ဂျပန်ဒဏ္ဍာရီထဲမှာ ကံအဆိုးဆုံးနတ်ဘုရား

ဂျပန်မှာတော့ 古事記（こじき）、日本書紀（にほんしょき）လို့ပြောကြတဲ့ ရှေးဟောင်းစာအုပ်ကိုထိန်းသိမ်းထားလျှက်ရှိပါတယ်။
ဒီဟာဂျပန်ကိုပုံဖော်ထားတဲ့သမိုင်းကိုပြောတဲ့ဒဏ္ဍာရီစာအုပ်ဖြစ်ပေမဲ့၊ ကိုရီးယားကျွန်းဆွယ်ကနေ ရွေ့ပြောင်းအလုပ်သမားတွေနဲ့ယှဥ်ပြီးတွေးကြည့်မယ်ဆို ရိုးရိုးဒဏ္ဍာရီယုံတမ်းစကားမဟုတ်တော့ဘဲ၊ သမိုင်းကြောင်းအချို့ကိုဖော်ပြထားတယ်လို့ ပြောကြတဲ့ ထူးဆန်းတဲ့စာအုပ်ပဲဖြစ်ပါတယ်။

Anime သဘောကျသူတွေ ဒီနာမည်တွေကိုကြားဖူးမယ်လို့ထင်ပါတယ်။
Amaterasu Omikami, Susa Nomikoto ဒီနာမည်တွေကို Anime တွေမှာမကြာခဏတွေ့ရပေမဲ့ ဒါတွေဟာ ဒီဂျပန်ဒဏ္ဍာရီအကြောင်းအရာကနေ ကောက်နုတ်ထားတဲ့နတ်ဘုရားနာမည်တွေပဲဖြစ်ပါတယ်။

今も残る蛭子伝説。日本神話に登場する不遇の神「ヒルコ」とは一体どんな神様なのか？

အမျိုးမျိုးသောနတ်ဘုရားတွေရှိတဲ့အထဲမှာ တော်တော်လေးကံဆိုးရတဲ့နတ်ဘုရားတစ်ပါးရှိနေပါတယ်။
ဒါကတော့ အခုပြောပြမယ့်ဇာတ်လိုက် 水蛭子命（Hiruko、Mikoto Hiruko） ပဲဖြစ်ပါတယ်။

နတ်ဘုရားတွေရဲ့ မိဘတွေကနေအကြောင်းအရာကို အစပြုကြည့်မယ်ဆို ….
နတ်ဘုရားတွေရဲ့ မိဘတွေကတော့ ဂျပန်ဆိုတဲ့တိုင်းပြည်ကိုတည်ထောင်ခဲ့တဲ့ နတ်ဘုရား၊ 伊邪那岐神（Izanagi）နှင့် 伊邪那美神（Izanami）တို့ပဲဖြစ်ပါတယ်။
သူတို့တွေက ဂျပန်ကိုတည်ထောင်ဖို့အတွက်၊ ကောင်းကင်ကသတ်မှတ်ပေးထားတဲ့မြေပေါ်ကိုရောက်လာပြီးနောက် ဂျပန်ကိုပုံဖော်တဲ့ကျွန်းနဲ့ များစွာသောနတ်ဘုရားတွေကိုမွေးဖွားပေးခဲ့ပါတယ်။

ထိုအထဲမှာ ပထမဆုံးမွေးဖွားလာသူကတော့ 水蛭子 Hiruko ပဲဖြစ်ပါတယ်။
水蛭子ဟာ မပြည့်စုံတဲ့ပုံစံနဲ့မွေးဖွားလာပြီး၊ အသက် ၃ နှစ်ကျော်သွားသည်တိုင် လမ်းမလျှောက်နိုင်ခဲ့ဘူးလို့ဆိုပါတယ်။
သီအိုရီတစ်ခုမှာတော့ ကလေးနဲ့အတူပါလာတဲ့ အချင်းတိုင်ကိုပထမဆုံးကလေးအဖြစ်ရေတွက်တာကြောင့် လူပုံသဏ္ဍာန်နဲ့မကိုက်ဘူးလို့ယူဆကြပါတယ်။

https://nihonsinwa.com/page/124.html

သို့သော် 水蛭子 ကို သင်္ဘောပေါ်တင်ပြီးပင်လယ်ထဲကိုမျှောပစ်လိုက်ပါတယ်။
အချင်းတိုင်ပဲဆိုဘာမှသိပ်ပြီးမထူးဆန်းပေမဲ့၊ အကယ်၍ မသန်စွမ်းတဲ့ကလေးတစ်ယောက်ဆိုရင်တော့ နည်းနည်းတော့ကြောက်စရာပါပြီ….

သို့သော် ထိုအချိန်ရဲ့တန်ဖိုးထားမှုဟာ ကြီးမားစွာသက်ရောက်မှုရှိနေတယ်လို့ပြောကြပါတယ်။
ဒါဟာ 穢れ（けがれ） ဆိုတဲ့အယူအဆဖြစ်ပါတယ်။
ဂျပန်ဒဏ္ဍာရီထဲမှာတော့ ဖျားနာခြင်းနဲ့သေခြင်းဟာ မစင်ကြယ်သောအညစ်အကြေးလို့ယူဆပြီး၊ အဲ့ဒါကိုစင်ကြယ်စေဖို့ ပင်လယ်မှာဆေးကြောခဲ့ကြပါတယ်။
ဒီအတိုင်းပဲ 水蛭子 ကိုပင်လယ်ထဲမှာစွန့်ပစ်ပြီးဆေးကြောလိုက်ပါတယ်။

မျက်မှောက်ခေတ်မှာလည်း ဒီ “ 穢れ” အယူအဆကျန်ရှိနေပြီး, နတ်ကွန်းမှာဆုမတောင်းခင် အရင်ဆုံးလက်ကိုဆေးပြီးစင်ကြယ်စေသလို၊ အသုဘတက်ရောက်ပြီးနောက် ခန္ဓကိုယ်ကိုဆားနဲ့သန့်ရှင်းစေတယ်ဆိုတာက ဒီ “ 穢れ” အယူအဆရဲ့အကြွင်းအကျန်ပဲဖြစ်ပါတယ်။

စကားကိုပြန်ဆက်ရရင် ဂျပန်ဒဏ္ဍာရီမှာ 水蛭子 အကြောင်းကိုမဖော်ပြတော့တာတွေ့ရပါတယ်။
ဒါပေမဲ့ Hyogo စီရင်စု Nishinomiya ရဲ့ကမ်းခြေမှာမျှော်ပါလာပြီး၊ ကုန်းပေါ်မှာရှိသူတစ်ယောက်က ကောက်ယူလိုက်ကာ “ Ebisaburo” ဆိုတဲ့နာမည်နဲ့မွေးစားလိုက်တယ်လို့ ပြောကြပါတယ်။

နောက်ပြီးနတ်ဘုရားအဖြစ်ကိုးကွယ်ခြင်းခံရပြီး နာမည်ကို Kanji ပြောင်းလဲကာ ကံဇာတာကောင်းစေတဲ့ နတ်ဘုရားခုနစ်ပါးထဲမှ တစ်ပါးအဖြစ်မှတ်ယူခဲ့ကြပါတယ်။
နောက်ဆုံးမှာတော့ ကောင်းတဲ့ဘက်ကိုရောက်သွားပေမဲ့ မပြည့်စုံတဲ့ခန္ဓာကိုယ်နဲ့မွေးဖွာလာလို့ စွန့်ပစ်ခြင်းခံရတာကသနားစရာကောင်းပါတယ်။..
ကြည့်ရတာတော့ အခြေအနေမတူပါဘူး။
水蛭子ဆိုတဲ့ Kanji နဲ့ရေးထားတဲ့အထဲမှာ 蛭 ဆိုတဲ့စကားလုံးက ရွံ့ဗွက်ထဲမှာနေတဲ့သွေးစုပ်တဲ့မျှော့ရဲ့ Kanji စကားလုံးဖြစ်ပါတယ်။
ဘာကြောင့် နာမည်ပြောင်းလိုက်ရသလဲဆိုတော့၊ စွန့်လွှတ်အနစ်နာခံခြင်းကို နတ်ဘုရားအဖြစ်ကိုးကွယ်လိုက်ခြင်းကြောင့်လို့ဆိုကြပါတယ်။

