ရုရှားနဲ့တိုက်ခိုက်မှုမှာ မြင်ရတဲ့ ဂျပန်ရဲ့ Bushido လမ်းစဥ် !!!!!

၁၉၀၄ ခုနှစ်ကနေ ၁၉၀၅ ခုနှစ်အထိ ဖြစ်ပွားလာတဲ့ ဂျပန်နဲ့ရုရှားတို့ရဲ့စစ်ပွဲ…
ဒီစစ်ပွဲကရောင်းစုံလူမျိုးတွေဟာ ပထမဆုံးလူဖြူတွေနဲ့တိုက်ပွဲဖြစ်ပြီး အနိုင်ရခဲ့တဲ့စစ်ပွဲမှာ အနောက်နိုင်ငံတွေရဲ့ ကိုလိုနီခေတ်မူဝါဒမှာ ကြီးမားတဲ့အလှည့်အပြောင်းတစ်ခုဖြစ်စေခဲ့တဲ့ အခွင့်အရေးလည်းဖြစ်လာခဲ့ပါတယ်။

အဲ့ဒီအချိန်ရဲ့ ဂျပန်ဟာ ဆာမူရိုင်းအချိန်ကာလ ပြီးပြီးချင်းခေတ်ဖြစ်ပါတယ်။
စစ်တပ်ကခေတ်မီပြောင်းလဲလာခဲ့သော်လည်း နှလုံးရည်ကတော့ ဆာမူရိုင်းတို့ရဲ့ခံယူချက်အတိုင်းပဲဖြစ်ပါတယ်။

ဆာမူရိုင်းတွေဟာ 武士道（ぶしどう） လို့ခေါ်တဲ့ တွေးခေါ်ပုံကို အလေးထားကြပါတယ်။
ဒီ 武士道（ぶしどう） ကို နားလည်ဖို့အရမ်းခက်သော်လည်း၊ ရုရှားနဲ့စစ်ပွဲမှာ တိုက်ခိုက်ပုံတွေကိုကြည့်မယ်ဆို နည်းနည်းနားလည်နိုင်လာပါမယ်….

တစ်ဖက်လူကို မစော်ကားပါနဲ့

https://www.jacar.go.jp/nichiro/sensen_syousyo_05.htm

စစ်ပွဲထဲမှာ တစ်ဖက်လူဆိုတာ သုတ်သင်ရှင်းလင်းပစ်ရမယ့်လူပါ…..
သုတ်သင်ပစ်ရမယ့် မိမိရဲ့ရန်သူကို သေလောက်အောင်မုန်းတယ်ဆိုတာက သဘာဝပဲပေါ့….
ဒါပေမဲ့၊ ဂျပန်မှာတော့ အဲ့ဒီသဘောထားကိုတားမြစ်ခဲ့ပါတယ်။

စစ်မျက်နှာပြင်စဖွင့်တဲ့အချိန်၊ Meiji အင်ပါယာကနေ ကျောင်းအားလုံးမှာရှိတဲ့ဆရာတွေဆီသို့ လမ်းညွှန်ချက်တွေကို ပေးပို့ခဲ့တယ်…..

“ တစ်ဖက်လူကို ရန်သူသဖွယ်ကြည့်ခြင်း၊ တစ်ဖက်လူနဲ့ပတ်သက်ပြီး ရိုင်းစိုင်းတဲ့စကားတွေ အသုံးပြုခြင်းကို တားမြစ်သည်။
ငါတို့တွေ ဂျပန်မှာ စစ်တိုက်ပြီးတစ်ဖက်သားကို စော်ကားတဲ့စိတ်သဘောမျိုးအစဥ်အလာမရှိရ။
ငါတို့ကိုယ်တိုင် ရန်သူဖြစ်ရင်လည်းပဲ လေးစားမှုကိုပြပြီး၊ အစွမ်းကုန်တိုက်ပွဲဝင်ရမည်။
ဒါကိုကလေးတွေကို သင်ပေးစေချင်တယ်။”

ဆိုပြီးထုတ်ပြန်ခဲ့ပါတယ်….

ဒီလိုစာကိုထုတ်တဲ့နိုင်ငံက အခြားမှာမရှိခဲ့ပါဘူး။

စစ်သုံ့ပန်းများအတွက်ထည့်သွင်းစဉ်းစားခြင်း

https://twitter.com/yulii_lunachars/status/432134978617344001?lang=ca

စစ်ပွဲမှာ ဖမ်းမိခဲ့တဲ့ ရုရှားစစ်အကျဥ်းသားတွေကို ဂျပန်တစ်နိုင်ငံလုံး နေရာ ၂၉ ခုမှာ လူခွဲပြီးထားခဲ့ပေမဲ့ ဂျပန်အစိုးရက ရုရှားစစ်အကျဥ်းသားတွေအတွက် ဂုဏ်ပြုပြီး နွေးထွေးမှုကိုပြတဲ့အနေနဲ့ စာကိုထုတ်ခဲ့ပါတယ်။

လက်ရဖမ်းမိခဲ့တဲ့ ရုရှားစစ်သားတွေ သူတို့ကိုထားမယ့်နေရာကိုရောက်လာတဲ့အချိန်မှာ ကြီးမားတဲ့ စာတန်းကြီးကို ရုရှားဘာသာနဲ့ရေးကာ ကပ်ထားခဲ့ပါတယ်….

မိခင်တိုင်းပြည်အတွက် တိုက်ပွဲခဲ့တဲ့ရုရှားစစ်သူရဲတွေကို ငါတို့မြို့သားတွေကြိုဆိုပါတယ်။

ဒါဟာ ဒီမြို့သူမြို့သားတွေကိုယ်တိုင်ပဲ ပြင်ဆင်ခဲ့ပုံရပါတယ်။
စစ်သုံ့ပန်းတွေကို ဒီလိုမျိုးကြိုဆိုတာကြောင့် အစားအစာတွေပေးရုံမျှမက ညှင်းပန်းနှိပ်စက်မှုလည်းမပြုဘဲ မြို့တွင်းလွတ်လပ်စွာသွားလာနိုင်ပြီး ရေပူစမ်းတွေမှာလည်းခွင့်ပြုပေးခဲ့ပုံရပါတယ်။
အရေးကြီးတဲ့အရာကတော့ သူတို့ကိုပြန်မလွတ်တော့တာပါ….
ထွက်သာမပြေးဘူးဆိုရင် အခြေအနေအားလုံးကောင်းတယ်ဆိုတာကို သိစေချင်တဲ့ပုံပါပဲ….

ရန်သူအပေါ်ထပ်တူဝမ်းနည်းကြောင်းပြောဆို

ဒီတိုက်ပွဲမှာ အကြမ်းတမ်းဆုံးစစ်မျက်နှာပြင်မှာတာဝန်ကျတဲ့ ဗိုလ်ချုပ်ကတော့ 乃木希典（のぎ　まれすけ）Nogi Maresuke ဆိုသူပဲဖြစ်ပါတယ်။
ရုရှားစစ်တပ်ရဲ့ခံတပ်ကိုဖြိုဖို့အတွက် ဂျပန်စစ်သားတွေအများအပြားစတေးခဲ့ရတဲ့ ပြင်းထန်တဲ့စစ်ပွဲလည်းဖြစ်ပါတယ်။
ဗိုလ်ချုပ် 乃木 Nogi ဟာ ဒီစစ်ပွဲမှာ သူရဲ့သား ၂ ယောက်လုံးကိုဆုံးရှုံးလိုက်ရပါတယ်။
သားတွေသေပြီး ဆိုတဲ့သတင်းကိုကြားလိုက်ရတဲ့ ဗိုလ်ချုပ် 乃木 Nogi တစ်ယောက် ဖယောင်းတိုင်မီးကိုငြိမ်းသတ်ကာ သူရဲ့မျက်ရည်တွေကို မမြင်စေချင်ဘူးလို့ပြောခဲ့ပါတယ်။

