「どうもこうも」ဆိုတဲ့ ကြောက်စရာကောင်းတဲ့ ဂျပန်စကားပုံ!!!

ဂျပန်နိုင်ငံရဲ့ ဘာသာစကားမှာ စိတ်ဝင်စားဖို့ကောင်းတဲ့ စကားပုံတစ်ခုရှိတယ်။ ဂျပန်ဘာသာစကားမှာ အရမ်းအသုံးများတဲ့ 「どうもこうもならない」လို့ပြောလိုက်ရင် အရမ်းကိုကြောက်စရာကောင်းတဲ့ စကားစုပါပဲ။

ဘယ်လိုမျိုးစကားပုံလဲဆိုတာ တွေးမိလား?

လန့်သွားရလောက်တဲ့အထိ အံ့သြစရာကောင်းတဲ့ စကားပုံဆိုလည်း မမှားနိုင်ပါဘူး!

JAPO page မှာရှိတဲ့ စာဖတ်သူတို့ဟာ ဂျပန်စာကိုသင်ယူလေ့လာနေတဲ့လူတွေ များကြီးရှိမယ်လို့ ထင်ပါတယ်။

နိုင်ငံခြားဘာသာစကားကို သင်ယူပြီးတတ်ကျွမ်းဖို့ဆိုတာ ထင်ထားတာထက်ကိုပိုပြီး ခက်တယ်နော်

လွယ်ကူတဲ့စကားလုံးတွေကိုမှတ်မိပြီး အသုံးပြုတာက အရိုးရှင်းဆုံးနဲ့ အကောင်းဆုံးပါပဲ။ ဒါပေမဲ့ အဲ့ဒီစကားတွေ ဘယ်ကနေဆင်းသက်လာသလဲဆိုတာအထိ လေ့လာတဲ့သူက အနည်းအကျဥ်းလောက်ပဲ  ရှိပါလိမ့်မယ်။ ဒါပေမဲ့ ဂျပန်ဘာသာစကားမှာ စိတ်ဝင်စားဖို့ကောင်းတဲ့ ဝေါဟာရကနေဆင်းသက်လာတဲ့ ရိုးရှင်းတဲ့ စကားလေးတစ်ခွန်းရှိပါတယ်။「どうもこうも」ဆိုတဲ့စကားလေးနဲ့ မိတ်ဆက်ပေးပါမယ်.

「どうもこうも」Doumo koumo ဆိုတာက「どうもこうもならない」Doumokoumo naranai ဆိုတဲ့ အငြင်းပုံစံနဲ့ပြောမယ်ဆိုရင်တော့ “ဘာမှမဖြစ်မြှောက်ဘူး” ဆိုတာကို ပြောတဲ့စကားလုံးပဲဖြစ်ပါတယ်။

ဥပမာ မြန်မာလိုဆိုရင်တော့ 「ミャンマーではミャンマー語が話せないとどうもこうもならない」“မြန်မာမှာနေပြီး မြန်မာဘာသာစကားကိုတောင် ကောင်းကောင်းမပြောနိုင်သေးပါလား” ဆိုတာကို “どうもこうもならない” (ဘာမှမဖြစ်မြှောက်ဘူး) ဆိုတဲ့အခြေအနေမှာ အသုံးပြုပါတယ်။

မြန်မာစကားမပြောနိုင်ရင် မြန်မာမှာနေပြီး ဘာမှမလုပ်နိုင်ဘူး ဆိုတာကိုပြောချင်တာပါ။

ဒီ「どうもこうも」Doumo koumo ဆိုတဲ့စကားလုံးမှာ theories တွေအများကြီးရှိနေပေမဲ့လည်း၊ တစ်ခုသော ရှေးရိုးစကားကနေဆင်းသက်လာကြတယ်လို့ ပြောကြပါတယ်။

ရှေးရှေးတုန်းက 「どうも」နဲ့「こうも」ဆိုတဲ့ ဆရာဝန် ၂ ယောက်ရှိခဲ့ပါတယ်။

(အရင်ဆုံး နာမည်တင်ပဲ ခြောက်ခြားစရာကြီးနော် ！！)

