ဘူတာရုံဝန်ထမ်းထံမှ စာမေးပွဲဖြေမယ့်ကျောင်းသားများသို့ ဖြူစင်တဲ့သတင်းစကားတစ်ခု

၁ လပိုင်း ၁၆ ရက်နေ့နှင့် ၁၇ ရက်နေ့က ဂျပန်မှာတော့တက္ကသိုလ်ဝင်ခွင့်စာမေးပွဲကိုကျင်းပခဲ့ပါတယ်။
ဒါဟာ ပထမအဆင့်စာမေးပွဲနဲ့တူတာကြောင့်၊ ဝင်ခွင့်ဖြေသူကျောင်းသားအများစုဟာ ဒီစာမေးပွဲကိုဖြေဆိုရပါတယ်။
မနှစ်ကအထိဖြေလာခဲ့ရတဲ့ Center test ဟာပုံစံပြောင်းလဲသွားပြီး၊ မေးခွန်းဟောင်းဆိုတာလည်းမရှိတဲ့အထဲမှာ ဒီနှစ်အတွက်ဖြေဆိုမယ့်ကျောင်းသားတွေကတော့ စာကိုကြိုးစားလုပ်လာခဲ့ကြပါတယ်။

စာမေးပွဲပုံစံပြောင်းသွားရုံမကဘဲ ဒီနှစ်ကတော့ ကိုရိုနာဗိုင်းရပ်စ်ကြောင့် တကယ်ကိုခက်ခဲပင်ပန်းရတဲ့အခြေအနေထဲမှာ စာမေးပွဲဖြေရခြင်းပဲဖြစ်ပါတယ်။
ကျောင်းပိတ်လိုက်ရတဲ့အချိန်လည်းရှိပြီး, သေချာပေါက်စိုးရိမ်သွားရတဲ့ ဝင်ခွင့်ဖြေမယ့်ကျောင်းသားတွေလည်း အများကြီးရှိနေမှာအသေအချာပါပဲ။
အဲ့ဒီလိုဝင်ခွင့်ဖြေမယ့်ကျောင်းသားတွေအတွက်ရည်ရွယ်ပြီး, စာမေးပွဲနေ့ရောက်လာတဲ့အခါမှာတော့ ဘူတာရုံမှာ ဒီလိုစကားလေးကို ကပ်ထားခဲ့ပါတယ်။
ဒါကတော့ စာမေးပွဲကျင်းပရာနေရာ အိုဆာကာတက္ကသိုလ်နဲ့အနီးဆုံးဘူတာဖြစ်တဲ့၊ အိုဆာကာ Monorail Shibahara Handaimae ဘူတာပဲဖြစ်ပါတယ်။

 

“ ဝင်ခွင့်ဖြေဆိုသူကျောင်းသားများအားလုံးထံသို့….
ကိုရိုနာကာလအတွင်းကျရောက်လာတဲ့ အရေးကြီးသောစာမေးပွဲမှာ
စိုးရိမ်ခြင်း၊ စိတ်လှုပ်ရှားခြင်းတွေနဲ့ ပြည့်နေမယ်လို့ထင်ပါတယ်။
မကြုံစဖူးဝမ်းနည်းမှုနဲ့ ခံပြင်းမှုများရှိခဲ့သူတို့အတွက်
ဆာကူရာတွေဟာ အပြည့်အဝပွင့်လျှက်ရှိပါတယ်။
မိမိရဲ့ခွန်အားကိုနောက်ဆုံးအချိန်ထိယုံကြည်ပြီး ဒီစာမေးပွဲမှာကံကောင်းပါစေ !
နွေဦးရောက်ခါနီးပါပြီ။
အားလုံးရဲ့အပြုံးကိုမြင်ရဖို့ စောင့်မျှော်နေပါတယ်။
စာမေးပွဲဖြေရာနေရာဟာ ဘယ်ဘက်ခြမ်းရှိစက်လှေကားကိုဆင်းပြီးနောက် ညာဘက်ခြမ်းတွင်ရှိပါတယ်။
ကျေးဇူပြုပြီး ကရုစိုက်ကြပါ။
Osaka Monorail, Shibahara Handaimae ဘူတာရုံမှဝန်ထမ်းများအားလုံး..”

 

ဘူတာရုံဝန်ထမ်းတွေရဲ့ နှလုံးသားအပြည့်ပါဝင်တဲ့ နွေးထွေးတဲ့စာပိုဒ်ပဲနော်…
ဒါကိုဖတ်ပြီး ခွန်အားတစ်ခုဖြစ်သွားမယ့်ကျောင်းသားတွေလည်း အများကြီးရှိမှာသေချာပါတယ်။
လက်ရှိဟာခက်ခဲတဲ့အခြေအနေဖြစ်ပေမဲ့၊ ဒီလိုနွေးထွေးပြီးဖော်ရွေတဲ့နှလုံးသားကိုတော့ အမြဲတမ်းအမှတ်ရသွားချင်ပါတယ်….

 

Yuki

ဆက်စပ်ဆောင်းပါးများဖတ်ရှု့ရန်
သက်ဆိုင်ရာသတင်းကို ကြည့်မည်: