ဂျပန်တွေ ကျောင်းဆင်းပွဲမှာဝတ်တဲ့အဝတ်အစား

၃ လပိုင်းလို့ပြောရမယ်ဆိုရင် ဂျပန်မှာ ကျောင်းဆင်းပွဲရာသီလို့ပြောရမှာပါပဲ။

၄ လပိုင်း ကျောင်းစဖွင့်တာကို ဦးတည်ပြီး သူငယ်ချင်းတွေနဲ့ ခွဲခွာရတဲ့ ရာသီပေါ့။

ကျောင်းဆင်းပွဲဆိုတာက ကျောင်းသားဘဝနှစ်အနည်းငယ်ရဲ့ အားလုံးသောအမှတ်ရစရာတွေ ပေါ်ထွက်လာခဲ့တဲ့ အချိန်ကိုက်မှုတစ်ခုလို့ ဆိုနိုင်တယ်။
ပျော်စရာကောင်းခဲ့တာတွေ ဝမ်းနည်းခဲ့ရတာတွေ အရမသဘောာကျခဲ့ရတဲ့ တစ်ယောက်သောသူရဲ့ ပုံရိပ်တွေ…..
ဂျပန်ရဲ့အလယ်တန်း အထက်တန်းကျောင်းတွေက များသောအားဖြင့် ကျောင်းယူနီဖောင်းကို ဝတ်ဆင်ကြရပါတယ်။
ကျောင်းဆင်းပွဲမှာလည်း ယူနီဖောင်းနဲ့ပဲ တက်ရတယ်ဆိုပေမယ့်လည်း ကျောင်းဆင်းပွဲအတွက် ယူနီဖောင်းကို သေချပြင်ဆင်ထားတဲ့သူတွေလည်း ရှိကြတာပါပဲ။
အဲ့လိုအဝတ်အစားမျိုးကို (ဆိုဆွတ်ရဲန်း) လို့ ခေါ်ကြပါတယ်။
ဒီစတိုင်နဲ့ ဆိုဆွတ်ရဲန်းဟာ ဒီနေ့ခေတ်မှာ တမဟုတ်ချင်းခေတ်စားလာခဲ့ပါတယ်။

変形学生服“卒ラン”最新トレンド――刺繍は「夜露死苦」から「Best Friend」へ

ဒီဟာအားလုံး ပန်းပွင့်ဒီဇိုင်းဖော်ထားတဲ့ပုံစံတွေဖြစ်ပြီးတော့ စျေးလည်းများပါတယ်။

ဒါပေမယ့် ဒီလိုဆိုဆွတ်ရဲန်းတွေက ကျောင်းရဲ့စည်းကမ်းအနေနဲ့ပြောရရင် မကိုက်ညီပါဘူး။ ဝတ်လာတဲ့ ကျောင်းသားတွေ တော်တော်များများကတော့ ကျောင်းရဲ့ဆရာဆရာမတွေ မိဘတွေကို ဆန့်ကျင်တဲ့ကလေးတွေဖြစ်တတ်ကြပါတယ်။
အဲ့ဒီလို ကလေးတွေက အခုလိုမျိုး စာသားတွေကို ရေးခြယ်ကြတာဖြစ်ပါတယ်။

Thank youနှစ်ယောက်တွေ့ဆုံခဲ့တဲ့အတူတူရှိခဲ့တဲ့သုံးနှစ်တာကာလ တစ်သက်လုံးမမေ့နိုင်တော့မယ့်ဒီခံစားချက်
အခုကစပြီးလည်း အမြဲတမ်း Best Friend

ဂရုစိုက်ပေးခဲ့တဲ့ ဆရာ့ကို
အများကြီးချစ်ပေးတဲ့မိဘတွေကို
ကျေးဇူးတင်ပါတယ်
ကူညီပေးခဲ့တဲ့ကျေးဇူးရှင်ကို ပြီးတော့ အပေါင်းအသင်းတွေကို

ဖေဖေ မေမေ ကျေးဇူးတင်ပါတယ်။

အဲ့ဒီနေ့ အဲ့ဒီနေရာ
အဲ့ဒီမျက်ရည်တွေ အဲဒီနွေးထွေးမှုတွေ
သတိထားမိတဲ့အရာတွေ မမေ့တော့ဘူး
မေမေပြောခဲ့တာတွေကို ရှက်ခဲ့ရပေမယ့်
ကျေးဇူးပပါမေမေ

ရူးမိုက်တာတွေလုပ်ခဲ့မိတဲ့ရက်တွေ
အကောင်းဆုံး အပေါင်းအသင်းတွေ ကျေးဇူးရှင်ကို
ကံအားလျော်စွာ ဆုံနိုင်ခဲ့တဲ့အတွက်
ကျေးဇူးပါ
ဆရာ အမေ
အနှောက်အယှက် ပေးခဲ့မိတာကို
မမေ့ပါဘူး
ကျွန်တော် တစ်လှမ်းရှေ့ကို ရောက်လာခဲ့ပါပြီ

ကျောင်းရဲ့စည်းကမ်းနဲ့ဆန့်ကျင်ပြီး ဒီလို ဆိုဆွတ်ရဲန်းကို ဝတ်လာတဲ့ကလေးတွေ
ဆံပင်တွေကိုတောင် အညိုရောင်၊ရွှေရောင် ဆိုးထားပြီး ဆေးလိပ်သောက်တာတို့ လုပ်လာခဲ့ကြတဲ့သူတွေမဟုတ်လား။
အဲ့လိုကလေးတွေက ဒီလိုသတင်းစကားလေးတွေကို ဆိုဆွတ်ရဲန်းမှာ ထည့်ပြီးဝတ်လာခဲ့ကြတာက နည်းနည်းတော့ စိတ်လှုပ်ရှားခံစားရစေပါတယ်။

စည်းကမ်းတွေမလိုက်နာတာကို မချီးမွမ်းနိုင်ပေမယ့် သူတို့ရဲ့စိတ်နှလုံးသားတွေက ပျက်စီးနေတာမဟုတ်ဘူးဆိုတာကိုတော့ ဖော်ပြလိုက်တာလို့ထင်ပါတယ်။

ဓါတ်ပုံများ

変形学生服“卒ラン”最新トレンド――刺繍は「夜露死苦」から「Best Friend」へ