ဘိန်းအစားထိုး မြန်မာ့ကော်ဖီစေ့ !!!! ဂျပန် MUJI ဆိုင်တွေမှာ ရောင်းချပြီး !!!

မြန်မာမှာဘိန်းအစားထိုးစိုက်ပျိုးသူ၊ တောင်ယာလုပ်သမားတို့ရဲ့ဝင်ငွေအနေနဲ့ စိုက်ပျိုးလာတဲ့ ကော်ဖီစေ့တွေကို ကျန်ခဲ့တဲ့ ၉ လပိုင်း ၂၃ ရက်နေ့ (ဗုဒ္ဓဟူးနေ့) ကနေစပြီး ဂျပန်ပြည်တွင်းရှိ 無印良品 MUJI stores တွေနဲ့ online stores တွေမှာ စပြီးရောင်းချနေခဲ့ပါပြီး…..
ဝမ်းသာစရာပါပဲ…

https://img.muji.net/passport/img/app/news/11114_20181212123137_a2d46a46f81fbc347f42d4997a9bf1de_D.jpg

ကမ္ဘာတစ်ဝှမ်းအမျိုးမျိုးသော တိုင်းပြည်နဲ့နေရာဒေသတွေမှာ “ Comfortable living” ကိုဖော်ဆောင်ပေးနေတဲ့ 無印良品 MUJI ဆိုတာ၊ နေစဥ်ဘဝမှာလိုအပ်တဲ့ကုန်ပစ္စည်းတွေကို ရောင်းချပေးရုံသာမက၊ လူ့အဖွဲ့အစည်းမှာလက်ရှိဖြစ်ပေါ်နေတဲ့ အမျိုးမျိုးသောပြဿနာတွေကို စောင့်ကြည့်နေပါတယ်။

မြန်မာနိုင်ငံတောင်ပိုင်းရှမ်းပြည်နယ်ဟာ ထိုင်း၊ လာအိုနှင့်မြန်မာနိုင်ငံနယ်စပ်ရွှေတြိဂံဒေသတွင်းရှိတောင်တန်းဒေသတစ်ခု ဖြစ်ပြီး၊ အဲ့ဒီနေမှာ opium ရဲ့ကုန်ကြမ်းဖြစ်တဲ့ ဘိန်းတွေကိုစိုက်ပျိုးပါတယ်။

အဲ့ဒီမှာနေထိုင်တဲ့လူနည်းစုတွေရဲ့ ဘဝဟာခက်ခဲပါတယ်။ အလုပ်ကြမ်းဖြစ်ပြီး Slash-and-burn agriculture ပုံစံနဲ့စိုက်ရတဲ့ ဘိန်းကသူတို့ရဲ့ အဓိကဝင်ငွေဖြစ်လာခဲ့ပါတယ်။
မကြာသေးမီနှစ်တွေမှာတော့ မြန်မာအစိုးရရဲ့တုံ့ပြန်မှုတွေကြောင့် ဘိန်းစိုက်ပျိုးမှုတွေလျော့ကျသွားပေမဲ့ ဘိန်းအပြင်အခြားသောဝင်ငွေမရှိတဲ့အတွက် စိုက်ပျိုးရေးသမားအများစုက အကြပ်အတည်းဖြစ်သွားရတာနဲ့အတူ စိုက်ပျိုးရေးသမားတစ်စုကတော့ အစိုးရလက်လှမ်းမမီလောက်တဲ့နေရာတွေမှာ ဘိန်းတွေကိုဆက်လက်စိုက်ပျိုးနေကြပါတယ်။

https://ryohin-keikaku.jp/topics/img/4fc5fec65e44e6d4b7460fe50abbd79c1abe480a.jpg

ဒီလိုပြဿနာတွေကိုဖြေရှင်းဖို့အတွက်၊ အစိုးရနဲ့ကမ္ဘာ့ကုလသမဂ္ဂမူးယစ်ဆေးဝါးတိုက်ဖျက်ရေးဆိုင်ရာ (UNODC) ဟာပူးပေါင်းပြီး၊ ရှမ်းပြည်နယ်တောင်ပိုင်း ဘိန်းစိုက်ခင်း အမြင့်ပေ ၁၀၀၀ မှ ၁၈၀၀ ရှိတဲ့နေရာတွေမှာ အရည်အသွေးကောင်းမွန်တဲ့ ကော်ဖီမျိုးစေ့ စိုက်ပျိုးမှုအတွက်ရာသီဥတုကလည်းကိုက်ညီတာကြောင့် ပြည်နယ်တွင်းမှာ ဘိန်းကနေကော်ဖီပြောင်းလဲစိုက်ပျိုးမှုကို တွန်းအားပေးပါတယ်။

