ထူးဆန်းသည့်ဂျပန်စကားပုံ “ ဆီရောင်းသည်” !!!

“ အဲ့ဒီလိုနေရာမှာ ဆီမရောင်းဘဲ မြန်မြန်အလုပ်ကိုလက်စသတ်လိုက်”

ဂျပန်မှာအလုပ်လုပ်ဖူးသူဆို ဒီစကားကိုကြားဖူးမယ်လို့ထင်ပါတယ်။
smoking area မှာဆေးလိပ်သောက်ရင်းစကားပြောမိမယ်ဆို ဒီလိုစကားမျိုးအပြောခံရပါလိမ့်မယ်။

“ ဆီရောင်းတယ်” ဆိုတဲ့စကားရဲ့အဓိပ္ပါယ်က skip လုပ်တာကိုခေါ် ပါတယ်။
ဒီအထိကတော့ ဂျပန်လူမျိုးတိုင်းသိကြသလို၊ ဂျပန်ဘာသာစကားကိုအသေးစိပ်သိတဲ့လူတွေဆို ပိုပြီးတောင်သိကြမယ်လို့ထင်ပါတယ်။
သို့သော် အဲ့ဒါရဲ့အကြောင်းရင်းက?
ဘာကြောင့် ဆီကိုရောင်းတယ်ဆိုတာ skip ဖြစ်ရတာလဲ? ဒါကိုဖြေနိုင်တဲ့လူဟာ ဂျပန်လူမျိုးတွေမှာတောင်ရှားပါတယ်။

သေချာပေါက် ဒီနေရာမှာမှတ်ထားပြီး အသိဂျပန်လူမျိုးတွေကို ပြန်ကြွားကြည့်ရအောင်..
စကားလုံးရဲ့မူလအစကလည်း အဲ့ဒီအတိုင်းပါပဲ။
ဆီကိုရောင်းနေတဲ့လူကနေ ဆင်းသက်လာပါတယ်။
လက်ရှိ စူပါမားကတ်တွေမှာ ပလက်စတစ်ဘူးတို့ပုလင်းတို့နဲ့ထည့်ထားတဲ့ဆီကို အလွယ်တကူဝယ်လို့ရပေမဲ့ အရင်ခေတ်ကတော့ အဲ့ဒီလိုမဟုတ်ခဲ့ပါဘူး။
ဒီလိုပုံစံနဲ့ ဆီကိုရောင်းခဲ့ကြရပါတယ်။

https://mag.japaaan.com/archives/127689

၁ ခွက် （180cc）ဆိုဘယ်လောက်…
လေးထောင့်ပုံး ၁ ပုံး (1.8 liters) ဆိုဘယ်လောက်…
ဆိုတဲ့ပုံစံဖြစ်ပြီး ဝယ်ဖို့လာတဲ့လူတွေက ယူလာတဲ့ထည့်စရာခွက်ထဲမှာ ဆီကိုထည့်ပြီး၊ ပမာဏကိုချိန်ပြီးရောက်ခဲ့ကြတာပဲဖြစ်ပါတယ်။

ဆီကို 升（ます） လို့ခေါ်တဲ့ 180cc ဝင်နိုင်တဲ့ သစ်သားဘောင်ထဲခပ်ထည့်ပါတယ်။
ခပ်တဲ့အချိန်မှာ ဆီကစေးကပ်တဲ့အတွက် 升 ရဲ့ပတ်ပတ်လည်မှာ ဆီတွေဖိတ်ကုန်ပါတယ်။
ဒီနေရာက အခုပြောနေတဲ့အကြောင်းအရာက အဓိကအချက်ပါပဲ…

ဆီဟာ 升 ရဲ့ပတ်ပတ်လည်မှာဖိတ်စင်တာကြောင့် ဈေးဝယ်သူရဲ့ခွက်ထဲထပ်ထည့်ရတဲ့အတွက် သတ်မှတ်ထားတာထက်ပိုပြီး ဈေးဝယ်သူကိုဆီတွေပိုပေးမိသလိုဖြစ်သွားပါမယ်။

စားသုံးသူကိုနည်းနည်းလေးပိုပေးလိုက်တာဘာဖြစ်သွားမှာမို့လို့လဲ ဆိုပြီးတွေးနိုင်ပါတယ်။
သို့သော် ရောင်းသူဘက်ကပြန်ကြည့်ရင်တော့ နည်းနည်းနဲ့လူအများကြီးဖြစ်သွားမယ်ဆိုရင် တကယ့်ကိုပမာဏကြီးကြီးမားမားဖြစ်သွားပါလိမ့်မယ်။
ပိုက်ဆံပေးထားသလောက်ပဲ ဆီကိုပေးချင်တယ်..

升ထဲထည့်လိုက်ပြီးတဲ့နောက်.တစ်ဖြည်းဖြည်းနဲ့ဆီတွေငြိမ်သွားတဲ့အထိစောင့်လိုက်တာက စားသုံးသူဘက်ကကြည့်ရင်တော့ စောင့်ရတဲ့အတွက်စိတ်ပျက်စရာကောင်းတယ်နော်

အဲ့ဒီနေရာမှာဆီရောင်းသူဟာ ဆွေးနွေးပြီးအကြံထုတ်လိုက်ပါတယ်။
ဝယ်သူနဲ့စကားပြောလိုက်တဲ့အခါ ဘာမှတောင်မညည်းညူဘဲ စောင့်ပေးတယ်။

အချိန်ယူပြီးစကားပြောရင်း ဆီကိုရောင်းတယ် !!!
ဒါနဲ့ပဲ ဒီဟာကတစ်ဖက်လှည့်ဖြစ်သွားပြီး အလုပ်မလုပ်ဘဲစကားချည်းပဲပြောနေသူကိုရည်ရွယ်ကာ

“ ဆီရောင်းမနေနဲ့..အလုပ်လုပ်စမ်းပါ”
ဆိုတဲ့ပုံစံဖြစ်သွားပါတယ်။

ဒါဆို ဆီရောင်းတဲ့လူတွေ ဘာစကားတွေများပြောနေကြမလဲ နည်းနည်းစပ်စုချင်မိတယ်နော်….

Kengo Abe