ပင်မစာမျက်နှာ
ဂျပန်စတိုင်
ကိုရိုနာကိုအခွင့်အရေးတစ်ခုအနေနဲ့ “ မေမေ့ထမင်းဘူး” ဆိုင်လေးပြန်ဖွင့်နိုင်ခဲ့ပြီ !!!!!

ကိုရိုနာကိုအခွင့်အရေးတစ်ခုအနေနဲ့ “ မေမေ့ထမင်းဘူး” ဆိုင်လေးပြန်ဖွင့်နိုင်ခဲ့ပြီ !!!!!

ဂါ 28 Jul 2020, 15:33 ညနေ

ကိုရိုနာဗိုင်းရပ်စ် ကူးစက်ပြန့်နှံ့လာမှုကြောင့် ဂျပန်ရဲ့စားသောက်ကုန်လုပ်ငန်းများဟာလည်း အကြီးအကျယ်တိုက်ခိုက်ခံရပါတယ်။
ဒါပေမဲ့ ဒီလိုအခြေအနေတွေပြောင်းပြန်ဖြစ်သွားရတဲ့အထဲကမှ တစ်ချိန်ကဆိုင်ပိတ်သွားတဲ့ထမင်းဘူးဆိုင်လေးဟာ အခု ၁၇ နှစ်ကြာပြီးမှပြန်လည်ဖွင့်လှစ်လိုက်ပါတယ်.
အသက် ၇၂ နှစ်ရှိပြီးဖြစ်တဲ့ဆိုင်ရှင်အမျိုးသမီးဟာ နောက်တစ်ကြိမ်စိတ်ပြန်လည်တက်လာခြင်းမှာ ဒေသခံလူတွေရဲ့ အားပေးထောက်ခံမှုတွေရှိခဲ့ပါတယ်။

https://www3.nhk.or.jp/news/html/20200727/k10012528241000.html?utm_int=netnewsup-detail_contents_tokushu_002

和歌山 စီရင်စု 海南 မြို့ရဲ့ဆိုင်မှာ ဒေသထွက် လတ်ဆတ်သော mackerel ငါး ဆားကင်နဲ့ Dashi အမှုန့်ကိုသုံးထားတဲ့ ကြက်ဥလိပ်စသည်တို့…
အရောင်အသွေးစုံလင်စွာထည့်ထားတဲ့ ထမင်းဗူးတွေကိုရောင်းချလျှက်ရှိပါတယ်။

ဆိုင်နာမည်ကလည်း 「かあちゃん弁当」Ka a-chan bentō　၊ ပြုလုပ်တဲ့လူကတော့ အသက် ၇၂ ရှိပြီဖြစ်တဲ့ 佐東礼子 Sato Reiko စံပဲဖြစ်ပါတယ်။

佐東礼子 Sato Reiko ဟာ 「かあちゃん弁当」 ကိုစဖွင့်ခဲ့တာက သူမအသက် ၃၇ နှစ်မှာပဲဖြစ်ပါတယ်။

ခင်ပွန်းသည်က ရောဂါနဲ့ဆုံးသွားပြီး၊ ဒီအတိုင်းသာဆက်သွားရင် လူမမယ် သားလေး ၂ ယောက်ကိုပြုစုပျိုးထောင်ပေးဖို့ခက်မယ်လို့တွေးကာ မိဘနဲ့အတူ ဆိုင်ဖွင့်ခဲ့ပါတယ်။

(လက်ဝဲ礼子 ၊ လက်ယာ သူမ၏ဖခင်)

https://www3.nhk.or.jp/news/html/20200727/K10012528241_2007221748_2007270033_01_03.jpg

佐東礼子 ရဲ့ပြောပြချက်အရ အဲ့ဒီအချိန်တုန်းက စားဖို့အတွက်ရော၊ နေထိုင်ဖို့အတွက်ပါ အရမ်းရုန်းကန်ခဲ့ရပါတယ်တဲ့….

ဖြတ်သွားဖြတ်လာများတဲ့ကားလမ်းဘေးမှာ ဆိုင်ဖွင့်ထားတာကလည်းတစ်ကြောင်း၊ အဲ့ဒီဒေသမှာ မြင်ရခဲတဲ့ ၂၄ နာရီဖွင့်တဲ့ဆိုင်ကလည်းဖြစ်နေတာကြောင့် Truck driver တွေအဓိကလာစားကြပြီး နာမည်ကြီးတဲ့ဆိုင်ကလေးဖြစ်လာပါတော့တယ်။

မိဘ ၂ ပါးကဆိုင်ကနေအနားယူလိုက်တဲ့အချိန်မှာ သူမကတော့ အကြီးဆုံးသားနဲ့ဝန်ထမ်းကိုအားကိုးပြီး ဆက်လက်ဖွင့်ခဲ့ပါတယ်။ ထမင်းဘူးတွေကားနဲ့လိုက်ပို့ခဲ့ပါတယ်။
ဒါပေမဲ့ ဆိုင်ရဲ့အနီးအနားဝန်းကျင်လောက်မှာ convenience store တွေပေါ်လာတဲ့အခါမှာတော့ စီးပွားရေးကြပ်တည်းလာကာ ထမင်းဘူးရောင်းချမှုကိုရပ်နားလိုက်ပါတော့တယ်။

