အလွန်နာမည်ကြီးတဲ့စစ်ဗိုလ်၊ Sanada Yukimura ရဲ့အောင်မြင်မှု။ (ယောကျ်ားပီသသူဆိုတာ ဒီပုဂ္ဂိုလ်ကိုပြောခြင်းသာ)

Sanada Yukimura ဆိုတဲ့ စစ်ဗိုလ်ချုပ်အကြောင်းကိုစာဖတ်သူတို့သိကြပါသလား?
ယောက်ျားပီသသူအဖြစ် အလွန်ထင်ရှားတဲ့စစ်ဗိုလ်ချုပ်တစ်ယောက်ဖြစ်ပြီး၊ ရှင်းရှင်းပြောရရင် အရမ်းမိုက်တယ်！ယောက်ျားပီသတဲ့ပုံရိပ် ထင်ရှားလွန်းတဲ့ပုဂ္ဂိုလ်ဖြစ်ပါတယ်။

နယ်မြေအကျယ်ကြီးကိုပိုင်ဆိုင်ခဲ့ခြင်းလည်းမရှိ၊ ခေတ်အဆက်ဆက်သမိုင်းမှာ အဓိကကျတဲ့လူအဖြစ်မှတ်တမ်းတင်ခံရခြင်းလည်းမရှိတာတောင် အလွန်ထင်ရှားတဲ့ပုဂ္ဂိုလ်တစ်ဦးဖြစ်ပါတယ်။
အမျိုးသမီးတွေတော့သေချာတယ်၊ အမျိုးသားတွေတောင်အမှတ်မထင် သဘောကျမိသွားလောက်တဲ့ သူ့ရဲ့ယောက်ျားဆန်မှုအကြောင်းကို ပြောပြပေးပါမယ်။

Sanada Yukimura ဆိုတဲ့လူရှိပါသလား?
ရုတ်တရက် ခေါင်းစားသွားမယ့်မေးခွန်းကို မေးကြည့်လိုက်ပါတယ်။
ဟုတ်ပါတယ် Sanada Yukimura ဆိုတဲ့လူဟာ တကယ်တော့မရှိပါဘူး။

အားလုံးက Sanada Yukimura လို့ခေါ်နေတဲ့လူဟာ၊ 真田信繁Sanada Nobushige ပဲဖြစ်ပါတယ်။
သူသက်ရှိထင်ရှားရှိစဥ◌်ကခေတ်ကာလရဲ့ မှတ်တမ်းနဲ့သမိုင်းဝင်ပစ္စည်းတွေမှာတော့ “ Yukimura” ဆိုတဲ့ ဖော်ပြချက်မရှိခဲ့ပါဘူး။

သူ့ရဲ့သေဆုံးခြင်းနောက်ပိုင်း၊ ၁၆၇၂ ခုနှစ်မှာ ထုတ်ဝေခဲ့တဲ့ဝတ္ထုထဲမှာတော့ Sanada Yukimura ဆိုတဲ့နာမည်က ပထမဆုံးပေါ်လာခဲ့ပေမဲ့၊ အဲ့ဒါကို ဘယ်လိုပဲကြည့်ကြည့် Sanada Nobushige ကိုယ်တိုင်ပဲ? ဆိုပြီးဖြစ်လာရာကနေ ချိတ်ဆက်မိသွားခဲ့ပါတယ်။
နောက်ဆက်တွဲဝတ္ထု၊ ရုပ်ရှင်နဲ့ ဒရမ်မာ စတာတွေမှာတော့ Yukimura ဆိုတဲ့နာမည်ကိုဆက်သုံးကြပြီး၊ ပုံမှန်ဖြစ်သွားခဲ့ပါတယ်။

စကားမစပ် Yukimura ဆိုတဲ့နာမည်က ဘာကြောင့်ထွက်လာခဲ့သလဲဆိုတာဟာ လျှို့ဝှက်မှုအဖြစ်ရှိနေဆဲပါ။
တကယ်ရှိနေသလို၊ မရှိသလိုနဲ့ Yukimura ဟာဘာမှမဟုတ်တဲ့တည်ရှိမှုသာဖြစ်ပါတယ်။