အဲ့ဒီ ၂ ယောက်စလုံးက “ငါဟာ ဂျပန်မှာနံပါတ်တစ် နာမည်ကြီးဆရာဝန်ပဲ” လို့အသီးသီးဂုဏ်ယူဝင့်ကြွားနေပြီးတော့၊ အချင်းချင်းငြင်းခုံခဲ့ကြပါတယ်။

တစ်နေ့မှာတော့ ၂ ယောက်တည်းမှာ ဘယ်သူကဂျပန်နိုင်ငံရဲ့ နံပါတ်တစ်ဆရာဝန်လဲ ဆိုတာကိုသိဖို့ ယှဥ်ပြိုင်မှုတစ်ခုကို ပြုလုပ်ခဲ့ပါတယ်။

ပြိုင်ပွဲရဲ့ စည်းမျဥ်းကတော့ ရူးမိုက်သူတို့ရဲ့ စည်းမျဥ်းပဲလို့ ပြောရပါမယ်။

ဘာကြောင့်လဲဆိုရင် “အရင်ဆုံး ၂ ယောက်စလုံးက မိမိရဲ့ လက်မောင်းတစ်ဖက်စီကို ဖြတ်ထုတ်လိုက်ရပါမယ်။

ပြီးရင်တော့ ဖြတ်ထုတ်လိုက်တဲ့ မိမိရဲ့ လက်ကို ကိုယ်တိုင်ပဲအရင်လိုပြန်ဆက်အောင် ချုပ်ရမှာပဲဖြစ်ပါတယ်။

၂ ယောက်မှာ ဘယ်သူကအပ်ချုပ်ရာအလှဆုံးနဲ့ အနာကျက်ပြီးပြန်ဆက်သွားမလဲ? ချုပ်ရာအလှဆုံးနဲ့ လက်ကပြန်ဆက်သွားမယ်ဆို အနိုင်ရသူပဲ” ဆိုပြီးပြိုင်ပွဲကိုအစပြုခဲ့ပါတယ်။ တကယ် မိုက်ရူးရဲဆန်တာပဲနော်

အရင်ဦးဆုံးသူတို့ဟာ မိမိရဲ့ လက်ကို မိမိ အသီးသီးဖြတ်ကြပြီးတော့ ပြန်ချုပ်ကြပါတယ်။ ဒါပေမဲ့ ပြန်ချုပ်ရာက ၂ယောက်စလုံး အတူတူလောက်ပဲ လှနေတဲ့အတွက် နောက်တစ်ကြိမ် ပြန်ယှဥ်ပြိုင်ကြပါတယ်။ ဒီတစ်ခါကတော့ လက်မဟုတ်တော့ဘဲ လည်ပင်းကိုပါ။

တစ်ယောက်ရဲ့လည်ပင်းကို အရင်ဖြတ်ပြီး ပြန်ချုပ်တယ်။ ပြီးတော့ အချုပ်ခံရတဲ့တစ်ယောက်ကလည်း ကျန်တစ်ယောက်ကို ပြန်ဖြတ်ပြီး ပြန်ချုပ်တယ်။

ဒီတစ်ခါလည်း ၂ ယောက်စလုံးရဲ့ ချုပ်ရာတွေက အတူတူလှနေသေးတယ်ဆိုပြီး၊ နောက်ဆုံးတစ်ခေါက် ဘယ်သူပိုအလှဆုံးလဲဆိုတာသိဖို့ ယှဥ်ပြိုင်အုံးမယ်ဆိုပြီး ဆုံးဖြတ်ခဲ့ကြပါတယ်။

ဒီနောက်ဆုံးတစ်ခါကတော့ တစ်ပြိုင်နက်တည်းမှာပဲ အချင်းချင်းတစ်ယောက်ရဲ့ လည်ပင်းကို တစ်ယောက်ဖြတ်ပြီး ပြန်ချုပ်ဖို့ပါ။

