ပင်မစာမျက်နှာ
ယဉ်ကျေးမှု
ဂျပန်နိုင်ငံရဲ့ ဒေသလိုက်ကွာခြားတဲ့ နေထိုင်မှုစရိုက်လက္ခဏာ

ဂျပန်နိုင်ငံရဲ့ ဒေသလိုက်ကွာခြားတဲ့ နေထိုင်မှုစရိုက်လက္ခဏာ

ကြာ 04 Apr 2019, 18:24 ညနေ

ဂျပန်နိုင်ငံရဲ့ယောက်ျားလေးတွေဟာ သာမာန်ပဲဆိုပေမယ့် နေထိုင်စားသောက်မှုပုံစံတွေတော့ မတူညီကြပါဘူး။

ဒေသကိုလိုက်ပြီးတော့ ကြမ်းတမ်းတဲ့အပြုအမှုနေထိုင်မှုတွေလည်းရှိပါတယ်။

သင်နဲ့တွေ့တဲ့ ယောက်ျားလေးက ဘယ်ကလဲ ?

ဒေသအလိုက် ယောက်ျားလေးတွေရဲ့အကျင့်စရိုက်ကို ကြည့်လိုက်ရအောင်။

愛知県(あいちけん) အအိချိခရိုင်（特に名古屋市周辺）( အထူးသဖြင့် နဂိုယမြို့အနီးတစ်ဝိုက် )

https://www.travel.co.jp/guide/matome/99/

名古屋နဂိုယမြို့ဟာ ဂျပန်နိုင်ငံရဲ့ တတိယအကြီးဆုံးမြို့ဖြစ်ပါတယ်။

နောက်ပြီးအနီးနားမှာ TOYOTA လို့ခေါ်တဲ့ 豊田市(とよたし) တိုယိုတာမြို့ရှိပြီး၊ 岡崎市(おかざきし) မြို့မှာ 三菱自動車(みつびしじどうしゃ) Mitsubishi မော်တော်ကားတွေထုတ်တယ်ဆိုပြီးနာမည်ကြီးပါတယ်။

နောက်ပြီးတော့အနီးအနားမှာရှိတဲ့ခရိုင်တွေဆိုရင် အနီးနားမှာ YAMAHA、SUZUKI စတာတွေ ရှိတာကြောင့် ဂျပန်နိုင်ငံရဲ့ကားစက်မှုဇုန်မှာ တည်ရှိနေတာဖြစ်ပါတယ်။

ဒီမှာနေထိုင်တဲ့သူတွေဟာ အများအားဖြင့် မိဘတွေနဲ့နေထိုင်ကြပါတယ်။

နဂိုယမြို့မှာမွေးဖွားတဲ့သူတော်တော်များများဟာ ကျောင်းရော အလုပ်ရော နဂိုယမှာဖြစ်တာကြောင့် မိဘအိမ်မှာပဲနေကြတာများပါတယ်။

လက်ထပ်သွားရင်တောင်မှ မိဘတွေနဲ့အတူနေထိုင်ကြပါတယ်။

နှစ်ယောက်ထဲဆိုရင် တည်ထောင်ဖို့ခဲယဥ်းတယ်ဆိုတဲ့ ချွင်းချက်တွေရှိပြီး အတူတကွနေထိုင်ကြတာဟာ စားဝတ်နေရေး အရာရာအဆင်ပြေတယ်လို့ ခံယူချက်တွေရှိကြပါတယ်။

ဒါကြောင့် နဂိုယမှာနေထိုင်တဲ့သူတွေဟာ နိုင်ငံခြားခရီးထွက်တဲ့သူတွေများတယ်လို့သိရပါတယ်။

အတူတကွနေထိုင်တာကြောင့် မိဘတွေဆီမှာ ကလေးတွေကို အပ်နှံထားလို့ရတယ်ဆိုတာကလည်း ကျေးဇူးတင်စရာပါပဲ။