ဒီလိုလူတွေကိုအရသာရှိတာလေးကျွေးချင်တဲ့ မိခင်ဖြစ်သူရဲ့စိတ်ကိုအမွေရလိုက်တဲ့ သားကလည်းထမင်းဆိုင်ရဲ့ဘေးမှာ 居酒屋 Izakaya ဆိုင်ကိုစဖွင့်လိုက်တာနဲ့ “ အရသာရှိတဲ့ငါးကိုရနိုင်တဲ့ဆိုင်” လို့သုံးသပ်ချက်တွေရခဲ့ပါတယ်။

https://www3.nhk.or.jp/news/html/20200727/K10012528241_2007221751_2007270047_01_05.jpg

တစ်ဖြည်းဖြည်း ရောင်းအားတွေမြင့်တက်လာရင်းနဲ့ ရုတ်တရက်ကိုရိုနာရဲ့သက်ရောက်မှုကြောင့် ဆိုင်ပိတ်လိုက်ရပါတယ်။ ဝန်ထမ်းတွေနဲ့မိသားစုကို ဒီတစ်ခါတော့ ဘယ်လိုကျွေးရပါတော့မလဲလို့စဥ်းစားရင်း ….
တစ်နေ့ဆိုင်ကိုသိမ်းဆည်းရင်းနဲ့အလုပ်ရှုပ်နေတဲ့အချိန် ဂိုထောင်ထဲကနေ ကတ်ထူပုံးကိုရှာတွေ့သွားပါတယ်…..

https://www3.nhk.or.jp/news/html/20200727/K10012528241_2007221750_2007270033_01_06.jpg

အထဲကိုဖွင့်ကြည့်လိုက်တဲ့အခါမှာတော့ မြင်လိုက်ရတာက

https://www3.nhk.or.jp/news/html/20200727/K10012528241_2007221750_2007271044_01_06.jpg

「かあちゃん」 ဆိုပြီး print ထုတ်ထားတဲ့အိတ်ပဲဖြစ်ပါတယ်။ ဒီအိတ်တွေကို ယခင် 礼子 ဟာ ထမင်းဘူးတွေထုတ်ပိုးမှုအတွက် အသုံးပြုတာပဲဖြစ်ပါတယ်။

အဲ့ဒီအချိန် 啓史 တစ်ယောက် အလယ်တန်းကျောင်းသားနှစ်တုန်းက မိခင်ကိုဝိုင်းကူခဲ့တဲ့အချိန်တွေကို ပြန်အမှတ်ရသွားပါတယ်။…
သားအမိလေး ၂ ယောက်ရုန်းကန်ခဲ့ရတဲ့အချိန် ….ဒီအိတ်လေးမှာအမှတ်တရတွေရှိနေခဲ့လို့ပါပဲ…..

https://www3.nhk.or.jp/news/html/20200727/K10012528241_2007221742_2007270033_01_07.jpg

ဒီအိတ်လေးကိုမြင်ပြီး 礼子 တစ်ယောက်လည်း ဒီလိုစီးပွားရေးကြပ်တည်းနေတဲ့အချိန်မှာမိသားစုကို ဘယ်လိုပုံစံနဲ့ထောက်ပံ့ပေးနိုင်မလဲ? သူလုပ်တတ်တာကတော့ ထမင်းဘူးထုပ်ပိုးမှုတစ်ခုတည်းလို့တွေးကာ ပြန်ပြီးကြိုးစားကြည့်မယ်လို့ ဆုံးဖြတ်ခဲ့ပါတယ်။

https://www3.nhk.or.jp/news/html/20200727/K10012528241_2007221755_2007270033_01_10.jpg

ဒီလိုနဲ့ပဲ ၁၇ နှစ်ကြာပြီးမှ ထမင်းဘူးရောင်းချမှုကိုပြန်လည်အစပြုခဲ့တာပဲဖြစ်ပါတယ်။

ဒါတင်ပဲမကသေး…ပြန်လည်ဖွင့်လှစ်မှုအပေါ် ပျော်ရွှင်အားပေးနေသူတစ်ယောက်လည်းရှိပါတယ်။ သူကတော့ အနီးအနားလေးမှာပဲနေထိုင်သူဖြစ်ပြီး 岩崎順子 ဆိုသူပဲဖြစ်ပါတယ်။

岩崎順子ဟာ ယခင် မိသားစုတွေစုံပြီး 「かあちゃん弁当」 ဆိုင်ကထမင်းဘူးတွေမှာစားဖြစ်တယ်လို့ပြောပါတယ်။

https://www3.nhk.or.jp/news/html/20200727/K10012528241_2007221742_2007271218_01_10.jpg

လွန်ခဲ့တဲ့ ၂၄ နှစ်မတိုင်ခင်မှာ ကင်ဆာရောဂါနဲ့အမျိုးသားကိုဆုံးရှုံးလိုက်ရသော်လည်း ဒီလိုအေးဆေးတည်ငြိမ်တဲ့岩崎 ကိုစိတ်ပိုင်းဆိုင်ရာထောက်ပံ့ပေးခဲ့တာကတော့ 佐東 မိသားစုပဲဖြစ်ပါတယ်တဲ့….

ဒါကြောင့် ဆိုင်ပြန်လည်ဖွင့်မှုပေါ် ဝမ်းမြောက်ဝမ်းသာဖြစ်ပြီး ရောင်စုံစက္ကူတွေနဲ့ခေါက်ထားတဲ့ တူထည့်မယ့်အိတ် အခု ၁၀၀၀ ကို လက်ဆောင်ပေးကာ အားပေးခဲ့ပါတယ်….