Edo ခေတ်က တုပ်ကွေးရောဂါတိုက်ဖျက်ရေးနည်းလမ်းဟာ အောင်မြင်ခဲ့သလား?

ဂျပန်မှာတော့ နှစ်စဉ်နှစ်တိုင်း ဆောင်းရာသီရောက်ပြီဆိုရင် တုပ်ကွေးဟာ ပျံ့နှံ့လို့လာပါပြီ။ ဒီနှစ်ကတော့ ဆောင်းရာသီဖြစ်လေ့ရှိတဲ့တုပ်ကွေးအပြင် ကိုရိုနာဗိုင်းရပ်စ်လည်းပျံ့နှံ့နေလို့ ကျောင်းတွေ ပွဲတော်တွေ ပိတ်ပစ်ရတဲ့အခြေအနေအထိဖြစ်ပေါ်နေတာ မြန်မာနိုင်ငံအပါအဝင်ပါပဲ။

မျက်လုံးနဲ့မမြင်ရတဲ့ ဗိုင်းရပ်စ်တွေကြောင့်ဖြစ်တဲ့ ကူးစက်ရောဂါတွေကိုကာကွယ်ဖို့အလွန်ခဲယဉ်းပေမယ့်လည်း၊ လွန်ခဲ့တဲ့နှစ်ပေါင်း ၂၀၀ ခန့်ကဖြစ်တဲ့ Edo ခေတ်တုန်းက ဒီလိုကူးစက်ရောဂါတွေကို ဘယ်လိုကာကွယ်နိုင်ခဲ့သလဲ?

ဒါဟာတော်လှန်နိုင်တယ်လို့ပဲဆိုရမလား. . .ဒါမှမဟုတ် ထိရောက်စေတာလား?

အဲဒီနည်းလမ်းကတော့ ရိုးရှင်းပါတယ်။ အိမ်ရှေ့အဝင်ပေါက်ဝမှာ “久松留守” Hisamatsu Rusu   သို့မဟုတ် “久松るす”  Hisamatsuru su လို့ရေးထားတဲ့စာရွက်ကိုကပ်လိုက်ရုံပါပဲ။ “Hisamatsu အိမ်မှာမရှိ” လို့ အဓိပ္ပာယ်ရပါတယ်။

https://mag.japaaan.com/archives/113158

ထိုအချိန်တုန်းက လူကြိူက်များခဲ့တဲ့ Kabuki  ( Japanese Classic Drama) ဖြစ်တဲ့  “ Osomeku Hisamatsu” မှလာပုံရပါတယ်။

အဲဒီခေတ်တုန်းက လူတိုင်းလိုလိုသိကြတယ်လို့ပြောတဲ့ အရမ်းကိုနာမည်ကြီးတဲ့ ဇာတ်လမ်းဖြစ်ပြီး ၁၇၁၀ခုနှစ်မှာ ဖြစ်ပျက်ခဲ့တဲ့ ဝမ်းနည်းဖွယ်ရာ ဖြစ်ရပ်မှန် အချစ်ဇာတ်လမ်းအဖြစ်အပျက်လေးလို့ပြောကြပါတယ်။

တုပ်ကွေးကိုအဲအချိန်တုန်းက Osome Kaze အိုဆိုမဲအဖျားလို့ ခေါ်ခဲ့ကြပါတယ်။

ဒီနာမည်နဲ့ ဇာတ်လမ်းရဲ့ အဓိကနေရာမှာ ပါဝင်ခဲ့တဲ့ အမျိုးသမီးရဲ့ နာမည်ကနေ စတင်ဖြစ်ပေါ်လာတာပါ။

Hisamatsu အိမ်မှာ မရှိဘူးဆိုတာက . . .

Osome ချစ်တဲ့ Hisamatsu ဒီအိမ်မှာမရှိလို့ မဝင်လာပါနဲ့ !  ဆိုတဲ့ အဓိပ္ပာယ်ပါ။

ဒီလိုလုပ်ရင် ဗိုင်းရပ်စ် မကူးစပ်ခံရဘူးလားဆိုတော့ . . .

အဲဒီအချိန်တုန်းက ဆေးပညာတွေ ဆေးကုသမှုတွေ မတိုးတက်သေးလို့ ဆေးရုံတွေဟာလည်း အရမ်းကို‌‌ ‌စျေးကြီးကြပါတယ်။ သာမန်လူတွေ ဆေးရုံမတက်နိုင်ကြပါဘူး။

ဒီလို နောက်ပြောင်တာမျိုးကို လုပ်လေ့ရှိတဲ့ ထိုအချိန်က ဂျပန်တို့ရဲ့ ဟာသဉာဏ်ဟာလည်း စိတ်ဝင်စားဖို့ကောင်းတယ်နော်။

ဒါကို ပထမဆုံးတွေးမိခဲ့တဲ့သူကတော့ ပါရမီရှင်ပဲနော်။

အဲတုန်းကဆိုရင်လေ တုပ်ကွေးတော်တော်များများကို အမျိုးသမီး နာမည်တွေပေးခဲ့ကြတယ်တဲ့။

Osome တစ်ယောက်တည်းမဟုတ်ပဲ ဒီတစ်ယောက်ရဲ့ နာမည်လည်း အသုံးပြုခံခဲ့ရပါသေးတယ်။

https://mag.japaaan.com/archives/113158/2

Oshichi

သူမကတော့ Edoမြို့မှာ မီးရှို့ရာကနေ ကြီးမားတဲ့ မီးလောင်မှုကိုဖြစ်ပေါ်စေခဲ့သူပါ။

အဆုံးမှာသေဒဏ်ပဲလို့ဆိုပေမယ့် ဒီမီးလောင်မှုလိုမျိုး အရှိန်အဟုန်နဲ့ ပျံ့နှံ့သွားတယ်ဆိုတဲ့ အရာမှ Oshichi အဖျားဆိုတဲ့ နာမည်လည်းရှိခဲ့တယ်လို့ဆိုပါတယ်။

စိတ်မကောင်းစရာကတော့ Oshichi အအေးမိ တဲ့ တုပ်ကွေးတုန်းက “HIsamatsu Rusu” လိုမျိုး ကာကွယ်ဖို့နည်းလမ်းမရှိခဲ့ဘူးလို့တော့ သိရပါတယ် !!!!!!

Kengo Abe