နောက်ပြီးတော့ ချစ်ခြင်းမေတ္တာတွေကို အပြည့်အဝရရှိမှာဖြစ်ပါတယ်။

မိဘတွေနဲ့အတူတကွနေထိုင်နိုင်တယ်ဆိုတာကလည်း အေးအေးဆေးဆေးနဲ့ ဇိမ်ကျပါတယ်နော်။

ဂျပန်မှာ သာသာယာယာနဲ့အိမ်ထောင်မှုဘဝကို ဖြတ်သန်းနိုင်မယ့်နေရာတစ်ခုဖြစ်ပါတယ်။

東京 ( တိုကျိုမြို့ )

https://www.travel.co.jp/guide/matome/99/

တကယ်တော့ တိုကျိုဇာတိဆိုတာ တော်တော်လေးကိုရှားပါတယ်။

ရုတ်တရက်ဖွံ့ဖြိုးတိုးတက်လာခဲ့တဲ့မြို့ဖြစ်တာကြောင့် ဒေသခံလူတွေများပြီး ဒီမြို့ရဲ့မြို့သားဆိုတဲ့ လက္ခဏာထွေထွေထူးထူး မရှိပါဘူး။

တိုကျိုမြို့မှာမွေးတယ်ဆိုရင်တောင် မိဘရဲ့ဇာတိက လက္ခဏာတွေလွှမ်းမိုးမှုရှိနေမှာကြောင့် တိုကျိုသားလို့ပြောလို့မရပါဘူး။

စကားမစပ် စားရေးသူဟာလည်း တိုကျိုမြို့ရဲ့ အရှေ့မြောက်ဘက် အီဝတဲ့မှာမွေးဖွားခဲ့တာဖြစ်ပါတယ်။

ဟိုးအရင်တုန်းက တိုကျိုလူမျိုးတွေဟာ တိုကျိုရဲ့အရှေ့ဘက်ခြမ်းမှာတော်တော်များများနေထိုင်ကြပါတယ်။

တိုကျိုမြို့ဟာ အေးတိအေးစက်နိုင်တယ်လို့ထင်ကြပေမယ့် သူတို့အတွက်ဆိုရင်မှားပါတယ်။

ကြင်နာတတ်ပြီး ဒေါသထွက်လွယ်ကြပါတယ်။ ဒါ့အပြင် ရှက်လည်းရှက်တတ်ပါသေးတယ်။

ဒါကြောင့် အဲဒီ့မှာနေထိုင်ကြတဲ့ ဦးလေးကြီးတွေဟာ အရက်မူးရန်ဖြစ်တတ်ကြပြီး ခဏလေးအတွင်း အတူတူသောက်ရင်းပြန်တည့်သွားကြတာကို မကြာခဏတွေ့ရတတ်ပါတယ်။

နောက်ပြီး မိန်ကလေးတွေဆိုရင် ရှက်တတ်လို့မျက်လုံးချင်းဆုံပြီး စကားမပြောရဲကြပါဘူး။

မင်းတို့က ကလေးတွေလားလို့တောင်ပြောချင်လောက်အောင်ပါပဲ။

大阪 ( အိုဆာကာ )

https://icotto.jp/presses/8202

အိုဆာကာကတော့ ရယ်စရာကောင်းတဲ့မြို့လေးပါပဲ။

ဂျပန်နိုင်ငံရဲ့တီဗီအစီအစဥ်တွေမှာပါလာတဲ့အခါ လူရွှင်တော်တွေတော်တော်များများက အိုဆာကာမြို့မှာနေထိုင်တဲ့သူတွေဖြစ်ပါတယ်။

စကားပြောတဲ့အခါမှာ အမြဲတမ်း ပုံမှန်စကားပြောသလိုပြောနေပေမယ့် နောက်ဆုံးမှာ ရယ်စရာလေးထည့်ထည့်ပြီး ပြောတတ်ကြပါတယ်။

မြို့ထဲမှာ ဒီလိုစိတ်ဝင်စားဖို့ကောင်းတဲ့ ဦးလေးတွေ အန်တီတွေရှိပါတယ်။

စိတ်ဝင်စားဖို့ကောင်းတယ်ဆိုပေမယ့် တော်တော်လေးကိုလွတ်လပ်ပါတယ်။

ဒီလိုလွတ်လပ်တဲ့အရသာကိုခံစားနိုင်တဲ့အတွက်ကြောင့် အိုဆာကာမြို့ဟာ အရမ်းကိုကောင်းတဲ့မြို့ဖြစ်ပါတယ်။

အဝတ်အစားတွေနဲ့ Accessories တွေကိုလည်း ဆွဲဆောင်မှုရှိတာကို ရွေးချယ်ကြပါတယ်။

ဥပမာ ဆောင်းတွင်းရဲ့အနွေးအထည်ဆိုရင် တိုကျိုမှာ အဖြူရောင်၊ အမဲရောင်၊ ခဲရောင်၊ အဝါနုရောင် ဆိုပြီးရှိပေမယ့် အိုဆာကာမှာဆိုရင် အနီရောင် နဲ့ အပြာရောင်ကိုပါ ရွေးဝယ်လို့ရပါတယ်။

လက်ဝတ်ရတနာမှာ ရွှေတွေလည်းရှိပါတယ်။

ကန်တိုမှာ ရွှေတွေက ဆွဲဆောင်မှုရှိလွန်းတာကြောင့် ပလက်တီနမ်ကိုရွေးတဲ့သူတွေများပေမယ့် တော်တော်များများကတော့ ရွှေကို ရွေးချယ်ကြပါတယ်။

တောက်တောက်ပပတွေကို ကြိုက်နှစ်သက်ကြပါတယ်။

နောက်ပြီး တိုကျိုတစ်မြို့လုံးနဲ့နှိုင်းယှဥ်မယ်ဆိုရင် ဖော်ရွေတဲ့သူတွေများတာကြောင့် နေထိုင်လို့ ကောင်းတဲ့နေရာဖြစ်ပါတယ်။

နိုင်ငံခြားသားတွေနဲ့လည်း ကောင်းကောင်းမွန်မွန်ပြောဆိုနိုင်ဖို့ကလည်း အရေးကြီးပါတယ်။

京都 ( ကျိုတိုမြို့ )

https://www.mag2.com/p/news/256765

အရမ်းကိုလှတဲ့မြို့လေးဖြစ်ပြီး ဘုန်းကြီးကျောင်းတွေလည်း အမြောက်အများရှိပါတယ်။

ဒီလိုနေရာမျိုးမှာနေချင်လို့ ကျိုတိုကောင်လေးတွေနဲ့ လက်ထပ်မယ်လို့တွေးခဲ့ဖူးပါသလား?

နိုင်ငံခြားသားတွေနဲ့အသင့်တော်ဆုံးကတော့ ကျိုတိုလူမျိုးတွေပဲဖြစ်ပါတယ်။

ခုနကပြောခဲ့တဲ့ ရယ်မောပျော်ရွှင်စရာ အိုဆာကာမြို့နဲ့လည်း ယဥ်ကျေးမှုတွေကွာခြားပါတယ်။

သူတို့တွေဟာ စကားပြောရင်တည့်မပြောတတ်ကြပါဘူး။

うるさいな！　→　元気があっていいですね。

လို့ပြောတတ်ကြပြီး ဘာကိုပြောချင်လဲဆိုတာကို တည့်မပြောဘဲတစ်ဖက်လူကို သွယ်ဝိုက်ပြီးပြောတာဟာ သူတို့ရဲ့ယဥ်ကျေးမှုတစ်ခုဖြစ်ပါတယ်။

ဒါကတော့ တခြားဒေသက ဂျပန်လူမျိုးအချင်းချင်းတောင်နားလည်ရခက်တဲ့ နိုင်ငံခြားသားတွေသာဆိုရင် လုံးဝသတိထားမိမှာမဟုတ်ပါဘူး။

ကျိုတိုမြို့မှာချီးကျူးခံရတယ်ဆိုရင် နောက်ကွယ်မှာဘယ်လိုရည်ရွယ်ချက်တွေရှိမလဲဆိုတာကို စဥ်းစားကောင်း စဥ်းစားရပါတော့မယ်။