အဲ့ဒါတွေပြီးတဲ့နောက် ဂျပန်ဟာ ဒီခံတပ်ကိုဖြိုလဲနိုင်ခဲ့ပြီး ရုရှားစစ်တပ်ရဲ့ တပ်မှူးနဲ့တွေ့ဆုံခဲ့ပါတယ်။
ဗိုလ်ချုပ်ဟာ ဧကရာဇ်ထံကနေ ရန်သူတပ်မှူးရဲ့ဂုဏ်ကို သေသေချာချာလေးထိန်းသိမ်းပြီး ပြောဖို့မိန်ကြားခံခဲ့ရပါတယ်။
သတင်းသမားတွေအားလုံးအား တွေ့ဆုံတဲ့နေရာကို ဓါတ်ပုံမရိုက်ဖို့လည်းစေခိုင်းခဲ့ပါတယ်။
ဒီနေရာမှာ သတင်းသမားတွေဘာမှမလုပ်နိုင်ခဲ့ပါဘူး။
ခွင့်ပြုပေးလိုက်တဲ့ ဒီဓါတ်ပုံတစ်ပုံတည်းက နောက်ဆုံးအချိန်ထိ မျှတတဲ့အနေအထားကိုပြသဖို့အတွက်ဆိုပြီး ရန်သူ့တပ်မှူးတွေကိုလည်းဓါးကိုင်ဆောင်ခွင့်ပေးကာ အတူတကွ ဓါတ်ပုံရိုက်ခဲ့ခြင်းပဲဖြစ်ပါတယ်။

http://prideofjapan.blog10.fc2.com/blog-entry-5239.html?sp

လက်နက်တွေအားလုံး ချပြီးအရှုံးပေးလိုက်ရတဲ့ပုံကို တစ်ကမ္ဘာလုံးကိုအသိပေးပြီး တစ်ဖက်သားရဲ့ဂုဏ်ကိုညှိုးနွမ်းစေမယ့်အလုပ်မျိုးကို Bushido လမ်းစဥ်က ခွင့်မပြုခဲ့ပါဘူး….

အဲ့တာတွေပြီးတဲ့နောက်မှာတော့ ရန်သူ့တပ်မှူးတွေဟာ စစ်ရှုံးသွားမှုအပေါ်တာဝန်ခံရပြီး၊ ရုရှားဧကရာဇ်ထံမှ ပစ်သတ်မိန့်ချမှတ်ခံလိုက်ရပါတယ်။
ဒီသတင်းကိုကြားသွားတဲ့ ဗိုလ်ချုပ် 乃木 Nogi ဟာ ရုရှားအင်ပါယာသို့ စာတစ်စောင်ပေးပို့ခဲ့ပါတယ်။
သူတို့တွေဟာ အစွမ်းကုန်ကြိုးစားပြီး ရုရှားအတွက်တိုက်ပွဲဝင်ခဲ့တာကိုအယူခံဝင်ရင်း ကွက်မျက်ခြင်းကိုရပ်တန့်ပေးဖို့အသနားခံခဲ့ပါတယ်.
ဒီစာကြောင့်ပဲ ကွက်မျက်မိန့်ဟာပြန်ရုတ်သိမ်းခံရပြီး သူတို့အားလုံးစခန်းပြန်ရောက်သွားရပါတယ်။
နောက်ပြီး ဗိုလ်ချုပ် 乃木 Nogi ဟာ ရန်သူတပ်မှူးရဲ့မိသားစုတွေအတွက် သေဆုံးတဲ့အချိန်ထိ နေထိုင်စားရိတ်တွေကိုထောက်ပံ့ပေးသွားခဲ့ပါသေးတယ်။