ဒါပေမဲ့ ပြိုင်ပွဲအပြီးမှာတော့ စိတ်မကောင်းစွာနဲ့ပဲ ၂ ယောက်လုံးဟာအသက်ဆုံးရှုံးသွားခဲ့ရပါတော့တယ်။

ကဲ. ဒီနေရာမှာ တစ်ယောက်လောက် သတိထားမိတဲ့သူရှိပါသလား? ၂ ယောက်စလုံးက တစ်ချိန်တည်းမှာပဲ အသက်လည်းဆုံးရှုံးရပြီးတော့ ၁ ယောက်မှ ကြံစည်ထားတာတွေ မဖြစ်မြှောက်တာပဲဖြစ်ပါတယ်။

စိတ်မကောင်းပေမဲ့လည်း အဆုံးသတ်ပြောရရင် ၂ ယောက်လုံးပြိုင်ပွဲအနိုင်အရှုံးတောင်မရှိဘဲ၊  အသက်သေဆုံးသွားခဲ့ရတာပဲ အဖက်တင်သလိုဖြစ်သွားတာပေါ့။

ဒီလိုကိစ္စကနေစပြီး “Doumo Koumo လိုမျိုးမဖြစ်စေနဲ့” ဆိုပြီး စကားပုံတစ်ခုဖြစ်လာခဲ့ပါတယ်။

ဒီစကားက အမှန်ပဲဆို ဘာလို့ကြောက်စရာကောင်းတယ်လို့ ပြောကြတာလဲ?

တစ်နည်းအားဖြင့် 「どうもこうも」Doumo Koumo ဆိုတာက ဂျပန်ရဲ့ မကောင်းဆိုးဝါး နာမည်တစ်ခုလို့လည်း ပြောကြသေးလို့ပဲဖြစ်ပါတယ်.

ဘယ်လိုမကောင်းဆိုးဝါးလဲ?

https://upload.wikimedia.org/wikipedia/commons/8/85/Oda_Domokomo.jpg

နည်းနည်းတော့ ပြောလို့မကောင်းပါဘူး။

အကယ်၍ Doumo နဲ့ Koumo က မကောင်းဆိုးဝါးအစစ်သာဆိုရင်၊ အဲ့ဒီလိုမျိုးရူးမိုက်တဲ့ ပြိုင်ပွဲကိုလုပ်တာ မထူးဆန်းပါဘူး။ သို့ပေမဲ့ လူသားဖြစ်တဲ့အတွက် ဆင်ခြင်တုံတရားမရှိတာကသာ ထူးဆန်းတဲ့အရာဖြစ်ပါတယ်။

ဒါကြောင့် ဒီနေရာမှာ စာဖတ်သူတို့ 「どうもこうもならない」Doumo Koumo Naranai ဆိုတဲ့ စကားပုံရဲ့ အဓိပ္ပါယ်ကို မှတ်မိသွားကြပြီလို့ထင်ပါတယ်။

အရမ်းစိတ်ဝင်စားဖို့ကောင်းတဲ့ ဂျပန်စကားပုံလေးတစ်ခုပါပဲ။ ပိုပြီသိချင်ရင်တော့ ကိုယ်တိုင်အဲ့ဒီစကားလေးကို ရှာကြည့်ပါ။

စာဖတ်သူတို့အထဲမှာလည်း အဲ့ဒီလိုမျိုးရူးမိုက်တဲ့ ယှဥ်ပြိုင်မှုတွေ မလုပ်မိပါစေနဲ့နော်!!!!

မိမိကိုယ်ကို ဂုဏ်ယူပြီးယှဥ်ပြိုင်မိတာကြောင့် အကျိုးမရှိတာတွေပဲ ဖြစ်သွားတတ်ပါတယ်။

အဲ့ဒီလိုအခြေအနေမှာ どうもこうもならない Doumo Koumo Naranai ဆိုတဲ့ စကားပုံကို အသုံးပြုကြတာပဲဖြစ်ပါတယ်!!!!!

Yuki