ချစ်တယ်လို့သာပြောမထွက်ပေမဲ့ လက်ရဲဇက်ရဲရှိခဲ့ကြတဲ့ Heian ခေတ်က အချစ်ရေး

ဘယ်လိုကိစ္စမျိုးမှာမဆို ပြတ်ပြတ်သားသားမပြောကြတဲ့ ဂျပန်လူမျိုးတွေဟာ အချစ်နဲ့ပတ်သက်ပြီးလည်း တစ်ခြားနိုင်ငံတွေနဲ့ယှဉ်ရင် အရမ်းအားနာတတ်ကြတဲ့လူတွေလို့ ပြောခံရပါတယ်။
ဂျပန်လူမျိုးတွေ I Love You ကိုပြောမထွက်ဘူး ဆိုတဲ့အကြောင်းကို အရင်က JAPO မှာတင်ပေးခဲ့ဖူးပေမဲ့၊ ဒီနေ့ခေတ်ထက်တောင် ရှေးလူတွေဟာ ပိုပြီးမပြတ်သားကြတဲ့လူတွေချည်းသာဖြစ်ခဲ့ပါတယ်။

ဒါကြောင့်ပဲ ဂျပန်လူမျိုးတွေ ချစ်ရောချစ်တတ်ကြရဲ့လား?
လို့ အများကထင်ကြပါတယ်။

အဲ့ဒါလည်းမှန်ပေမဲ့၊ တကယ်တော့ အရမ်းမိုက်လွန်းနေခဲ့ပါတယ်။
အခုခေတ်မှာသာဒါမျိုးသွားလုပ်ရင် လုံးဝအဖမ်းခံရမယ့်ကိစ္စပါ။ ရာဇဝတ်မှုကျူးလွန်သလိုမျိုး အချစ်ကိုစတင်ခဲ့ကြပါတယ်။
၇၉၄ ခုနှစ်ကနေစတင်ခဲ့တဲ့ Heian period ရဲ့ ပြတ်သားလွန်းတဲ့အချစ်ကို ဖော်ပြပေးလိုက်ပါတယ်။

https://mag.japaaan.com/

ဆာမူရိုင်းတွေအားကောင်းမလာခင်ကဖြစ်သော မင်းမျိုးမင်းနွယ်မိသားစုတွေရဲ့ခေတ်ကာကို Heian period လို့ခေါ်ပါတယ်။
မင်းမျိုးမင်းနွယ်ကိုဗဟိုပြုတဲ့ခေတ်ရဲ့ ခေတ်နှောင်းပိုင်းမှာ၊ မင်းမျိုးမင်းနွယ်ယဉ်ကျေးမှုဟာလည်း ထွန်းကာလာပြီး၊ ခမ်းနားထည်ဝါတဲ့တစ်ခေတ်တစ်ခါကို ပုံပေါ်လာခဲ့ပေမဲ့၊ ထိုခေတ်ရဲ့ အချစ်နည်းလမ်းဟာ ဆိုးလွန်းနေခဲ့ပါတယ်။
ထူးခြားတဲ့လိင်ပိုင်းဆိုင်ရာ ပြစ်မှုကျူးလွန်တဲ့အကြောင်းမဟုတ်ဘဲ၊ အဲ့ဒီအချိန်ကဂျပန်ရဲ့ မင်းမျိုးမင်းနွယ်ဝင်တွေကြား ပုံမှန်လိုဖြစ်ခဲ့တဲ့ အချစ်နည်းလမ်းအကြောင်းပဲဖြစ်ပါတယ်။

ထိုအချိန်က တော်ဝင်မျိုးနွယ်ရဲ့ သမီးပျိုတွေဟာ နေအိမ်အတွင်းမှာပဲအနေများပြီး အပြင်ထွက်တာမျိုး သိပ်ပြီးမရှိခဲ့ပါဘူး။

အထိန်းတော်ဟာ ဘေးကနေအရာအားလုံးကို ပြုစုစောင့်ရှောက်ပေး လုပ်ကိုင်ပေးခဲ့ကြပါတယ်။
ဓါတ်ပုံတောင်မရှိသေးတဲ့ထိုခေတ်က၊ အခြားအိမ်ကလူတွေဟာ ထိုသမီးပျိုကို တွေ့ဖို့အခွင့်အရေးမရှိခဲ့ကြပါဘူး။

ဒါပေမဲ့ ကာလသားတွေဟာ အဲ့ဒီနေရာမှာ မိန်းမချောလေးရှိတယ်လို့သတင်းရရင်၊ တစ်နည်းနည်းနဲ့ကြည့်ချင်တတ်ကြပါတယ်။ အဲ့ဒီအတွက်ကတော့ နည်းလမ်းတစ်ခုတည်းသာရှိပါတယ်။ အဲ့ဒါက 垣間見（かいまみ） “ ခအိမမိ” ဆိုတဲ့နည်းပဲဖြစ်ပါတယ်။ လိုအပ်တာက ချောင်းကြည့်ဖို့ပါ။ တိတ်တဆိတ်ခြံထဲသို့ခိုးဝင်ပြီး၊ တံခါးရဲ့ဟနေတဲ့ကြားထဲကနေ ချောင်းကြည့်ရပါတယ်။
အခုခေတ်နဲ့ပြောရရင် ပိုင်နက်ကျူးလွန်မှုပေါ့…။ ချက်ချင်းအဖမ်းခံရနိုင်ပါတယ်။
သို့သော် ဒါဟာသာမန်ကိစ္စလေးတစ်ခုလို ဖြစ်နေခဲ့တာကြောင့်၊ အကြီးအကျယ် ဖမ်းဆီးအပြစ်ပေးခြင်းမျိုး မရှိခဲ့ပါဘူး။

အဲ့ဒီအချိန်က လျှပ်စစ်မီးတောင်မရှိတဲ့အတွက် ချောင်းကြည့်ရင်တောင် မျက်နှာကိုသေသေချာချာမမြင်ရပါဘူး။ ကီမိုနိုနဲ့ဆံပင်ပုံစံကိုသာမြင်ပြီး မျက်နှာလေးကို ကိုယ့်ဘာသာကိုယ်မှန်းဆကာ စိတ်လှုပ်ရှားခဲ့ကြရတာဖြစ်ပါတယ်။
တကယ်ကို အလယ်တန်းကျောင်းသားကာလသားတွေလိုပါပဲ…။

ဒီအပြင် 恋文（こいぶみ） “ ခိုအိဘူမိ” လို့ခေါ်တဲ့ ရည်စားစာကိုပေးပို့ကြပါတယ်။ ထိုခေတ်ကရည်းစားစာဆိုတာ အချစ်ကိုသီကုံးဖွဲ့နွဲ့ထားတဲ့ ဂျပန်သီချင်းဖြစ်ပါတယ်။ ဂျပန်သီချင်းဆိုတာ သတ်မှတ်ထားတဲ့စကားလုံးအရေအတွက်ကိုလိုက်ကာ ရေးဖွဲ့ထားတဲ့စာပိုဒ်ဖြစ်ပြီး ကဗျာလိုပုံစံဖြစ်ပါတယ်။ အဲ့ဒီကဗျာကိုဂျပန်မှာတော့သီချင်းလို့ခေါ်ပြီး၊ သီချင်းဆိုတဲ့ပုံစံနဲ့ ဖတ်ရပါတယ်။ I Love You လို့တောင်ပြောမထွက်တာ ဂျပန်သီချင်းဆိုရင် ပို့တောင်ပို့နိုင်ပါ့မလား…?

ထိုရည်းစားစာမှာ ကောင်းတဲ့အဓိပ္ပါယ်ရောက်တဲ့ ဂျပန်သီချင်းနဲ့ပြန်စာကို ပေးပို့လာခဲ့ရင်တော့ နောက်တစ်ဆင့် အချစ်ကိုသွားလို့ရပါပြီ။

ထိုနောက်တစ်ဆင့်ကတော့ 夜這い（よばい） “ ရော်ဘအိ” လို့ခေါ်ပါတယ်။
夜這い（よばい） “ ရော်ဘအိ” ဆိုတာ၊ ညဘက်လူခြေတိတ်ပြီး အားလုံးအိပ်သွားတဲ့အချိန်မှာ မိန်းကလေးအခန်းထဲခိုးဝင်ပြီး လုပ်စရာရှိတာလုပ်သွားတယ် ဆိုတာကိုပြောခြင်းဖြစ်ပါတယ်။
လုံးဝကို ပြစ်မှုကျူးလွန်ခြင်းပါပဲ။ သို့သော် ဒါဟာထုံးစံတစ်ခုလိုတောင် ဖြစ်ခဲ့ပါတယ်။