အစွမ်းကုန်တိုက်ပွဲဝင်ခဲ့တဲ့တစ်ဖက်လူအပေါ် လေးစားမှုပြုခဲ့ခြင်းပါ….
ဒါဟာ Bushido ရဲ့အခြေခံမူဝါဒထဲက ၁ ခုပင်ဖြစ်ပါတယ်။

ကျဆုံးခဲ့တဲ့ရန်သူစစ်သားတွေအတွက် သတိအောက်မေ့ခြင်း

ဂျပန်စစ်တပ် အောင်ပွဲခံကာပြန်လာပြီးနောက်မှာပဲ ပထမဆုံးလုပ်ခဲ့တာကတော့ ဂျပန်၊ရုရှား ကျဆုံးခဲ့တဲ့စစ်သားတွေအတွက် သတိအောက်မေ့တဲ့အခမ်းအနားပဲဖြစ်ပါတယ်။
အဲ့ဒီအထဲမှာ အရင်ဆုံးလုပ်ဆောင်တာကတော့ ရုရှားစစ်သားတို့ရဲ့ အထိမ်းအမှတ်ကျောက်တိုင်ပါ….

https://www.tripadvisor.jp/ShowUserReviews-g1022381-d16660931-r652261716-Nihonkai_Kaisen_Senshisha_Ireihi-Munakata_Fukuoka_Prefecture_Kyushu.html

ရှုံးသွားတဲ့ဘက်က အရမ်းခံပြင်းနေမယ်….
ဒါကြောင့် ပထမဆုံး ရန်သူတပ်ရဲ့သင်္ချိုင်း၊ အထိမ်းအမှတ်ကျောက်တိုင်ကို စိုက်ထူခဲ့ပါတယ်။
မူလက ဂျပန်စတိုင်နဲ့ပြုလုပ်ပေးဖို့စဥ်းစားခဲ့သော်လည်း၊ ရုရှားဘက်ကနေ ရုရှားစတိုင်နဲ့ပြုလုပ်ပေးဖို့တောင်းဆိုမှုရရှိခဲ့တာကြောင့် ဝမ်းသာစွာနဲ့လက်ခံခဲ့ပါတယ်တဲ့…..

ဂျပန်မှာ စကားတစ်ခွန်းရှိပါတယ်။

昨日の敵は　今日の友

“ မနေ့ကရန်သူဟာ ဒီနေ့ရဲ့မိတ်ဆွေပဲ”

ဒီစကားအတိုင်း လက်တွေ့လိုက်နာကြတာပဲနော်…..

ဒီလိုကိစ္စကို အမေရိကန်လူမျိုးသတင်းထောက်တစ်ဦးက ဂျပန်ရဲ့ Bushido လမ်းစဥ်နဲ့ ဗိုလ်ချုပ် 乃木 Nogi ရဲ့အကြောင်းကို စာအုပ်ထုတ်ခဲ့တာကြောင့် အနောက်နိုင်ငံတွေမှာ လက်ရှိအချိန်ထိ ဗိုလ်ချုပ် 乃木 Nogi ရဲ့အကြောင်းကိုပြောကြပြီး လေးစားထိုက်တဲ့ဂျပန်လူမျိုးလို့ သတ်မှတ်ကြပါတယ်။

အဲ့ဒီအချိန် ရုရှားနဲ့ပတ်သတ်တဲ့နိုင်ငံတွေမှာလည်း ဝမ်းမြောက်တဲ့အသံတွေလည်းကြားရပြီး၊ တူရကီရဲ့ Istanbul မှာလည်း ဗိုလ်ချုပ် 乃木 Nogi နဲ့အတူ ပါဝင်လှုပ်ရှားခဲ့တဲ့ ဗိုလ်ချုပ် 東郷（とうごう）Tōgō တို့ ၂ ဦးရဲ့နာမည်ကိုယူသုံးထားတဲ့လမ်း ယခုအချိန်ထိ ရှိပါတယ်။

