ကုမ္ပဏီသောက်ပွဲတွေမှာကြားရတဲ့ မိန်းကလေးအများစုရဲ့ ပရိယာယ်စကား !!!!

မိန်းကလေးတွေအရက်သောက်တဲ့အချိန်မှာ အမြဲစကားတစ်ခွန်းပြောလေ့ရှိတယ်။
“ အဖွဲ့မှူး, မူးနေတာလား?”
ဆိုပြီး ရယ်ပြီးပြောတဲ့စကားရဲ့ တခြားအဓိပ္ပါယ်လည်းရှိပါတယ်။

 

သူငယ်ချင်းတွေနဲ့အတူတူအရက်သောက်ကြတာထက် ကုမ္ပဏီသောက်ပွဲဆိုရင်တော့ နည်းနည်းထူးခြားတယ်။
အထက်လူကြီး၊ မိမိထက်အသက်ကြီးသူတွေနဲ့သောက်ရတာက ပျော်ဖို့ကောင်းတာရော၊ စိတ်ညစ်ရတာရော အများကြီးရှိပါတယ်။
မကြိုက်တာကိုမကြိုက်ဘူးလို့ ပြောမထွက်ဘူးဆိုရင်၊ ဂျပန်မိန်းကလေးတွေကတော့ ဒီလိုလှည့်ကွက်သုံးပါတယ်။


https://ray-web.jp/51775

“ အဖွဲ့မှူး, မူးနေတာလား?”

ဆိုပြီး မျက်နှာချိုလေးနဲ့ပြောကြတယ်။
အဲ့အချိန်မှာ အဖွဲ့မှူးက “ မမူးသေးပါဘူး၊ ရပါသေးတယ်” ပြန်ပြောကြတယ်။
ကဲ. သင်ကတော့ ဒီစကားရဲ့အဓိပ္ပါယ်ကို မသိဘူးမဟုတ်လား?

“ ပုံမှန်ဆိုရင် နင်ဒီလိုမပြောပါဘူး” ..

ဆိုတဲ့ရိုင်းရိုင်းစိုင်းစိုင်းစကားတွေ အရက်ဝိုင်းမှာထွက်လာတတ်တယ်။
သို့သော် တစ်ဖက်လူကအထက်လူကြီးဖြစ်နေတာကတစ်ကြောင်း၊ အလုပ်နဲ့ပတ်သက်ပြီးခင်မင်မှုတွေကို မပျက်ချင်တာကြောင့် ရိုးရိုင်းစိုင်းစိုင်းပြန်မပြောချင်ကြပါဘူး။
အဲ့ဒီလိုအချိန် ပညာသားပါပါ ဒီလိုမျိုးပဲပြောကြတယ်။
အဲ့ဒီစကားရဲ့အဓိပ္ပါယ်ကတော့ …

တော်တော်မိုက်ရိုင်းလှချည်လား!?
အခုတော့ မူးနေလို့ခွင့်လွှတ်လိုက်မယ်။ ချက်ချင်းရပ်ပါ။
နောက်တစ်ကြိမ်ဆိုသည်းမခံဘူး!!

အယ်….စိတ်ထဲကနေတော့ အဲ့ဒီလိုပြောချင်နေတာလားမသိဘူး…(ရယ်လျက်) !!

စကားမစပ်၊ ဂျပန်မှာ 無礼講(ぶれいこう)Bureikō ဆိုတဲ့စကားရှိတယ်။
ပုံမှန်ဆို အထက်အောက်ဆက်ဆံရေးက ကုမ္ပဏီတွင်းမှာတော့ရှိပေမဲ့၊ ပါတီစားသောက်ဝိုင်းတွေရောက်သွားရင်တော့ အထက်အောက်ဆိုတာမရှိတော့ပါဘူး။
သောက်ပွဲမှာအပျော်အပျက်ပြောကြတဲ့စကားပေါ့…

ဥပမာအနေနဲ့

“ ပျော်ပျော်ပါးပါးသောက်ရအောင် !!”
ဆိုတဲ့ စကားရဲ့အဓိပ္ပါယ်ကို နားလည်ဖို့ခက်တယ်။

ကျွန်တော်လည်းသေချာမပြောနိုင်ပါဘူး…..

ပျော်ပျော်ပါးပါးလို့ပြောလိုက်ပေမဲ့ တစ်ဖက်လူမကြိုက်ဘူးဆိုရင်
အပျော်လွန်ပြီးမပြောမိဖို့တော့ အရေးကြီးပါတယ်။

နောက်ဆုံးအနေနဲ့ ကျွန်တော်မြင်တွေ့ခဲ့တဲ့ သောက်ပွဲကအဖြစ်အပျက်လေးကိုပြောပြချင်ပါတယ်.
ဒါက ပြောင်းပြန်အနေနဲ့ မိန်းကလေးတွေရှုပ်ထွေးသွားတဲ့ ဥပမာပဲဖြစ်ပါတယ်။

တစ်ခုသော Internet operating company မှာယာယီအနေနဲ့ အလုပ်ဝင်ခဲ့တဲ့ (အသက် ၂၆ နှစ်အရွယ်) Y ဆိုတဲ့မိန်းကလေးတစ်ယောက်ရှိပါတယ်။
ငယ်ရွယ်သွက်လက်တဲ့မိန်းကလေးဖြစ်တဲ့အလျောက် လှလည်းလှတဲ့အတွက် ကုမ္ပဏီတွင်းမှာ လူချစ်လူခင်ပေါများခဲ့ပါတယ်။

