Hanko ယဥ်ကျေးမှုနဲ့ ဂျပန်လုပ်ငန်းခွင်အကြောင်းတစေ့တစောင်း !!!

လုပ်ငန်းခွင်တွေမှာ ကွန်ပျူတာကိုအဓိကအသုံးပြုလာရတဲ့ခေတ်ကိုရောက်လာသလို resources တွေကိုသေသေချာချာထိန်းသိမ်းနိုင်ဖို့ စာရွက်တွေနဲ့အလုပ်မလုပ်ကြတော့ဘဲ paperless သဘောမျိုးလုပ်လာတာ ၁၀ နှစ်တောင်ကျော်ပါပြီး..
ဒါပေမဲ့ ဂျပန်မှာတော့ paperless အဖြစ်ကိုမရောက်နိုင်သေးပါဘူး။
အကြောင်းကတော့ တံဆိပ်တုံး ယဥ်ကျေးမှုကြောင့်ပါ..

https://toyokeizai.net/articles/-/363482

စားပွဲခုံရဲ့အံဆွဲထဲမှာ ဘောပင်နဲ့ highlighter တွေကိုထည့်ထားတတ်ကြသလို တစ်ချို့လူတွေက တံဆိပ်တုံးကိုပါအတူတွဲပြီးထည့်ထားတတ်ကြပါတယ်။
သော့မခတ်ထားတဲ့အံဆွဲထဲမှာ…

ဒီနေရာမှာပြောချင်တဲ့တံဆိပ်တုံးက ကုမ္ပဏီတံဆိပ်တုံးလိုမျိုးပြောတာမဟုတ်ဘူးနော်
ဂျပန်လို Hanko လို့ခေါ်တဲ့ ကိုယ်ပိုင်အမှတ်အသား တံဆိပ်တုံးပါ..
အရင်ကတော့ Hanko ကို လက်ဗွေရာပုံစံနဲ့နှိပ်ခဲ့ကြတယ်။ ဒီလိုကိုယ်ပိုင်လက်ဗွေရာဆိုရင် လိုက်ပြီးတုပဖို့လုံးဝခက်ခဲခဲ့ပါတယ်။
ဒါပေမဲ့အချိန်ကာလတွေပြောင်းလဲလာပြီး ယန်း ၁၀၀ တန်ဆိုင်မှာ Hanko တွေကိုဝယ်နိုင်တဲ့ခေတ်ရောက်လာပါတယ်။
ဘာကြောင့်လဲဆိုတော့ Hanko တွေကိုစက်တွေနဲ့အများအပြားထုတ်လာနိုင်ကြတာကိုး…..

ဒါပေမဲ့ နာမည်အပြည့်အစုံတော့မဟုတ်ပါဘူး။
Family name လောက်ပဲယူထားတာဖြစ်တဲ့အတွက် ဥပမာတစ်နိုင်ငံလုံးအများဆုံးဖြစ်တဲ့ Suzuki တို့ Sato
ဆိုတာကလည်း ရုံးမှာ Hanko တံဆိပ်တုံးအတူတူတွေလို ဖြစ်သွားပြန်ပါတယ်.

နောက်ပြီးကိုယ်က ရုံးမှာမရှိတဲ့အချိန် တံဆိပ်တုံးလည်းမနှိပ်ပေးရင်မရတဲ့အခြေအနေတွေပေါ်လာတဲ့အခါ အောက်ဆုံးအံဆွဲထဲမှာ တံဆိပ်တုံးကို ကိုယ်စားနှိပ်ခိုင်းလိုက်ရတဲ့ ကိစ္စတွေလည်းနေ့တိုင်းလိုလိုဖြစ်လာပါတယ်။
ဒီလိုနဲ့ပဲ တံဆိပ်တုံးလည်း အဓိပ္ပါယ်မရှိတော့ဘူးပေါ့…

ဒါတင်မကသေးဘူး ဒီလိုကိုရိုနာပြဿနာတွေရှိလာတဲ့အခါ အားလုံးက Work from home နဲ့အလုပ်လုပ်နေရပေမဲ့ အရေးပေါ်ကိစ္စနဲ့တံဆိပ်တုံးမဖြစ်မနေနှိပ်ရမှာမို့လို့ ရုံးသွားရတယ်ဆိုတာကလည်း မဖြစ်သင့်ဘူးနော်…

တကယ်တော့ ၁၉၉၇ ခုနှစ်ကတည်းက ဂျပန်ဟာ paperless ဖြစ်လာဖို့အစိုးရကလည်းလှုပ်ရှားနေခဲ့ပါပြီး
ဖြစ်ချင်တော့ အဲ့ဒီအချိန် ဂျပန်တစ်နိုင်ငံလုံး Hanko ထုတ်လုပ်‌ရေးအသင်းဟာ ပြင်းစွာကန့်ကွက်ခဲ့ပါတယ်။
လူပေါင်း ၃၅၀၀၀ ရဲ့ ကန့်ကွက်ဝန်ခံကတိလက်မှတ်တွေစုစည်းပြီး အစိုးရကိုအဆိုပြုခဲ့တယ်။ ဒါနဲ့ပဲ paperless ဖြစ်ဖို့ကိစ္စလည်း အဲ့ဒီမှာတင်ကိစ္စပြီးသွားတာပေါ့..

https://item-shopping.c.yimg.jp/i/n/online-kobo_design-panda-kh

Hanko ဆိုတာအရင်ကတည်းက တရုတ်နိုင်ငံရဲ့ယဥ်ကျေးမှုပါ။
သို့သော် ဒီလောက်အထိခေါင်းမာမာနဲ့ Hanko ယဥ်ကျေးမှုကိုထိန်းသိမ်းနေတာကတော့ ဂျပန်ဖြစ်နေတယ် .
လက်နဲ့ထွင်းတဲ့ တံဆိပ်တုံးထုတ်ကုမ္ပဏီ၊ စက္ကူလုပ်ငန်း၊ စာချုပ်များနဲ့တွဲဖက်ရမယ့် ဝင်ငွေခွန်တံဆိပ်ခေါင်းရောင်းချမှုတွေလည်း ပျောက်ကွယ်သွားမှာကို မလိုလားခဲ့ကြဘူးလို့ဆိုပါတယ်။
ဒါပေမဲ့ Hanko ယဥ်ကျေးမှုကိုဆက်လက်ထိန်းသိမ်းခြင်းကြောင့် တစ်ဖက်မှာပြန်ကြည့်ရင် ဂျပန်ရဲ့စီးပွားရေးမတိုးတက်လာတာကကြီးမားတဲ့ ပြဿနာတစ်ခုပါပဲ။

ဂျပန်ရဲ့ နေ့စဥ်ဘဝမှာ Hanko ကိုဒီလောက်တောင် ကျယ်ကျယ်ပြန့်ပြန့်အသုံးပြုကြပါတယ်။
・ကုမ္ပဏီတွင်းစာများပေးပို့ခြင်း
・ကုမ္ပဏီတွင်းစာများကြည့်ပြီးတဲ့အချိန်၊ ကြည့်ပြီးကြောင်းအမှတ်အသားအနေနဲ့အသုံးပြုခြင်း
・ကုမ္ပဏီတွင်းစာများအတည်ပြုချိန်၊ “OK”ဆိုတဲ့အဓိပ္ပါယ်နဲ့အသုံးပြုခြင်း
・bank account လုပ်တဲ့အချိန်
・အိမ်ဝယ်တဲ့အချိန်
・ကားဝယ်တဲ့အချိန်
・အမြန်အချောပို့ပစ္စည်းများလက်ခံရရှိတဲ့အချိန်လက်ခံရရှိတဲ့အချိန်

နောက်ထပ်ပြောရရင် အ‌ရေးကြီးတဲ့စာရွက်စာတမ်းတွေမှာ လက်မှတ်ထိုးပြီးတဲ့နောက် သူရဲ့ဘေးမှာနောက်ထပ် Hanko နှိပ်ရပါသေးတယ်။
လက်မှတ်ထိုးရုံနဲ့ဘာကြောင့်ကိစ္စကမပြီးရသလဲ? Hanko နှိပ်ရတာက သက်သက်ကြီးအဓိပ္ပါယ်မရှိသလိုပဲနော်?

ခေတ်ကာလမှားယွင်းနေတဲ့ ဂျပန်ရဲ့ Hanko ယဥ်ကျေးမှု..
လက်မှတ်ထိုးရုံနဲ့ပြီးတဲ့ကိစ္စမှာ ကိုယ်ပိုင်အမှတ်အသားဖြစ်တဲ့Hankoကို နောက်ထပ်တကူးတကကြီးနှိပ်ဖို့မလိုအပ်ဘူးလို့တော့ ယူဆမိပါတယ်။
ကဲ စာဖတ်သူတို့နိုင်ငံရဲ့ယဥ်ကျေးမှုကရော?

Kengo Abe