်အားပြင်းငလျင်阪神・淡路大震災 (Hanshin-Awaji DaiShinSai)

လွန်ခဲ့၂၅ နှစ်၊ ဇန်နဝါရီလ၊၁၇ ရက်နေ့ ၊ မနက်၅နာရီ ၄၆မိနစ်မှာ 阪神・淡路大震災 (Hanshin-Awaji DaiShinSai) ဆိုတဲ့အင်အားကြီးမားတဲ့ငလျင်ကြီးဖြစ်ပွားခဲ့ပါတယ်။

https://www.kensetsunews.com/PB5001H/wp-content/uploads/2020/01/20200114_165505_68312.jpg

ဒီအင်အားပြင်းငလျင်က စစ်ကြီးပြီးတဲ့နောက်မြို့ကြီးတစ်မြို့မှာပထမဆုံးဖြစ်ပွားခဲ့တဲ့အလွန်အင်အားပြင်းတဲ့ငလျင်ကြီးပါ။ Kobe, Nishinomiya, Ashiya and Takarazuka စတဲ့ Hyogo စီရင်စုမှာရှိတဲ့မြို့ (၄)မြို့နဲ့အတူ Awaji ကျွန်းမှာဖြစ်ပွားခဲ့တဲ့ ငလျင်လေ့လာရေးသမိုင်းထဲမှာ ပထမဦးဆုံး ငလျင်ပြင်းထန်မှု အဆင့်7 မှတ်တမ်းတင်ခံခဲ့ရတဲ့ ကြီးမားတဲ့ ငလျင်ကြီးလည်းဖြစ်ပါတယ်။

ငလျင်လှုပ်မှုမှာ နေအိမ်ပေါင်း ၂၅၀,၀၀၀ နီးပါး လုံးဝပျက်စီးသွားပြီး၊ လူပေါင်း ၄၄,၀၀၀ ဒဏ်ရာရရှိခဲ့ကာ ၆,၄၃၄ ဦး သေဆုံးခဲ့ပါတယ်။

ကျွန်မရဲ့မိဘနှစ်ပါးလည်းအဲဒီအချိန်တုန်းက Nishinomiya မှာရှိနေတော့ ထိခိုက်ပျက်ဆီးမှုတွေနဲ့ရင်ဆိုင်ကြုံတွေ့ခဲ့ရပါတယ်။

ကံကောင်းထောက်မစွာနဲ့ပဲ ကြီးမားတဲ့ဒဏ်ရာမရရှိခဲ့ပဲလုံခြုံခဲ့ပါတယ်။ ဒါပေမယ့် ပြိုလဲလုနီးပါးဖြစ်နေတဲ့ ဗီရိုရဲ့အောက်ခြေမှာခိုလှုံရင်းအသက်ဘေးမှလွတ်ခဲ့ရတာပါ။ တိုက်ခန်းရဲ့ပထမထပ်
ကတော့လုံးဝပြိုကျသွားခဲ့ပါတယ်။

ဒီငလျင်ဖြစ်ခဲ့တာဟာ ၂၅ နှစ်ကျော်ကြာသွားပြီဖြစ်လို့ ယနေ့ခေတ်လူငယ်တွေတော်တော်များများမသိကြပါဘူး။ ဒါပေမယ့်လည်း ငလျင်ကြောင့်မိသားစုဆုံးရှုံးခဲ့ရတဲ့သူတွေအတွက်ကတော့ ဝမ်းနည်းမှုအပြည့်နဲ့စိတ်ဒဏ်ရာတွေဆက်လက်ရှိနေဆဲပါ။

အခုပြောပြမှာကတော့ ငလျင်ကြောင့် အရမ်းတန်ဖိုးထားမြတ်နိုးရတဲ့သမီးကိုဆုံးရှုံးခဲ့ရတဲ့
အမျိုးသမီးတစ်ယောက်ရဲ့အကြောင်းပါ။

Hyogo စီရင်စု Ashiya မှာနေထိုင်တဲ့ ၇၂ နှစ်အရွယ်အမျိုးသမီးတစ်ဦးဟာ
မနက် ၅နာရီ၄၆မိနစ်မှာ ပြင်းထန်တဲ့ငလျင်လှုပ်ခတ်မှုကြောင့် သမီးကိုဆုံးရှုံးလိုက်ရပါတယ်။

နောက်တော့သူမရဲ့ခင်ပွန်းက သူမနဲ့သူမရဲ့သမီးနှစ်ယောက်ကိုကယ်ထုတ်လိုက်နိုင်ပေမယ့် သမီးကတော့ အသက်ရှင်လျက်ဘယ်တော့မှပြန်မလာနိုင်တော့ပါဘူး။

အဲဒီညက သူမဟာ အေးခဲနေတဲ့အသက်မရှိတော့တဲ့သမီးငယ်ကိုထွေးပွေ့လျက်အိပ်ခဲ့သေးတယ်လို့ဆိုပါတယ်။

