TOYOTA ရဲ႕ေျပာင္းလဲသြားတဲ့အေ႐ြ႕တစ္ခု (TOYOTA ရဲ႕ဟိုက္ဒ႐ိုဂ်င္နည္းပညာက ကမာၻႀကီးကိုေျပာင္းလဲဖို႔ရွိေန)

ေသာ 01 Oct 2021, 15:47 ညေန

ကမ္ဘာတစ်လွှားရှိကားထုတ်လုပ်မှုလုပ်ငန်းဟာ ကြီးမားတဲ့အပြောင်းအလဲကာလတစ်ခုထဲမှာ အပြင်းအထန်ပြိုင်ဆိုင်နေကြပါတယ်။
ကားထုတ်လုပ်တဲ့အခါ ပြဿနာအကြီးဆုံးကတော့ အင်ဂျင်ပါ။
အခုတော့ လျှပ်စစ်ကားရဲ့အောင်မြင်မှုထဲကနေ ပျောက်ကွယ်သွားဖို့လုပ်နေပါတယ်။

ကားကုမ္ပဏီအသစ်တစ်ခု ကားထုတ်လုပ်မှုလုပ်ငန်းထဲကို ဝင်တိုးလို့မပေါက်တဲ့တံတိုင်းဖြစ်ခဲ့သောအင်ဂျင်က လျှပ်စစ်ကားကိုအဓိကထားလာတဲ့ကမ္ဘာကြီးဆီသို့ အလွယ်တကူဝင်ရောက်လာခဲ့ပါပြီ။
ထိုဦးဆောင်သူကတော့ အမေရိကန်ရဲ့ Tesla !!!
ဒီအပြင် Apple လည်းကိုယ်ပိုင်လျှပ်စစ်ကားထုတ်လုပ်ဖို့ရှိနေပြီး၊ Porsche နဲ့ Ferrari စတာတွေလည်း လျှပ်စစ်ကားများသို့ပြောင်းလဲရန်စတင်လာလျှက်ရှိပါတယ်။

အဲ့ဒီအထဲကမှ ဂျပန်ကားကုမ္ပဏီရဲ့ရွေ့လျားမှုကတော့ လိပ်ကလေးလိုနှေးကွေးတာကို တစ်ချို့လည်းသိမယ်လို့ထင်ပါတယ်။
အထူးသဖြင့် TOYOTA ရဲ့ရွေ့လျားမှုနှုန်းက တော်တော်ဆိုးဆိုးပါပဲ၊ TOYOTA တော့ဇာတ်သိမ်းပြီ.. လို့တောင်ခန့်မှန်းထားတဲ့လူတွေ ရှိတယ်လို့ဆိုပါတယ်…

TOYOTA ဟာ ဓါတ်ဆီစွမ်းအင်သုံးကားကနေကွဲထွက်ဖို့ ပထမဆုံးထုတ်လုပ်ခဲ့တာကတော့ ဒီ PRIUS ဖြစ်ပါတယ်။


https://toyota.jp/prius/

လျှပ်စစ်နဲ့အင်ဂျင်ရဲ့ပေါင်းစပ်ခြင်းဖြင့်၊ စစမောင်းထွက်ချိန် အမြန်နှုန်းအရှိန်မှာလျှပ်စစ်ကိုအသုံးပြုပြီး၊ တည်ငြိမ်သွားတဲ့အမြန်နှုန်းကိုတော့ ထိရောက်တဲ့အင်ဂျင်ကိုအသုံးပြုတဲ့ပေါင်းစပ်မှုဖြင့်၊ ခရီးတော်တော်ရောက်တယ်၊ နောက်ပြီး ခရီးဝေးကိုအေးဆေးသွားဖို့အတွက်လည်းအဆင်ပြေတဲ့ အကောင်းဆုံးကားကိုထုတ်လုပ်လိုက်ပါတယ်။

လျှပ်စစ်ကားတွေမှာတော့ ထည့်ရတဲ့ဘက်ထရီပမာဏကလည်းအကန့်အသတ်ရှိတဲ့အတွက် ပင်လယ်ခရီးတွေလို ဝေးဝေးမသွားနိုင်တဲ့ပြဿနာ အများစုဖြစ်ကြပါတယ်။
နောက်ပြီး ဘက်ထရီကိုအားသွင်းရတယ်၊ အဲ့ဒီအတွက်အချိန်လည်းပေးရတယ်။
ဒါကိုဓါတ်ဆီကားနဲ့ယှဉ်ကြည့်ရင်တော့ ပြဿနာကြီးတစ်ခုပါပဲ။

