ရေပူစမ်းကို Delivery နဲ့အိမ်အရောက်ပို့ဆောင်ပေးပြီ !!!

ကိုရိုနာသက်ရောက်ကြောင့်စားသောက်ဆိုင်တွေဟာ ကြီးမားစွာပုံစံ ၂ မျိုးအဖြစ်ကွဲပြားသွားပါတယ်။
ဆိုင်လာစားတဲ့ဧည့်သည်တွေအကြီးအကျယ်ကျဆင်းတဲ့အထဲမှာ လုပ်ငန်းခေတ္တရပ်ဆိုင်းထားရခြင်း၊ စီးပွားပျက်သွားခြင်း စတဲ့ဆိုင်တွေလည်းရှိသလို Delivery ကိုအဓိကထားလှုပ်ရှားတဲ့ဆိုင်လည်းရှိပါတယ်။…

မြန်မာမှာတော့ ဘာပဲဖြစ်ဖြစ် Delivery ကပုံမှန်လှုပ်ရှားနေပေမဲ့၊ ဂျပန်မှာတော့ ကိုရိုနာရဲ့သက်ရောက်မှုကြောင့် တစ်ချိန်တည်းမှာပဲ Delivery လုပ်ငန်းဟာ အားကောင်းလာခဲ့ပါတယ်။
အမျိုးမျိုးသောအရာတွေကို Delivery ပို့ပေးတဲ့ကုမ္ပဏီတွေလည်း ပေါ်လာခဲ့ပါတယ်။
ဥပမာ မျက်မှန် Delivery..

https://gurasan.co.jp/user_data/aboutus.php

5km အတွင်းဆိုအခမဲ့ဖြစ်ပြီး မျက်စိလာရောက်အစမ်းသပ်ခံမှုနဲ့အတူ လိုအပ်တာတွေလုပ်ပြီးရင်တော့ Delivery နဲ့ပို့ပေးတယ် ဆိုတဲ့သဘောမျိုးဖြစ်ပါတယ်။
ဒါဟာလည်း ကောင်းတာပဲလို့တွေးမိပေမဲ့၊ ဒီတစ်ကြိမ်မိတ်ဆက်ပေးမှာကတော့ နောက်ထပ်မတူညီတဲ့ပုံစံမျိုးပါ…

အဲ့ဒါကတော့ ရေပူစမ်းကို Delivery နဲ့ပို့ပေးခြင်းတဲ့…

https://www.hgp.co.jp/hakone/plan/dayuse/

ရေပူစမ်းမှာထည့်ရတဲ့ powder အမှုန့်တွေကို Delivery နဲ့ပို့ပေးမယ်လို့ပြောချင်တာလား?
အဲ့ဒီလိုမဟုတ်ပါဘူး။ တကယ့်အစစ် ရေပူစမ်းကိုပို့ပေးမှာဖြစ်ပါတယ်။

https://sotokoto-online.jp/3442

10km အတွင်းဆိုရင် ယန်း ၂၀၀၀ လို့သတ်မှတ်ထားပြီး အဲ့ဒီထက်ကျော်ရင်တော့ ပို့ခများလာမှာဖြစ်ပါတယ်။
လက်တွေ့မှာကြည့်လိုက်တဲ့အခါ…..

ရေပူစမ်းက truck ကိုစီးပြီးရောက်လာတယ်။
ပိုက်ကို ရေချိုးကန်ထဲထိထည့်ပြီး….

တကယ့်အစစ်ရေပူစမ်းက ဒီအတိုင်းအိမ်ထဲကိုရောက်လာခဲ့ပါပြီ။
ရေပူစမ်းရဲ့ထူးခြားတဲ့အနံ့ကလည်းသင်းနေပြီး အပူချိန်ကလည်း ၄၇ ဒီဂရီ… ပူနေတာတော့ဟုတ်ပေမဲ့..ဒီထက်တော့အပူမတိုးလာတော့ဘဲ သဘာဝအနွေးဓါတ်အတိုင်းပို့ဆောင်ပေးပါတယ်။

ရေချိုးကန်အပြည့်ထိထည့်ပေးပြီးတဲ့အပြင် ရေမျက်နှာပြင်ကိုအပူကာပစ္စည်းနဲ့ ပြန်ဖုံးလွှမ်းပေးခဲ့ပါတယ်။
နေ့လည် ၁ နာရီကပို့ခဲ့တဲ့ရေပူစမ်းဟာ ည ၉ နာရီရောက်သွားတဲ့အချိန်မှာ အပူချိန်က ၄၂ ဒီဂရီအောက်မလျော့ဘဲကျန်နေပါသေးတယ်…
ပြန်ပြီး‌အပူဓါတ်ပေးဖို့တောင် လုံးဝမလိုအပ်ပါဘူး…

လှပတဲ့ရှုခင်းနဲ့ ရေချိုးကန်ကျယ်ကြီးမရှိပေမဲ့ အကောင်းဘက်ကနေပြန်ကြည့်ရင်တော့ ဈေးသက်သာတဲ့ရေပူစမ်းကို ပျော်ရွှင်ခံစားနိုင်တယ်ဆိုတာပဲဖြစ်ပါတယ်။
ဂျပန်ဆောင်းရာသီဟာအေးပေမဲ့၊ ရေပူစမ်းဟာလူ့ခန္ဓာကိုယ်ကို ရင်ထဲအသဲထဲအထိပါနွေးထွေးမှုပေးတာကြောင့် ရေချိုးကန်ထဲကထွက်သွားလည်း ဆက်လက်နွေးနေသလို အသားအရေလှပမှုအတွက်လည်း အကျိုးရှိစေပါတယ်။

ကိုရိုနာကြောင့် ပင်ပန်းနေတဲ့စိတ်နဲ့ခန္ဓာကိုယ်ကိုကုသဖို့ ရေပူစမ်း Delivery နဲ့အပြည့်အဝပျော်ရွှင်လိုက်ပါ။
ခေတ်သစ်ရဲ့ စံနှုန်းများဖြစ်လာပြီလား?
ရေပူစမ်းလုပ်ငန်းဆက်ပြီးရှင်သန်ရမယ့်စိန်ခေါ်မှုကို အစပြုလိုက်သလိုပါပဲ….

Kengo Abe