Poland မှာလည်း အဲ့ဒီအချိန် ကလေးတွေကို နာမည်ပေးတဲ့အခါ 乃木 Nogi နဲ့ 東郷 Tōgō တိုရဲ့နာမည်ယူသုံးခဲ့ကြတဲ့ မိဘတွေလည်းရှိခဲ့ပါတယ်တဲ့…
Finland မှာလည်း ဗိုလ်ချုပ် 東郷 Tōgō နာမည်ပေးထားတဲ့ ဘီယာကိုလည်း ထုတ်လုပ်ရောင်းချခဲ့ပါတယ်။

http://suomi.racco.mikeneko.jp/Elama/togo-j.html

ဒီဘီယာကို လက်ရှိအချိန်ထိရောင်းချနေပါသေးတယ်…..

မျက်မှောက်ခေတ်ဂျပန်မှာတော့ ဒီတိုက်ပွဲနဲ့ပတ်သက်တဲ့ သင်ကြားမှုတွေအနည်းငယ်သာရှိပါတော့တယ်။
ကျောင်းသုံးသမိုင်းဖတ်စာအုပ်မှာလည်း စာမျက်အနည်းငယ်လောက်သာ….
ပိုပြီးဂုဏ်ယူသင့်တဲ့အကြောင်းအရာတွေဖြစ်ပေမဲ့၊ စစ်ပြီးနောက် နောက်တစ်ကြိမ် စစ်မဖြစ်ရဘူးဆိုတဲ့ အတွေးအခေါ်ကပိုပြီးအားသန်လာရာ၊ လက်ရှိသမိုင်းကြောင်းပြန်ပြောပြမှုနည်းသွားခဲ့ပါတယ်။

Bushido ရဲ့လမ်းစဥ်ဟာ လက်ရှိဂျပန်လူမျိုးတွေထဲမှာပျောက်ကွယ်လုနီးပါးဖြစ်လာပါတယ်။
ဒါကို လက်တွေ့ကျင့်သုံးလိုက်တာကတော့ ဒီ စစ်ပွဲမှာပါပဲ…..
ဂျပန်လူမျိုးတွေက ဒီအရာအပေါ် ပိုပြီးဂုဏ်ယူသင့်တယ်လို့ထင်မိသလို၊ ဒီအတွေးအခေါ်ကိုလည်း ကမ္ဘာသို့ဖြန့်ဝေပေးသင့်တယ်လို့ ထင်မိပါတယ်။

Bushido ရဲ့လမ်းစဥ်မှာ ဒီတွေးခေါ်ပုံလည်းပါဝင်ပါတယ်.
“ စစ်မတိုက်ရဘဲ အောင်မြင်ခြင်း”

တရုတ်နိုင်ငံရဲ့ ရှေးစကားကနေရောက်လာတဲ့ စကားပုံဖြစ်ပေမဲ့….စစ်ပွဲအတွက် အကြုံပြုထားခြင်းမဟုတ်ပါဘူး….
စစ်မတိုက်ရဘဲ ပြီးသွားမယ်ဆိုအကောင်းဆုံးပါ..သို့သော် …
ဒါ့ကြောင့်လို့ပြောပြီး နှုတ်ပိတ်နေကာအရှုံးခံရမယ်ဆိုလည်းကောင်းတယ်လို့ ဆိုလိုခြင်းလည်းမဟုတ်ပါဘူး….

လက်ရှိ အမေရိကန်နဲ့ တရုတ်တို့ရဲ့ ပတ်သက်မှုပြိုလဲသွားပြီး၊ မတည်ငြိမ်တော့တဲ့ လူ့လောကမှာ ဒီအတွေးအခေါ်ကို နောက်တစ်ကြိမ်ပြန်လည်ကျင့်သုံးသင့်ပါတယ်။
စာဖတ်သူတို့ရော ဘယ်လိုထင်မိသလဲ ?

Kengo Abe