ကောင်းတဲ့အချက်ကိုယူပြီးပေါင်းစပ်တဲ့တီထွင်မှုက အံ့သြစရာကောင်းပေမဲ့၊ ဓါတ်ဆီကိုသုံးစရာမလိုအောင်လုပ်မယ်ဆိုပြီးတီထွင်လိုက်တဲ့အထဲမှာ အနည်းငယ်လွဲချော်သွားတဲ့အရာကို သတိပြုမိသွားလည်းလူလည်းရှိမယ်လို့ထင်ပါတယ်။

နောက်ထပ် TOYOTA ထုတ်လုပ်လိုက်တာကတော့ ဟောဒီ MIRAI ဆိုတဲ့ကားဖြစ်ပါတယ်။

ဟိုက်ဒရိုဂျင်ကိုလောင်ကျွမ်းစေပြီးပြေးတဲ့ ခေတ်သစ်စနစ်ကို TOYOTA ကကိုယ်ပိုင်တီထွင်ခဲ့တာဖြစ်ပြီး၊ လျှပ်စစ်ကားလိုမျိုး လေးလံတဲ့ဘက်ထရီလည်းထည့်စရာမလို၊ ဒီအပြင်အားသွင်းဖို့အချိန်လည်းမပေးရတော့ပါဘူး။
ဓါတ်ဆီလိုဟိုက်ဒရိုဂျင်ကို ထပ်ဖြည့်ပြီးရင်ချက်ချင်းမောင်းနိုင်ပါတယ်။
နောက်ပြီး ဒီကားဟာစွန့်ပစ်ပစ္စည်းအနေနဲ့ရေကိုသာထုတ်တယ်ဆိုတာကလည်း ပတ်ဝန်းကျင်ထိန်းသိမ်းရေးအတွက် အလွန်သင့်တော်ပါတယ်။

ပြဿနာတစ်ခုကတော့ ဟိုက်ဒရိုဂျင်ဖြည့်ရတဲ့နေရာပါ…
တစ်နည်းအားဖြင့် ဓါတ်ဆီသုံးကားနဲ့ဆိုရရင် ဓါတ်ဆီဆိုင်နည်းလွန်းခြင်းဖြစ်ပါတယ်။

ဟိုက်ဒရိုဂျင်ကိုကိုင်တွယ်ဖို့အတွက် ဟိုက်ဒရိုဂျင်ဖြည့်ပေးတဲ့နေရာရဲ့လုံခြုံရေးပစ္စည်းတွေကလည်းကြီးလွန်းတာကြောင့် ငွေကုန်ကြေးကျများတယ်။
အဲ့ဒီအတွက်တိုကျိုမှာတော့ ကန့်သတ်အစီးရေလောက်သာထားနိုင်တာကြောင့် MIRA ကိုရောင်းချတဲ့အစီးအရေအတွက် မတိုးလာတော့ဘဲ ဈေးနှုန်းကလည်းကျသွားတယ်လို့မရှိတဲ့ အခြေအနေမှာရှိပါတယ်။

အခြားသောကားကုမ္ပဏီတွေအားလုံးကတော့ လျှပ်စစ်ကားနဲ့အနာဂတ်ကိုမျှော်ကြည့်နေပြီး ဒီအပြင်သာမန်အသုံးပြုသူတွေက မျှော်လင့်နေတဲ့အနာဂတ်ကလည်း လျှပ်စစ်ကားပဲဖြစ်နေတာတောင်၊ TOYOTA တစ်ခုတည်းက ဟောဒီဟိုက်ဒရိုဂျင်ကားမှာ အစွမ်းကုန်အာရုံစိုက်နေတာကတော့ သူ့မှာအကြောင်းပြချက်ရှိနေလို့ဖြစ်ပါတယ်။

“ လျှပ်စစ်ကားမှာ ကြီးမားတဲ့အလုပ်တွင်ကျယ်မှုကို မထုတ်ပေးနိုင်တာကြောင့်…”

ကုန်တင်ကားကို လျှပ်စစ်ကားအဖြစ်ပြောင်းလိုက်ပြီး လေးလံတဲ့ကားကိုယ်ထည်မှာ ပိုပြီးလေးတဲ့ကုန်တွေကိုတင်ဆောင်မယ်။
ဒီအရွေ့ကိုသွားမယ်လို့လုပ်လိုက်တဲ့အခါ ပြဿနာကဘက်ထရီအကြီးလိုအပ်လာပါတယ်။
ဒီအတွက် ဝန်ကိုလျော့ချလိုက်ရပါတော့မယ်။
ဒါဆိုပွဲကသိမ်းပြီ….
လက်တွေ့သုံးနေရတဲ့ ကုန်တင်ကားကို လျှပ်စစ်ကားပြောင်းဖို့ခက်သွားပါတယ်။
ဒါပေမဲ့ ဟိုက်ဒရိုဂျင်အင်ဂျင်ဆိုရင်တော့ ဖြစ်နိုင်ပါတယ်။