နောက်ပြီးတော့ ကျိုတိုမြို့က ယောက်ျားလေးတွေဟာ တည်ကြည်တဲ့လက္ခဏာတွေရှိကြပါတယ်။

စကားတစ်ခွန်းပြောရင် ပြောတဲ့အတိုင်းစောင့်ထိန်းတတ်သူတွေဖြစ်ပါတယ်။

ဂျပန်လူမျိုးတွေရဲ့စရိုက်အတိုင်းလျှို့ဝှက်တတ်တယ်ဆိုတဲ့ အဓိပ္ပာယ်တွေကြွင်းကျန်နေတဲ့မြို့လေး ဖြစ်ပါတယ်။

ကျိုတိုရဲ့ယောက်ျားလေးတွေဟာ တစ်ကိုယ်ကောင်းဆန်တဲ့စိတ်မျိုးမရှိဘဲ ကိုယ်ကိုယ်တိုင်လည်း ကျိုတိုလူမျိုးဖြစ်လာတယ်ဆိုတဲ့ စိတ်ကိုမသွင်းထားလို့မရပါဘူး။

九州 ခယူးရှုး

https://fanfunfukuoka.com/town/65814/

ဒီမှာလည်း အခက်အခဲပြဿနာတွေနဲ့ ရင်ဆိုင်နေရတဲ့ ယောက်ျားလေးတွေရှိပါတယ်။

九州男児（きゅうしゅうだんじ）ခယူးရှုးဒန်းရှိ ဆိုတဲ့ စကားလုံးရှိပါတယ်။

စိတ်တိုဒေါသထွက်လွယ်ပြီး အသည်းမာကြပါတယ်။

အရက်မသောက်နိုင်ရင် ယောက်ျားလေးမဟုတ်ဘူးဆိုပြီး သောက်ခိုင်းကြပါတယ်။

နောက်ပြီးတော့ ယောက်ျားလေးတွေဟာ မာနကြီးတယ်ဆိုတာမျိုးတွေလည်းရှိပြီး တခြားဒေသလာတဲ့မိန်းကလေးတွေဆိုရင် တချို့ကန့်သတ်ထားတာတွေလည်းရှိပါတယ်။

စိတ်ဝင်စားဖို့ကောင်းတာကတော့ ခယူးရှင်းဖွားနာမည်ကြီးတွေကတော့ တော်တော်ကိုများပါတယ်။

ဘာကြောင့်လည်းဆိုရင် အောင်မြင်မှုမရမချင်းလက်မလျော့လိုက်ပါနဲ့ ဆိုတဲ့ အတွင်းစိတ်ဟာ တခြားဒေသကသူတွေထက် အားပြင်းလို့ဖြစ်ပါတယ်။

ခယူးရှူးရဲ့ကောင်လေးတွေဟာ မာနကြီးတာကြောင့် မခံချင်စိတ်နဲ့ထိန်းသိမ်းပြီး အလုပ်ကိုကြိုးစားပြီး လုပ်နိုင်တယ်ဆိုတာကို တွေ့ရှိရပါတယ်။

沖縄 ( အိုကီနာဝါကျွန်း )

https://www.jtrip.co.jp/j-okinawa/freeplan/round-tour/

အိုခီနာဝါမြို့ဟာ ဂျပန်နိုင်ငံနဲ့ ကွာဝေးနေပြီး တောင်ပိုင်းကျွန်းနိုင်ငံလေးဖြစ်ပါတယ်။

ဆောင်းတွင်းမှာလည်း အရမ်းမအေးတာကြောင့် တောင်ပိုင်းမှာမွေးဖွားတဲ့မိန်းကလေးတွေအတွက် နေထိုင်လို့ကောင်းတဲ့နေရာလေးဖြစ်ပါတယ်။

အဲ့ဒီမှာနေထိုင်တဲ့ယောက်ျားလေးတွေဟာ အပြောကောင်းပြီး အလုပ်လက်မဲ့တွေဖြစ်ကြပါတယ်။

သင့်တော်တဲ့စကားလုံးလေးတွေကိုပြောပြီး အားလုံးနဲ့အရက်လေးသောက်ပြီးပျော်ရွှင်နေတတ်ပါတယ်။ နောက်ပြီးတော့ ဒီလိုယောက်ျားလေးတွေကို ဘေးမှာထားပြီး မိန်းကလေးတွေက အလုပ်လုပ်ရတာ ဖြစ်ပါတယ်။