တိုင်ဖွန်းမုန်တိုင်းများ၊ ဆူနာမီများ၊ မြေငလျင်များ၊ မိုးခေါင်ခြင်း စတာတွေဟာ နတ်ဘုရားရဲ့အမြတ်ဒေါသကြောင့်လို့မှတ်ယူခဲ့တဲ့ခေတ်…
ဒါကိုချုပ်ငြိမ်းစေဖို့က စွန်လွှတ်အနစ်နာခံခြင်းလိုအပ်တယ်လို့ ယုံကြည်ခဲ့ကြပါတယ်။
水蛭子 ဟာစွန့်လွှတ်အနစ်နာခံခဲ့တာဖြစ်နိုင်ပါတယ်။

နတ်ဘုရားကိုယဇ်ပူဇော်ပသလိုက်မယ်ဆိုရင် နတ်ဘုရားရဲ့အမျက်ဒေသငြိမ်းသွားပြီး၊ ငြိမ်းချမ်းတဲ့နေတွေရောက်လာမယ်လို့ယူဆခဲ့ကြတယ်။
ဒါဟာ မှန်ကန်တဲ့အပိုင်းအချို့ရှိပါတယ်။
ငလျင်နဲ့ဆူနာမီကိုလုံးဝမတားဆီးနိုင်ပေမဲ့ ဆာကူရာအပင်အောက်မှာ လူသေကိုမြှုပ်နှံမယ်ဆို လှပတဲ့ဆာကူရာပန်းလေတွေပွင့်လာလိမ့်မယ်လို့ ဆိုရိုးစကားဂျပန်မှာရှိပါတယ်။

သိပ္ပံနည်းကျပြောရရင်၊ အပင်တွေဟာပန်းကိုပွင့်ပေးဖို့ သူတို့အတွက် ဖော့စဖောရက်အက်စစ် လိုအပ်ပါတယ်။
ဒီ ဖော့စဖောရက်အက်စစ်ဟာ လူ့ခန္ဓာကိုယ်နဲ့မစင်မှာ အများဆုံးပါဝင်နေပါတယ်။
ရုတ်တရက်လူတစ်ဦးသေဆုံးသွားပြီး ဒီအတိုင်းစွန့်ပစ်ထားတဲ့နေရာမှာ ပန်းတွေအများကြီးပွင့်နေမယ်ဆိုရင် ကောင်းတဲ့ရိတ်သိမ်းခြင်းကိုပုံဖော်ပြီး၊ ဒါဟာစွန့်လွှတ်အနစ်နာခံတဲ့ယဥ်ကျေးမှုနဲ့ဆက်စပ်နေပါတယ်။

ဂျပန်ရဲ့ရှေးခေတ်ကတည်းကရှိခဲ့တဲ့ 土偶 ဆိုတဲ့အရာတစ်ခုရှိပါတယ်။

https://www.shopping-charm.jp/product/2c2c2c2c-2c2c-2c2c-2c2c-313632363639

ဒါဟာပုံမှန်မဟုတ်ဘဲ၊ အပိုင်းပိုင်းကွဲနေတဲ့အခြေအနေနဲ့ အပိုင်းတွေပြန့်ကျဲနေတာကိုတွေ့ရပါတယ်။
ကိုယ်စားအသေခံခြင်းအစား 土偶 ကိုအပိုင်းပိုင်းလုပ်ပြီး မြေပေါ်မှာပြန့်ကျဲလိုက်တာမဟုတ်လား? လို့တွေးနိုင်ပါတယ်။

ဂျပန်ရဲ့နတ်ဘုရားအကြောင်းတွေကို ဇာတ်လမ်းသဖွယ်ပဲဖတ်မယ်ဆိုရင်တောင်စိတ်ဝင်စားဖို့ကောင်းပါတယ်။ ဒါပေမဲ့ သမိုင်းကြောင်းနောက်ခံနှင့်တကွကြည့်မယ်ဆိုရင်တော့ ဂျပန်ကိုပိုပြီးနားလည်လာနိုင်မယ်လို့ထင်ပါတယ်။

Kengo Abe