ဒီအပြင်ဒီလိုရထား ပေါ်လာခဲ့ပါတယ်။

https://toyokeizai.net/articles/-/450465?display=b

EU မှာအသစ်ပြေးဆွဲနေပြီဖြစ်တဲ့ရထား !!
ဒါရဲ့ ရွေ့လျားမှုစွမ်းအင်က TOYOTA ရဲ့ဟိုက်ဒရိုဂျင်အင်ဂျင်တဲ့..
မီးရထားကိုလျှပ်စစ်မီးရှိတဲ့နေရာမှာပြေးဆွဲပေမဲ့၊ လျှပ်စစ်မီးမရှိတဲ့ဒေသဆိုရင်တော့ ဒီဇယ်အင်ဂျင်ကိုသုံးပြီးရထားကိုပြေးဆွဲကြပါတယ်။
ဒါကလည်းပတ်ဝန်းကျင်အတွက် မကောင်းတဲ့သက်ရောက်မှုကိုရရှိစေပေမဲ့၊ ဒါကြောင့်လို့ပြောပြီး တစ်ခုလုံးကိုလျှပ်စစ်အဖြစ်ပြောင်းလဲဖို့အထိကတော့ အကျိုးအမြတ်ရှိတဲ့လမ်းကြောင်းမဟုတ်ပါဘူး။
အဲ့ဒီလိုအချိန်မှာ ဒီဟိုက်ဒရိုဂျင်စွမ်းအင်သုံးအင်ဂျင်က ကြီးမားတဲ့စွမ်းအားကိုထုတ်ပေးနေပါတယ်။

ဥရောပနိုင်ငံတွေက အလျင်အမြန်ပဲ ကာဗွန်ဒိုင်အောက်ဆိုက်လျှော့ချရေးကိုလုပ်ဆောင်နေစဥ◌်၊ ဒီ TOYOTA နည်းပညာကို လူအများအာရုံစိုက်လာကြပါတယ်။

ထိုအသုံးပြုမှုကို လေယာဉ်များသို့ပါတိုးချဲ့မယ့်အလားအလာမှာရှိပါတယ်။

လေယာဉ်ကိုပါ လျှပ်စစ်စွမ်းအင်သို့ပြောင်းလဲဖို့ စမ်းသပ်မှုပြုလုပ်နေပေမဲ့၊ အပေါ့စားလေယာဉ်ကလွဲပြီး အသုံးပြုဖို့ခက်ခဲတာကြောင့် ဟိုက်ဒရိုဂျင်စွမ်းအင်သုံးအင်ဂျင်ဘက်ကို အာရုံစိုက်လာကြခြင်းဖြစ်ပါတယ်။

အသုံးပြုမှုအမျိုးမျိုးမှာ ဟိုက်ဒရိုဂျင်စွမ်းအင်သုံးအင်ဂျင်ကိုအစားထိုးလာခဲ့ရင်၊ ဟိုက်ဒရိုဂျင်ထုတ်လုပ်မှုလည်း ပိုမိုထိရောက်မှုရှိလာပြီး၊ ဟိုက်ဒရိုဂျင်ရဲ့တန်ဖိုးနဲ့အတူ ဖြည့်ပေးတဲ့နေရာရဲ့ စက်ပစ္စည်းတန်ဖိုးပါလျော့ကျသွားမယ်။
နောက်ပြီး ဟိုက်ဒရိုဂျင်အင်ဂျင်ထုတ်လုပ်မှုကိုပိုမိုအရှိန်မြင့်ပြီး ဈေးနှုန်းကိုလျှော့ချနိုင်သွားပါမယ်။
အဲ့ဒါရဲ့ရလဒ်က လျှပ်စစ်ကားထက်ဈေးသက်သာပြီး၊ ပိုမိုအသုံးပြုရအဆင်ပြေတဲ့ကားဖြစ်လာပါလိမ့်မယ်။

ကမ္ဘာတစ်လွှားမှာ TOYOTA တစ်ခုတည်းက၊ ဒီလိုအနာဂတ်ကိုစိတ်ကူးယဉ်နေတာလားလို့ တွေးမိပါတယ်။
TOYOTA ကအသဲအသန်အာရုံစိုက်နေတဲ့ ဟိုက်ဒရိုဂျင်နည်းပညာဟာ ကမ္ဘာကြီးကိုသိသိသသာသာပြောင်းလဲစေမယ့် နည်းပညာတစ်ခုဖြစ်လာနိုင်ချေရှိပါတယ်။

 

Kengo Abe

ဆက္စပ္ေဆာင္းပါးမ်ားဖတ္ရႈ႕ရန္
သက္ဆိုင္ရာသတင္းကို ၾကည့္မည္: