105km ကိုမဖြစ်မနေလမ်းလျှောက်ရတဲ့ပွဲ！

ကျောင်းသားဘ၀မှာ ကျောင်းရဲ့လေ့လာရေးခရီးစဥ်တွေ ပွဲတွေအမျိုးမျိုးရှိပါတယ်လေနော်.=။

ဂျပန်မှာလည်း အရင်တုန်းကတော့ ကျောင်းသားတွေအားလုံးစုပြီးတော့မှ အဝေးတစ်နေရာရာကို လမ်းလျှောက်ပြီးသွားကြတဲ့ ပွဲမျိုးရှိပါတယ်။

အခုတော့ ဘတ်စ်ကားတို့၊ ရထားတို့နဲ့ သွားတာတွေများပါတယ်။

ဒါပေမယ့် အခုအချိန်အထိ အရင်တုန်းကလိုဘဲလမ်းလျှောက်ပြီးသွားတဲ့ ကျောင်းတွေလည်းအနဲငယ်တော့ ရှိပါသေးတယ်။

Kofu Daiichiအထက်တန်းကျောင်း

ဒီကျောင်းက ၁၉၂၄ခုနစ်ကစပြီးတော့ လမ်းလျှောက်သွားတာမျိုးကို တောက်လျှောက်လုပ်လာတာပါ။

လမ်းလျှောက်ပြီးသွားလာတာက ကျန်းမာရေးအတွက်အကောင်းဆုံးပါ！

ဒီလိုနဲ့ ယောကျာ်းလေးက ၁၀၅ကီလိုမီတာ၊ မိန်းခလေးက ၄၃ကီလိုမီတာ

မဖြစ်မနေပါ၀င်လမ်းလျှောက်ရပါတယ်။

  https://matome.naver.jp/odai/2144495006531697801

ဒီလိုမျိုးမဖြစ်မနေလုပ်ရမယ်လို့သတ်မှတ်တဲ့ကျောင်းတွေလည်း ရှိပါတယ်။

တစ်ခေါက်က ပါ၀င်လမ်းလျှောက်တဲ့ကျောင်းသူတစ်ယောက် မတော်တဆဒဏ်ရာရပြီးတော့

အကွာအဝေးကို နည်းနည်းတိုသွားခဲ့ပေမယ့်

၂၀၁၈မှာတော့ ၁၁နှစ်ကြာမှ နဂိုမူရင်းခရီးအကွာအဝေးကို ပြန်သတ်မှတ်လိုက်ပါတယ်။

အဲလိုလမ်းလျှောက်မထွက်ကြခင်မှာ ဒီလိုချစ်စရာကောင်းတဲ့ အရာလေးတွေလည်း လုပ်ကြပါတယ်.

https://matome.naver.jp/odai/2144495006531697801

မိန်းခလေးက ‌‌ယောကျာ်းလေးကို ပုံထဲကလိုအိတ်လေးလက်ဆောင်ပေးတာပါ။

ဂျပန်လို အိုမာမိုးရိ(お守り)၊ တစ်ခုခုဖြစ်ရင် စောင့်ရှောက်ပေးတဲ့အိတ်လေးလို့ ပြောကြပါတယ်။

အထဲမှာပါတာတွေကတော့ လမ်းလျှောက်ရင်းနဲ့ ခြေထောက်နာရင်ကပ်ဖို့ ပလာစတာ၊

မောရင်စားဖို့ သကြားလုံးလေးတွေပါပါတယ်။

မိန်းခလေးက ကိုယ်သဘောကျတဲ့ကောင်လေးကိုပေးတာပါ။

ဒီလိုနဲ့ယောကျာ်းလေးတွေက မနားမနေလမ်းလျှောက်ကြတာပေါ့။

  https://matome.naver.jp/odai/2144495006531697801

လမ်းတစ်၀က်မှာ လမ်းလျှောက်နေရင်းနဲ့ အစားအစာလည်းရပါမယ်။

အစားအစာတွေကိုလုပ်ပေးတာကတော့ ကျောင်းပြီးသွားတဲ့သူတွေက ဒေသခံတွေနဲ့ပေါင်းပြီးတော့ လမ်းလျှောက်တဲ့ကျောင်းသားတွေကို အားပေးချင်တဲ့အတွက်ပါ။

ဒီလိုနဲ့လျှောက်သွားရင်း ပန်းတိုင်၀င်သွားရင်တော့ ပန်းတိုင်၀င်တဲ့သူကို ပန်းသီးဆုချပါတယ်။

  https://matome.naver.jp/odai/2144495006531697801

ဒီပန်းသီးကိုရတဲ့အခါ ကောင်လေးတွေက အိုမာမိုးရိအိတ်လေးပေးခဲ့တဲ့

ကောင်မလေးကို ပြန်ပေးကြပါတယ်။

ပန်းသီးရတဲ့ကောင်မလေးက အဲပန်းသီးနဲ့ ပန်းသီးမုန့်လုပ်ကြပါတယ်။

  https://matome.naver.jp/odai/2144495006531697801

အဲဒီပန်းသီးမုန့်လေးကို အတူတူစားရင်း အချင်းချင်းပိုရင်းနှီးသွားကြပါတယ်တဲ့…

ကျောင်းသားဘ၀မှာ ဒီလိုကြည်နူးစရာအဖြစ်အပျက်လေးတွေလည်းရှိကြတယ်လေ။။

ဒီလိုလမ်းလျှောက်ပွဲမျိုးကို ပါ၀င်ကြည့်ချင်ကြပါသလား??