“ဂ်ပန္စကားေျပာရင္ စိတ္ဆိုးခံရမယ့္ BAR”

“ ကျောင်းသွားတက်ပြီး အင်္ဂလိပ်စကားပြော လေ့ကျင့်ဖူးတယ် မဟုတ်လား?”

Cloud N Co., Ltd. က ၂၀၂၂ခုနှစ် အောက်တိုဘာလ ၁ရက်၊ တိုကျို၊ အိုဆာကာ တို့မှာဆိုင်ဖွင့်ထားပြီး ဂျပန်စကားပြောလို့မရတဲ့ ဘား 『Sick!』ရှိနေပါတယ်

“ပျော်ပျော်ရွှင်ရွှင် သောက်ရင်းနဲ့ မသိလိုက်သေးခင်မှာ အင်္ဂလိပ်စကားပြောတတ်သွားချင်တယ်” ဆိုတဲ့ လောဘရှိပြီး စကားပြောရတာ ကြိုက်တဲ့သူတွေရဲ့ အင်္ဂလိပ်စကားစွမ်းရည် တိုးတက်စေနိုင်မယ့် ပတ်ဝန်းကျင်ကို အရက်နဲ့အတူ ဖန်တီးပေးထားတဲ့ ဆိုင်လေးပါ။

အင်္ဂလိပ်စာ လေ့လာချင်သူတွေအတွက် လေ့လာနည်းပုံအသစ်

ကိုရိုနာလည်း နည်းနည်းငြိမ်လာပြီဆိုတော့၊ နိုင်ငံခြားသားတွေအပေါ် စည်းကမ်းချက်တွေ ဖြေလျှော့ထားပါပြီ။ တစ်ချို့ကုမ္ပဏီတွေမှာ နိုင်ငံခြားကို အလုပ်နဲ့ခရီးထွက်ဖို့ကိုပါ ရည်မှန်းထားကြပါတယ်။

အဲ့ဒီတော့ ဒီတစ်ခေါက်မိတ်ဆက်ပေးချင်တာက အင်္ဂလိပ်စကားကို လေ့ကျင့်ရတဲ့ ကျောင်း၊ ဂိုက်ဆရာ၊ အွန်လိုင်းအင်္ဂလိပ်ပြော၊ အဲ့ဒါတွေအကုန် စမ်းကြည့်ခဲ့ပြီး အဆင်မပြေခဲ့တဲ့ ဆိုင်ပိုင်ရှင်ဟာ “ကိုယ်တိုင် အင်္ဂလိပ်စာကို “ပျော်ပျော်ရွှင်ရွှင်” ဆက်သင်နိုင်တဲ့ ပတ်ဝန်းကျင်ကို ဖန်တီးမယ်” ဆိုတဲ့ အိုင်ဒီယာကိုအခြေခံပြီး 『Sick!』ဆိုပြီးဖြစ်လာတာပါ

“အင်္ဂလိပ်စာ လေ့လာချင်ပေမယ့် ကျောင်းဆက်မတက်ခဲ့ဘူး၊ လေ့လာတာကို ဆက်မလုပ်ခဲ့ဘူး”

“နိုင်ငံခြားကို ခရီးမထွက်ခင် ကြားနေကျနေချင်တယ်”

“အင်္ဂလိပ်စကားပြောတတ်တဲ့ အသိတွေလိုချင်တယ်”

“ဘွတ်ကင်မတင်ဘဲ အခုတောင်သွားချင်တယ်”

“အင်္ဂလိပ်စကားကို မကျွမ်းဘဲပြောရတာ ရှက်ပေမယ့် အရက်သောက်ထားရင်တော့ ပြောနိုင်မလားပဲ…”

ဒီလိုလူတွေအတွက် ကိုက်ညီလွန်းလှတဲ့ BAR ဖြစ်ပါတယ်

အသုံးပြုနည်း

စည်းမျဥ်းကတော့ “ဂျပန်စာမသုံးရ” ဆိုတာပါပဲ

ကြိုက်သလောက်သောက်ပြီး အင်္ဂလိပ်စကား ပျော်ပျော်ရွှင်ရွှင် ပြောကြမယ်

　ဘွတ်ကင်တွေ ကြိုတင်စရာလည်း မလိုပါဘူး။ အင်္ဂလိပ်စကားကို လေ့လာချင်ပေမယ့် မလုပ်ဖြစ်တဲ့ လူတွေအတွက် အခက်အခဲဖြစ်နေတဲ့ “အင်္ဂလိပ်စာသင်တန်း ဝင်ခွင့်လုပ်ငန်းစဉ်”၊ “လေ့လာဖို့အတွက် သင်ထောက်ကူပစ္စည်း ရွေးချယ်မှုနဲ့ ဝယ်ယူမှု” စတာတွေလည်း မလိုပါဘူး။

ဆိုင်တံခါးကို ဖွင့်ဝင်ခဲ့ပါ

ဒီဆိုင်က အချိန်နဲ့ပိုက်ဆံရှင်းရပြီးတော့ တိုကျိုဆိုင်မှာဆို နာရီဝက်ကို ယန်း ၃၀၀၀၊ အိုဆာကာမှာ နာရီဝက်ကို ယန်း ၁၅၀၀ ကျပါမယ်

အဝသောက်ဆိုတော့ စိတ်လှုပ်ရှားတာကို ဖျောက်ဖို့ အရက်ကိုဆက်တိုက်သောက်မိရင်လည်း ငွေကိုမပူရတော့ဘူးပေါ့

သို့သော် ဆိုင်ထဲမှာ ဂျပန်စကားလုံးဝမပြောရပါဘူး

ဂျပန်စကား မတော်တဆထွက်သွားရင် အချိန်နဲ့ရှင်းရတာအပြင်၊ ကိုယ့်ငွေနဲ့ကိုယ် ထပ်ဝယ်ရမယ့် tequila ကိုဝယ်ရပါမယ် (အရက်မသောက်နိုင်တဲ့သူတွေကို အပြစ်ပေးတဲ့သဘောပါ)

တင်းတင်းကျပ်ကျပ် လုပ်ထားပြီး၊ အမှန်တကယ် နိုင်ငံရပ်ခြားမှာရှိနေသလို “အင်္ဂလိပ်လို ပြောကိုပြောရမယ့်” ပတ်ဝန်းကျင်ကို ဖန်တီးထားပါတယ်

 ဘားဝန်ထမ်းအများစုဟာ စကား၂ မျိုးလုံးပြောတတ်တဲ့၊ native လယ်ဗယ် အင်္ဂလိပ်စကားပြောစွမ်းရည်ရှိတဲ့ အသက် 20 ဝန်းကျင် အမျိုးသမီးတွေဖြစ်ပါတယ်။ ပထမအကြိမ် လာရောက်လည်ပတ်သူတွေအတွက် ဂရုတစိုက်အကြံဉာဏ်ပေးနိုင်ဖို့၊ တစ်ဦးချင်းစီရဲ့ အင်္ဂလိပ်စာစွမ်းရည်နဲ့ ကိုက်ညီနဲ့အဆင့်မှာ အင်္ဂလိပ်စကားပြောဆိုနိုင်မှာပါ

ဆိုင်ရဲ့ homepage ပဲဖြစ်ပါတယ်

https://bar-sick.com

Abe Kengo

• business