ပြန်စာရေးတယ်ဆိုကတည်းက “ လာခဲ့ပါ” ဆိုတဲ့အဓိပ္ပါယ်မျိုးသက်ရောက်ပါတယ်။ တစ်ယောက်နဲ့တစ်ယောက် မျက်နှာကိုလည်းမတွေ့ဖူးဘူး? အသံလည်း မကြားဖူးကြဘူး? သို့သော် အဲ့ဒီအချိန်က အလိုအပ်ဆုံးဟာ မျက်နှာရော၊ စိတ်နေသဘောထားရော တစ်ခုမှမဟုတ်ဘဲ၊ စိတ်သန့်ရှင်းရဲ့လား၊ ယဉ်ကျေးမှုရှိသလား ဆိုတဲ့အချက်ပဲဖြစ်ပါတယ်။ အဲ့ဒါပြီးတဲ့အခါ နောက်တစ်ဆင့်ဖြစ်တဲ့ “ ရော်ဘအိ” ဆိုတာက ခန္ဓာကိုယ်ရဲ့လိုက်ဖက်မှုကို ညဘက်မှာစမ်းသပ်ခြင်း ဖြစ်ပါတယ်။

ဒါကြောင့် ပထမဆုံးနေ့မှာတင် “ ဒီယောက်ျားကိုတော့မကြိုက်ဘူး” လို့ထင်ရင်၊ နောက်နေ့မှာ တံခါးကိုတင်းတင်းကြပ်ကြပ်ပိတ်ထားပြီး ခိုးဝင်လို့မရအောင် လုပ်ထားခဲ့ကြပါတယ်။ ၃ ရက်ဆက်တိုက်ညဘက်တွေ့ပြီးစမ်းသပ်ခြင်းမှာ မအောင်မြင်ခဲ့ရင်တော့ လက်ထပ်တဲ့အဆင့်ထိမသွားကြတော့ပါဘူး။ ယောက်ျားလေးဘက်ကလည်း မကြိုက်ဘူးဆိုမသွားတော့တာကြောင့် နှစ်ဦးနှစ်ဖက်ဟာ လွတ်လပ်စွာရွေးချယ်နိုင်ခဲ့ကြပါတယ်။

ဒီလိုညဘက်ခေါ်တွေ့ပြီးစမ်းသပ်တဲ့ပုံစံမျိုးဟာ မင်းမျိုးမင်းနွယ်မိသားစုတွေမှာသာ အကြောင်းရင်းရှိခဲ့တယ်လို့ ထင်ပါတယ်။ အကုန်လုံးကိုတိတ်တဆိတ်လုပ်ကြတဲ့အတွက်၊ ဆက်ပြီးမချစ်ကြတော့တာကို အပြင်မှာမပေါက်ကြားစေချင်လို့ဖြစ်ပါတယ်။ ဘာပဲဖြစ်ဖြစ် အချစ်မှာရှုံးနိမ့်သွားတဲ့မိန်းကလေးကို လက်ထပ်ချင်ပါတယ်လို့ပြောလာမယ့် ယောက်ျားလေး မပေါ်လာတော့ပါဘူး။

အမြဲတမ်းအိမ်ထဲမှာပဲနေကာ အမြဲတမ်းဖြူစင်ပြီးချောမောတဲ့မိန်းကလေး ဆိုတဲ့ပုံရိပ်ကို လူပုံအလယ်မှာ ပြသဖို့လိုအပ်ခဲ့တာကြောင့်ပဲလို့ ထင်ပါတယ်။

ဂျပန်လူမျိုးတွေက ချစ်တယ်လို့သာပြောမထွက်တာ လက်ရဲဇက်ရဲတော့ ရှိခဲ့ကြတာပဲနော်…။
ဟိုးအရင်အချိန်တုန်းက ဒါကိုခွင့်ပြုပေးခဲ့ကြတယ်ဆိုတော့လည်း…
အခုဆိုရင်တော့ ပိုင်နက်ကျူးလွန်မှုနဲ့ အဖမ်းခံရနိုင်ပါတယ်….

Kengo Abe

• civilization
• Love
• society