အမျိုးသမီးအုပ်ချုပ်ရင် အေးချမ်းတယ်? ဂျပန်သမိုင်းမှာ ကျော်ကြားခဲ့တဲ့ ပဟေဌိဆန်တဲ့ လူသား ဟိမိကို

ဆာမူရိုင်းတွေမပေါ်ခင်ကထက်ကို ပိုစောတဲ့ခေတ်

ခရစ်သက္ကရာဇ် 200 ခုနှစ်မှာ မွေးဖွားခဲ့တဲ့ ဟိမိကို လို့ခေါ်တဲ့ ဧကရီတစ်ပါး ရှိခဲ့ပါတယ်

အဲဒီတုန်းက ဂျပန်မှာ စာအုပ်တွေချန်ထားခဲ့တဲ့ ယဉ်ကျေးမှုမရှိသေးပေမယ့် ရှေးဟောင်း တရုတ်မှတ်တမ်းတွေမှာ ဂျပန်အကြောင်းရေးတဲ့ Gishiwajinden ဆိုတဲ့ စာအုပ်ထဲမှာ ပေါ်လာတဲ့ ပုဂ္ဂိုလ်ဖြစ်ပါတယ်။

ထိုအချိန်က တရုတ်ပြည်မှာ ဂျပန်ကို Wakoku လို့ခေါ်ပြီး၊ Wakoku မှာ Yamatai Koku ဆိုတဲ့ နိုင်ငံတစ်ခုရှိကြောင်း ရေးထားပါတယ်

အဲ့ဒီနိုင်ငံရဲ့ ဘုရင်မအဖြစ် ရှိခဲ့တဲ့ ဟိမိကိုက ဒီစာအုပ်မှာသာ ပေါ်နေတာပါ

Yamatai ကဘယ်မှာရှိခဲ့တာလဲ၊ ဟိမိကို အမှန်တကယ်ရှိမရှိ ရှင်းရှင်းလင်းလင်း မသိရပါဘူး

အဲ့ဒီအချိန်က ဂျပန်နိုင်ငံကို Yayoi ခေတ်လို့ ခေါ်တွင်ပြီး ဆန်စပါးကို အားကြိုးမာန်တက် စိုက်ပျိုးခဲ့တဲ့ အချိန်ဖြစ်ခဲ့ပါတယ်

စပါးစိုက်ပျိုးမှု စတင်ခဲ့တာကြောင့် လူတွေက အုပ်စု ၁စုအနေနဲ့ အုပ်စုဖွဲ့နေထိုင်ကြပြီး အစားအစာကို ထုတ်လုပ်ဖို့ အစီအစဥ်တကျ လုပ်ဆောင်လာခဲ့ကြပါတယ်

အဲဒီလိုဖြစ်လာရင် ချမ်းသာတဲ့သူနဲ့ ဆင်းရဲတဲ့ကြားက အာဏာပြဿနာ ပေါ်လာတယ်။

တစ်အုပ်စုက အနီးနားက နောက်တစ်အုပ်စုကို တိုက်ခိုက်ပြီး နယ်မြေချဲ့ထွင်တာတွေ တိုးလာတာတွေ နေ့စဉ်ဖြစ်ပျက်နေတဲ့အချိန် ဟိမိကိုက ထီးနန်းကို သိမ်းပိုက်လိုက်တဲ့အခါ စစ်ပွဲတွေ ပြေငြိမ်းသွားခဲ့တယ်လို့ ဆိုပါတယ်

ဟိမိကိုက နေနတ်ဘုရားရဲ့ နတ်ကွန်းနတ်သမီးဖြစ်ပြီး နိုင်ငံရေးကို ဗေဒင်ဟောတာမျိုးလုပ်ပြီး လုပ်ဆောင်ခဲ့တယ်လို့ ပြောကြပါတယ်

နေကို ကမ္ဘာပေါ်မှာ ကြီးမြတ်တဲ့ နတ်ဘုရားအဖြစ် ကိုးကွယ်ခဲ့တယ်လို့ ထင်ရပါတယ်

ဂျပန်နိုင်ငံမှာ ကိုးကွယ်မှုဇာတ်ကြောင်းတွေကိုကြည့်လိုက်ရင် အဓိက ကိုးကွယ်ရာဖြစ်တဲ့ Amaterasu Omikami နှင့် ဗုဒ္ဓဘာသာမှာ Dainichi Nyorai ဆိုပြီး ရှိပါတယ်

အခုထိလည်း ဒီနေနတ်ဘုရား ကိုးကွယ်မှုကို တစ်စိတ်တစ်ပိုင်း ထိန်းသိမ်းထားဆဲဖြစ်ပါတယ်

ထိုအချိန်က ယဉ်ကျေးမှုနိုင်ငံဖြစ်တဲ့ တရုတ်နိုင်ငံကို လက်ဆောင်တွေပေးပို့ခဲ့ပြီး တရုတ်ဧကရာဇ်မင်းမြတ်ထံမှ ရွှေတံဆိပ် (ရွှေတံဆိပ်တုံး) နဲ့၊ ကြေးမှန်အချပ် (၁၀၀) တို့ကို လက်ဆောင်အဖြစ် ရရှိခဲ့ပါတယ်။

ဒဏ္ဍာရီအရတော့ သူမကို လူအနည်းငယ်ကသာမြင်ရပြီး လူအများရှေ့မှာ ပေါ်လာခဲပါတယ်

သူ့မှာ ခင်ပွန်းလည်းမရှိလို့ သူ့အစ်ကိုက သူ့ကို စောင့်ရှောက်နေတယ်လို့ ပြောပါတယ်။

သူမ၏ ဗေဒင်ပညာအရ အမှားအယွင်းမရှိလို့ဆိုပြီး တိုင်းပြည်ကလည်း အဆမတန် ကြီးထွားလာခဲ့ပေမယ့်၊ ဟိမိကို ကွယ်လွန်ပြီးနောက် ထီးဘုရင် ပေါ်ထွန်းလာတဲ့အခါ စစ်ပွဲတွေ ထပ်ဖြစ်ပြန်ပါတော့တယ်

ဒီလိုနိုင်ငံဖြစ်ခဲ့ပေမယ့် ဘယ်နေရာမှာရှိခဲ့သလဲဆိုတာကို အမှန်တကယ် မသိကြရပါဘူး

တရုတ်ဘုရင်နှင့် ကူးလူးဆက်ဆံခဲ့ရင် တရုတ်ကိုသွားဖို့လွယ်တဲ့ ခယူးရှူးနားများလား? လို့ပြောကြသလို၊  ထင်ရလောက်တဲ့နေရာတွေ အများကြီးရှိခဲ့ပေမယ့် Yamatai နိုင်ငံ ခြေရာကို ရှာမတွေ့ပါဘူး

Himiko သေဆုံးပြီးနောက် လူပေါင်း 100 လောက်ကို Himiko နဲ့ အတူ အရှင်လတ်လတ် မြှုပ်နှံခဲ့ကြတယ်လို့ မှတ်တမ်းတွေ ရှိပါတယ်၊ ဒါပေမယ့် ဒီလောက်အတိုင်းအတာတစ်ခု ဖြစ်ပေမယ့်၊ သင်္ချိုင်းကိုတော့ ရှာမတွေ့သေးပါဘူး။

သို့သော်လည်း အခြားဒေသမှာရှိတဲ့ ဘုရင်များ၏ သင်္ချိုင်းဂူများမှာ ကြေးမှန်ကို တွေ့ရှိခဲ့ပြီး “ တရုတ်နှင့် ၎င်း၏ဆက်ဆံရေးကို အခြားနိုင်ငံများကို အသိပေးရန် Himiko မှ ပေးအပ်ခဲ့ခြင်းဖြစ်နိုင်တယ်” လို့ ဆိုကြပါတယ်

အဲ့ဒါဆို တကယ်ရှိခဲ့တာ ဖြစ်နိုင်ပါတယ်

လျှို့ဝှက်ဆန်းကြယ်တဲ့ မိဖုရားတစ်ပါးဖြစ်သော်လည်း သူမ၏ နန်းထိုင်တဲ့ကာလမှာ  အေးချမ်းလာပြီး၊ ဘုရင်အုပ်ချုပ်တဲ့အခါမှာတော့ စစ်ဖြစ်ပြန်ပါတယ်

Himiko ရဲ့ ဆွေမျိုးမိန်းကလေးတစ်ဦးဖြစ်တဲ့ Iyo က ဒီအခြေအနေတွေကို စိုးရိမ်ပြီး ရာဇပလ္လင်ကိုရယူလိုက်တဲ့အခါ၊ ငြိမ်းချမ်းတဲ့ခေတ်ကို တစ်ဖန်ရောက်ရှိခဲ့တယ်လို့ ဆိုပါတယ်

ဂျပန်နိုင်ငံမှာ အမျိုးသမီတွေ ထိပ်ပိုင်းရောက်ရင် ပဋိပက္ခမရှိနိုင်ဘူးထင်ပါတယ်

Yamatai နိုင်ငံ နဲ့ Himiko တို့ တကယ်ရှိခဲ့တယ်လို့ ဆိုကြပေမယ့်၊ အချို့သော သမိုင်းပညာရှင်များကတော့ ငြင်းပယ်ချင်ကြပုံပါပဲ

ဂျပန်စာ ကောင်းကောင်းတတ်ရင် ဒီ kanji ကိုကြည့်ပါ။

邪馬台国

ပထမစာလုံးက邪神（じゃしん）စာလုံးမှာသုံးတဲ့ よこしま (ဉာဏ်နီဉာဏ်နက်) ဆိုတဲ့စာလုံးဖြစ်ပါတယ်

ကောင်းတဲ့အဓိပ္ပာယ်တော့မဟုတ်ပါဘူး

卑弥呼

ဒီနာမည်မှာလည်း အစစာလုံးက ကျွန် ဆိုတဲ့အဓိပ္ပာယ်ကို ဆောင်နေပါတယ်

ဒီလောက်ဆိုးတဲ့စာလုံးတွေကို တိုင်းပြည်နာမည်၊ လူနာမည်အနေနဲ့ သုံးရဲ့လား?

ထိုအချိန်က အလွန်ဖွံ့ဖြိုးပြီးဖြစ်တဲ့ နိုင်ငံတစ်နိုင်ငံဖြစ်တဲ့ တရုတ်ဘက်ခြမ်းက အရူးလုပ် ရေးခဲ့ပုံရပါတယ်

ဆိုတော့ မသင်္ကာစရာဖြစ်လာပါပြီ

ပြီးတော့ Himiko က ဂျပန်ဒဏ္ဍာရီလာ Amaterasu Omikami ရဲ့ပုံသဏ္ဍာန်ကို ခံစားရစေပါတယ်

ဂျပန်ဒဏ္ဍာရီရဲ့ ဆင်းသက်လာမှုလား? ဒါမှမဟုတ် အစပြုသူလို့ ဆိုတဲ့ သီအိုရီတစ်ခုရှိပါတယ်

ဒဏ္ဍာရီတွေထဲမှာ Amaterasu Omikami က Amanoiwato လို့ခေါ်တဲ့ ကျောက်လှိုဏ်ဂူမှာ ပုန်းအောင်းနေပြီး လူမြင်ကွင်းမှာ မပေါ်ခဲ့တာက Himiko နဲ့တူတယ်လို့ မခံစားရဘူးလား?

ဂျပန်သမိုင်းမှာ အကြီးမားဆုံးမေးခွန်းများထဲမှ တစ်ခုဖြစ်တယ်လို့ ပြောရင်တောင် ချဲ့ကားရာမရောက်တဲ့  Himiko နဲ့ Yamatai နိုင်ငံပြဿနာပါပဲ

သင်ကရော တကယ်ရှိခဲ့တယ်လို့ ထင်ပါသလား?

Kengo Abe

• culture