အဲ့ဒီအချိန်က ၂၀၀၀ ခုနှစ်လောက်ဖြစ်တဲ့အတွက် ဒီဂျီတယ်ကင်မရာကိုင်ပြီးလျှောက်သွားတဲ့လူဆိုတာ တော်ရုံတန်ရုံမရှိသေးအချိန်၊ သူမရဲ့အိတ်ထဲမှာတော့ အမြဲတမ်းဒီဂျီတယ်ကင်မရာကို ယူသွားလေ့ရှိခဲ့ပါတယ်။

သူမအတွက်ကြိုဆိုပွဲနေ့မှာ နေသိပ်မကောင်းတာကြောင့် အအေးမိသက်သာပျောက်ဆေး သောက်ခဲ့ပုံရပါတယ်။ ဒီလိုနေမကောင်းတဲ့ကြားရ အရက်ကိုပါသောက်ပြီး၊ မူးမူးနဲ့ ဒီဂျီတယ်ကင်မရာကိုထုတ်ပြီး အားလုံးရဲ့ပုံတွေကို လိုက်ရိုက်ပါတော့တယ်။

အဲ့ဒီကုမ္ပဏီရဲ့သူဌေးကအနည်းငယ် ဆံပင်ပါးသူဖြစ်ပြီး၊ သူ့နောက်ကွယ်မှာတော့ “ ပြောင်ကြီး” လို့အခေါ်ခံရပြီး သူ့အရှေ့မှာတော့ဘယ်သူမှမပြောရဲကြပါဘူး။
အဲ့ဒီသူဌေးရဲ့ခေါင်းတည့်တည့်ကိုမှ ကင်မရာချိန်ပြီး flash ဖွင့်ပြီး ဓါတ်ပုံရိုက်မိလိုက်တာကြောင့် ရုတ်တရက်အလင်းထွက်လာပြီး ဓါတ်ပုံကဖြူစွတ်သွားပါတယ်။

အဲ့ဒီအချိန်မှာအဲ့မိန်းကလေးကပြောလိုက်တဲ့စကားက

“ အာ !! ပြောင်နေတာပဲ!”

http://yurukuyaru.com/archives/80167063.html

“ ဘာပြောတယ် ဒီဟာမလေး!”

အဲ့ဒီနေရာမှာရှိတဲ့ဝန်ထမ်းအားလုံးတိတ်ဆိတ်သွားပါတယ်။
အဝေးကနေ flash သုံးလိုက်မယ်ဆိုရင် ဆံပင်တွေအားလုံးဟာအရောင်ပြန်ပြီး ဖြူဖွေးသွားမှာပဲမဟုတ်လား..
အဲ့ဒီနေရာမှာ လူတိုင်းရဲ့မျက်နှာကိုဓါတ်ပုံရိုက်ရင်း စိတ်ဝင်စားဖို့ခဲ့တာပဲနော်….

နောက်ပြီးအမူးလွန်နေတဲ့မိန်းကလေးက နောက်ဆုံးမှာဘာမှတောင်မလုပ်နိုင်တော့တဲ့အတွက် “ ပြောင်ကြီး” အဲ့မှားလို့ “ သူဌေး” က တက္ကစီနဲ့အိမ်အထိလိုက်ပို့ပေးခဲ့ရပါတယ်။
မိဘတွေနဲ့အတူနေတဲ့အဲ့ဒီမိန်းကလေးရဲ့အိမ်ရောက်တော့ အမေဖြစ်သူက ကပျာကယာနဲ့ပြေးထွက်လာတဲ့အချိန် သူဌေးလက်ထဲမှာကိုင်ထားတာကတော့ အမူးလွန်ပြီးအန်ထားတဲ့ က‌လေးမရဲ့အန်ဖက်ကြွတ်ကြွတ်အိတ်ပါပဲ။

အဲ့ဒီသူဌေးက အဲ့ဒီအချိန် Yahoo! JAPAN ရဲ့တာဝန်ရှိသူတစ်ယောက်လည်းဖြစ်ပါတယ်။
အမေဖြစ်သူကပျာယာခပ်သွားပြီး….
နောက်တစ်နေ့ရောက်တဲ့အခါမှာတော့ ကလေးမရဲ့အားလည်းနာ ရှက်လည်းရှက်မိတဲ့ပုံစံက ဘယ်လောက်အထိရယ်စရာကောင်းလဲဆိုတာ စကားနဲ့တောင်ပြောမပြနိုင်လောက်အောင်ပါပဲဗျာ….

သူဌေးကသဘောကောင်းတဲ့သူဖြစ်လို့သာ ဟာသအနေနဲ့အပြောင်အပျက်ပြောလိုက်တဲ့စကားကို နားလည်ပေးပြီး ရယ်ပြီးခွင့်လွှတ်ပေးလိုက်ပေမဲ့၊ ဒီလိုသူဌေးမျိုးကရှားပါတယ်။
ဒါကြောင့်စာဖတ်သူတို့အားလုံးလည်း ကုမ္ပဏီသောက်ပွဲဆိုပေမဲ့ အသင့်အတင့်ပဲသောက်ဖို့အကြံပြုလိုက်ပါတယ်ခင်ဗျာ…..

 

Kengo Abe

ဆက်စပ်ဆောင်းပါးများဖတ်ရှု့ရန်
သက်ဆိုင်ရာသတင်းကို ကြည့်မည်: