ကမ္ဘာ့ အမာကြောဆုံး LEXUS ။ ကျည်ဆန်တွေ ဗုံးဒဏ်တွေကိုတောင် ခံနိုင်တာလား?

ဂျပန်ကိုယ်စားပြု အဆင့်မြင့်ကား brand တစ်ခုဖြစ်တဲ့ LEXUS

ဒီထဲကမှ ကားဘော်ဒီအကြီးဆုံးဖြစ်တဲ့ LEXUS LX ဟာ ထည်ဝါလှပြီး အတွင်းပိုင်းကလည်း အရမ်းလှတာကြောင့် ကမ္ဘာတစ်ဝှမ်းက ဆယ်လီတွေ၊ VIP တွေက ကြိုက်ကြပါတယ်

https://response.jp/article/2022/01/24/353503.html

ကားအကြီးကြီးတွေက ဂျပန်နိုင်ငံမှာထက် မြောက်အမေရိကမှာ ပိုလူကြိုက်များပြီး၊ 1st နှင့် 2nd မျိုးဆက်တွေကို မြောက်အမေရိကမှာ အဓိကထား ရောင်းချခဲ့ပါတယ်

3^rd မျိုးဆက်ကိုလည်း အမေရိကမှာပဲ ၂၀၀၇ ခုနှစ်ကရောင်းခဲ့ပြီး အသေးစားမွမ်းမံမှုပြုလုပ်ပြီး 2015 ခုနှစ်ကတည်းက ဂျပန်နိုင်ငံတွင် စတင်ရောင်းချခဲ့တာပါ။

အမြန်နှုန်းထက် သက်တောင့်သက်သာရှိမှု၊ လုခြုံမှုတွေနဲ့ ကမ္ဘာ့နံပါတ် ၁ နေရာကိုရယူထားတဲ့ LEXUS ဟာ power up လုပ်ပြီး ထပ်မံမွေးဖွားလာပါပြီ

နာမည်ကိုလည်း Armored LEXUS LX600 လို့ပေးထားပါတယ်

နဂိုရှိပြီးသား LEXUS LX600 ပေါ်မှာ Armored တပ်ထားတာကတော့ ဒီကားပဲဖြစ်ပါတယ်

INKAS Armored Vehicle Manufacturing ဆိုတဲ့ ကနေဒါက ကားထုတ်လုပ်သူကထုတ်လုပ်ထားတာဖြစ်ပြီး ကျည်ဒဏ် ဗုံးဒဏ်တွေကိုပါ ခံနိုင်အောင် ပြုလုပ်ထားတာပါ

ဒီကုမ္ပဏီကို ၂၀၀၀ ခုနှစ်မှာတည်ထောင်ပြီး ဇိမ်ခံသံချပ်ကာဆလွန်း၊ SUV၊ သံချပ်ကာကား၊ နည်းဗျူဟာမြောက် သံချပ်ကာယာဉ် ဒီဇိုင်းဖန်တီးတာကို အထူးပြုထားပြီး ၎င်းကို ကမ္ဘာတစ်ဝှမ်းရှိ ဘဏ်များ၊ အစိုးရများ၊ VIP တွေက နှစ်သက်သဘောကျ ကြပါတယ်

ကျည်ကာမှန်၊ အမျိုးမျိုးသော ကာကွယ်ရေးလုပ်ဆောင်ချက်များ၊ ပေါက်ကွဲသံကြောင့် ကွဲမသွားစေဖို့ ခိုင်ခံ့တဲ့ ဆိုင်းထိန်းစနစ်ကိုလည်း ခိုင်ခံ့အောင်ပြုလုပ်ထားပြီး တိုက်ခိုက်ခံရတဲ့ လမ်းကြမ်းများမှာပါ မောင်းနှင်နိုင်မယ်ဖြစ်ပါတယ်

တာယာတွေကလည်း ထိုးဖောက်ခံရသည့်တိုင် အကွာအဝေးတစ်ခုအထိ မောင်းနှင်နိုင်ဖို့ Run Flat တာယာများကို အသုံးပြုထားတာပါ

7.62 မီလီမီတာ ကျည်ဆန်နဲ့ ယာဉ်အောက်ရှိ လက်ပစ်ဗုံး နှစ်လုံးလောက်ကနေ စီးနင်းသူကို ကာကွယ်နိုင်တယ်လို့ဆိုပါတယ်

စိတ်ကြိုက်ပြုလုပ်ထားတဲ့ စိတ်ကြိုက်ထုတ်ကုန်ဖြစ်တာကြောင့် ဈေးနှုန်းကို မကြေညာသေးပေမယ့် ကမ္ဘာတစ်ဝှမ်းရှိ နိုင်ငံများသို့ ရောင်းချနေပြီလို့ဆိုပါတယ်

မကောင်းမှုတွေ မလုပ်နေရင်တောင်မှ ပေါ်လွင်နေတယ်ဆိုရင် တိုက်ခိုက်ခံရနိုင်တဲ့ ကြမ်းတမ်းတဲ့ကမ္ဘာကြီးမှာ

ကိုယ့်ကိုယ်ကို ကာကွယ်ဖို့ အမာကြောဆုံး LEXUS ကို ဝယ်မစီးချင်ဘူးလား?

• Car