UNODC ရဲ့ထောက်ပံ့မှုနဲ့အတူ ၂၀၁၅ ခုနှစ်မှာ ရှမ်းပြည်နယ်တောင်ပိုင်းကော်ဖီစိုက်ပျိုးသူများအသင်း “ Green Gold Cooperative” ကိုဖွဲ့စည်းလိုက်ပြီး ..
လက်ရှိမှာတော့ အယောက် ၉၀၀ နဲ့အထက်တောင်သူများဟာ လာရောက်ပူးပေါင်းပြီး ကော်ဖီတွေစိုက်ပျိုးနေကြပါတယ်။

ဒီလိုပါဝင်လာတဲ့‌တောင်သူတွေဟာ သဘာဝပတ်ဝန်းကျင်အကျိုးပြုမှုတွေနည်းသလို၊ ကော်ဖီအပြင်အခြားသောဝင်ငွေအရင်းအမြစ်တစ်ခု ရရှိဖို့အတွက်၊ အခြားသောသစ်သီးပင်နဲ့ကော်ဖီကိုရောစိုက်ခြင်း agroforestry လို့ခေါ်တဲ့ technique နဲ့ Arabica coffee မျိုးစေ့ကိုစိုက်ပျိုးပါတယ်။

၂၀၁၈ ခုနှစ်ဆောင်းဦးမှာ ဥရောပကိုပို့တဲ့ကော်ဖီစေ့ရဲ့တင်ပို့မှုတွေကလည်း အစပြုနေခဲ့ပါပြီ။

MUJI က UNODC နဲ့ “ Green Gold Cooperative” တို့ရဲ့ ကြိုးစားအားထုတ်မှုကိုအသိအမှတ်ပြုပြီး၊ အသင်းဝင်တောင်သူတွေစိုက်ပျိုးထားတဲ့ ကော်ဖီစေ့တွေရောင်းချဖို့ စဥ်းစားလာကြပေမဲ့၊ ထိုစိုက်ပျိုးရေးဒေသတွေကိုသွားလေ့လာကြည့်ပြီး စိုက်ပျိုးရေးသမားတွေနဲ့ စကားပြောဆိုကြည့်တဲ့အခါ၊ အရွယ်အစားသေးတဲ့ကော်ဖီစေ့တွေကိုတော့ မတင်ပို့ရဘဲ၊ မြန်မာပြည်တွင်းဈေးကွက်အတွက် အနိမ့်ဆုံးဈေးနဲ့ရောင်းနေရကြောင်းသိခဲ့ရပါတယ်။

ဂျပန်နိုင်ငံရှိ 無印良品 MUJI ကုမ္ပဏီဟာ အရသာပြောင်းသွားလို့မဟုတ်ဘဲ အရွယ်သေးလို့အဆင့်မမီတဲ့ကော်ဖီစေ့တွေကို သင့်တော်တဲ့ဈေးနှုန်းနဲ့ဝယ်လာခဲ့ပြီး အဲ့ဒီ “ မြန်မာ့ကော်ဖီစေ့” တွေကို MUJI stores တွေမှာပြန်လည်ရောင်းချပေးပါတယ်။
ဒါဟာ ကော်ဖီစိုက်တဲ့တောင်သူတို့အတွက် ဝင်ငွေပိုရရှိစေပြီး၊ ရှမ်းပြည်နယ်တောင်ပိုင်း ဘိန်းစိုက်ခင်းကနေကော်ဖီစိုက်ခင်းအဖြစ်ပြောင်းလဲဖို့ အားပေးခြင်းတစ်မျိုးလည်း ဖြစ်ပါတယ်။

https://ryohin-keikaku.jp/topics/img/b0dc2ba6ac5d2f316ffaf5b05a48f7a873529e68.jpg

ဒီလိုတစ်ထုပ်မှာ 200g ပါဝင်ပြီး အခွန်အပါအဝင် ယန်း 990 ပါ။
မြန်မာ့ကော်ဖီစစ်စစ်ဖြစ်တဲ့အတွက် သင်ဟာကော်ဖီကြိုက်တတ်တဲ့သူဆိုရင်တော့ ဝယ်ယူအားပေးဖို့အတွက် အကြုံပြုလိုက်ပါပြီ…

ကဲ..ဂျပန်ရောက်မြန်မာများလည်း မိမိတို့ရဲ့ပြည်တွင်းဖြစ်ကိုအားပေးပြီး စိုက်ပျိုးရေးသမားတို့အတွက် ဝင်ငွေပိုတိုးရစေသလို ..ရှမ်းပြည်နယ်တောင်ပိုင်းရှိ ဘိန်းအစားထိုးစိုက်ခင်းများအတွက် အတူတကွပူးပေါင်းပြီး ဝိုင်းဝန်းအားပေးကြဖို့ နှိုးဆော်လိုက်ပါတယ်….

(Link အားနှိပ်ပါ)

https://ryohin-keikaku.jp/news/2020_0917.html

JAPO Myanmar