Girls Bar မှာအလုပ်လုပ်ခိုင်းခံခဲ့ရတဲ့ ၁၃ နှစ်အရွယ်အလယ်တန်းကျောင်းသူ

ဘားမန်နေဂျာအပါအဝင် အမျိုးသား ၆ယောက်ကို ၁၃ နှစ်အရွယ် အလယ်တန်းကျောင်းသူကို သူတို့ဘားမှာ အလုပ်လုပ်ခိုင်းခဲ့တာကြောင့် ရဲဌာနက ဖမ်းဆီးလိုက်ပါတယ်

တိုကျိုမြို့၊ Sumida Ward ရှိ “Ocean Blue” Girl Bar က မန်နေဂျာ Ryoji Kato (44) နှင့် Risako Watanabe (27) နှစ်တို့ အပါအဝင် ဝန်ထမ်း၆ဦးကို ကလေးသူငယ် စောင့်ရှောက်ရေး ဥပဒေကို ချိုးဖောက်တယ်ဆိုတဲ့ သံသယနဲ့ ဖမ်းဆီးခဲ့တာပါ

ပြီးခဲ့တဲ့နှစ် အောက်တိုဘာလက အလယ်တန်း ဒုတိယနှစ်ကျောင်းသူ (အသက် ၁၃နှစ်) အရွယ်မိန်းကလေးကို ဘားထဲမှာ ဧည့်ခံခိုင်းခဲ့တယ်ဆိုတဲ့ သံသယနဲ့ပါ

ရဲဌာနရဲ့ ပြောကြားချက်အရ ကျောင်းသူမိန်းကလေးဟာ cheer girl ဝတ်စုံကိုဝတ်ပြီး ဧည့်သည်တွေကို အရက်ငှဲ့ပေးရတဲ့အလုပ်ကို မနက် ၄နာရီကနေ နေ့လည်လောက်အထိ စုစုပေါင်း ၇ ကြိမ်လောက် လုပ်ခဲ့တယ်လို့ ဆိုပါတယ်

Kato အပါအဝင် အခြားသူများကတော့ စွပ်စွဲချက် တစ်စိတ်တစ်ပိုင်းကို ငြင်းဆိုထားပါတယ်

Abe Kengo