သူမလိုမျိုးပဲ ကလေးငယ်တွေကိုပွေ့ဖက်ပြီးအိပ်ကြတဲ့ အမျိုးသမီးတွေလည်းရှိပါတယ်လို့ပြောပါတယ်။
ကျွန်မရဲ့သမီးလေးက အမြဲတမ်းရွှင်လန်းပြီး နေကြာပန်းလေးလိုတောက်ပစွာပြုံးနေတတ်တဲ့သူတစ်ယောက်ပါ။ အဲဒါကြောင့်

“ အခုအချိန်အထိ အမြဲတမ်းကျေးဇူးတင်ပါတယ် “ လို့တောင်မပြောလိုက်ရလို့ အရမ်းကိုစိတ်မကောင်းဖြစ်မိတယ်လို့ဆိုပါတယ်။
သူမက မနှစ်ကပဲလေဖြတ်ခဲ့လို့ သူမရဲ့တစ်နေ့တာကို အိပ်ယာထဲမှာပဲကုန်ဆုံးတာများပါတယ်။

ငလျင်ကြောင့်ထိခိုက်ခဲ့ရတဲ့ Ashiya ကျွန်းမှာဆို ၉ နှစ်ကြာလောက်ပြန်လည်မထူထောင်နိုင်၊ မလည်ပတ်နိုင်ခဲ့ပါဘူး။

သူမသမီးကိုဆုံးရှုံးခဲ့ရလို့အလွန်စိတ်ထိခိုက်ခဲ့ရတဲ့ အကြောင်းကိုယခုလိုပြောပြခဲ့ပါတယ်။

“ ဒါဟာအရမ်းကိုနာကျင်ရပေမယ့် အရှုံးပေးလို့တော့မဖြစ်ဘူး။
လွန်ခဲ့တဲ့ ၂၅ နှစ်လုံးလုံး တစ်ခါမှ မျှော်လင့်ချက်မရှိခဲ့ဘူး။
ပထမဆုံးအနေဖြင့်မျှော်လင့်ခြင်း၊ ပြန်လည်တည်ဆောက်ခြင်းလို့ပဲပြောလို့ရမလား “

ဒီနေ့မနက် ၅နာရီကနေစပြီးတော့ Kobe ရဲ့ အရှေ့အပန်းဖြေပန်းခြံမှာ「１・１７のつどい」” 1.17 စုဝေးခြင်း”
အခမ်းအနားကို ကျင်းပခဲ့ပါတယ်။

https://stat.ameba.jp/user_images/20200117/06/million3605/ee/7d/j/o0788051914697399383.jpg?caw=800

ဒီနေ့မနက် ၅:၄၆ အချိန်မှာ ငလျင်ကြောင့်သေဆုံးသွားတဲ့မိသားစုဝင်များနဲ့ ပြည်သူတွေကိုအတွက် 「きざむ ( kizamu )　１・１７」လို့ပုံဖော်တန်းစီထားတဲ့ ဝါးတိုင်မီးလုံး၅၀၀၀ ကိုထွန်းညှိပြီး ကျွန်တော်တို့တွေ အသံတိတ်ဆုတောင်းပေးခဲ့ကြပါတယ်။

https://sp.fnn.jp/image/program/2020011712292901KTV?n=1&s=13_l

“ kizamu” ဆိုတဲ့စကားလုံးက ငလျင်ရဲ့ အမှတ်ရစရာနဲ့ အောက်မေ့ဖွယ်ရာအတိတ်တွေကို ဖော်ဆောင်ပေးတဲ့အတွေးနဲ့ အသုံးပြုထားတာဖြစ်ပါတယ်။

Kobe မှာ ထိုအခမ်းအနားကိုတက်ရောက်တဲ့သူက
ခန့်မှန်းခြေအားဖြင့်လူပေါင်း ၇၅၀၀ ရှိပြီး မနက် ၇ နာရီလောက်အထိလာရောက်လည်ပတ်ကြပါတယ်။

၂၅ နှစ်လောက်ကြာသွားတော့ လူတွေရဲ့အမှတ်တရတွေထဲမှာ တဖြည်းဖြည်းပျောက်ကွယ်သွားတဲ့ 阪神・淡路大震災 (Hanshin-Awaji DaiShinSai) ငလျင်။

ဒါပေမယ့်လည်း မိမိတို့ချစ်မြတ်နိုးရသူတွေကိုဆုံးရှုံးခဲ့တဲ့သူတွေအတွက်ကတော့ ဝမ်းနည်းပူဆွေးမှုတွေကထင်ကျန်နေဆဲပါ။

ငလျင်ကြောင်းဆုံးရှုံးပျက်စီးခဲ့ရတဲ့အမှတ်တရများကို မမှေးမှိန်စေရအောင်၊ မပျောက်ကွယ်သွားအောင်
အနာဂတ်မျိုးဆက်သစ်လူငယ်တွေဆီကို လက်ကမ်းပေးနိုင်ဖို့ ဆိုတာ ယနေ့ဂျပန်လူမျိုးတွေအတွက်စိန်ခေါ်မှုတစ်ခုလိုဖြစ်နေမလားဆိုတာကတော့. . .

မြန်မာလူမျိုးတစ်ယောက်အနေနဲ့ရော ဒါကိုဖတ်ပြီး ဘယ်လိုခံစားရလဲဆိုတာ သိချင်မိပါတယ် . . .

Yuki