အနီရောင်တောက်တောက် ချပ်ဝတ်တန်ဆာနဲ့ အားလုံးထက်ပိုပြီးထင်ရှားနေတဲ့အဓိပ္ပါယ်

https://sengoku-his.com/476

Sanada Yukimura ဟာ Sanada ရဲ့ 赤備えAkazonae-“ အကဇိုနအဲ” လို့ခေါ်တဲ့ အနီတောက်တောက်ချပ်ဝတ်တန်ဆာကိုဝတ်ပြီး လက်ရွေးစင်တပ်ဖွဲ့ကိုဦးဆောင်ကာ၊ စစ်မြေပြင်ကိုချီတက်ပါတယ်။
အနက်ရောင်ကိုအခြေခံတဲ့ သံချပ်အဖွဲ့ဝင်တွေကြားထဲမှာ အနီရောင်တောက်ပလွန်းတဲ့သံချပ်ဟာ ရန်သူကိုထိတ်လန့်စေသယောင် ထင်ရှားလွန်းနေပါတယ်။

ဟုတ်ပါတယ်။ ရည်ရွယ်ချက်က ထင်ရှားနေဖို့ပါ။
ထင်ရှားချင်တဲ့ရည်ရွယ်ချက်ကတော့ ရန်သူရဲ့အာရုံကိုရရှိစေဖို့ပဲဖြစ်ပါတယ်။
Yukimura ကဦးဆောင်ရတဲ့တိုက်ပွဲကြီးမှာ သူပိုင်တဲ့ဘက်က အတော်လေးဆိုးရွားတဲ့အခြေအနေမှာရှိတာကို အစကတည်းကသိနေခဲ့ပါတယ်။
အဲ့ဒီအတွက် ပိုပြီးများတဲ့ရန်သူကိုဖျားယောင်းပြီး၊ ပိုပြီးဖြိုလဲဖို့ဖြစ်ပါတယ်။
အဲ့ဒီအတွက်တော့ ထင်ရှားတဲ့ချပ်ဝတ်တန်ဆာကို လိုအပ်လာပါတယ်။

အဲ့ဒီခေတ်ရဲ့စစ်ပွဲမှာတော့ ပိုပြီးသန်မာတယ်၊ ပိုပြီးနာမည်ကြီးတဲ့ စစ်ဗိုလ်ချုပ်ရဲ့လည်ပတ်ကိုဖြတ်ပြီးပြန်မယ်ဆိုရင် အောင်ပွဲရရှိသလိုပဲ၊ ချီးမြှင့်ငွေအမြောက်အများကိုလည်း ရရှိပါတယ်…
ဟုတ်ပါတယ်။ အားလုံးထက် အန္တရာယ်ကိုရင်ဆိုင်ပြီး ရန်သူကိုဖျားယောင်းခဲ့တာပဲဖြစ်ပါတယ်။

六文銭 “ ရော့ခုမွန်းဆန်း” ဆိုတဲ့ အမှတ်အသားတစ်ခု

https://sanadada.com/719/

Sanada မိသားစုရဲ့အလံက ဟောဒီဒင်္ဂါး ၆ ပြားပေါ်မှာအခြေခံပါတယ်။
သံခမောက်ရဲ့အစိတ်အပိုင်းအဖြစ်လည်း ပါဝင်နေပါတယ်။
“ ရော့ခုမွန်းဆန်း” ဆိုတာကတော့ ပိုက်ဆံကိုပြောတာပါ။
၁ ရွက်ကို ၁ 文（mon）ဆိုတဲ့ ယူနစ်နဲ့တွက်တဲ့ ပိုက်ဆံအကြွေစေ့ဖြစ်ပါတယ်။
ဒါက ၆ စေ့။

ဘယ်လိုအဓိပ္ပါယ်လဲလို့ဆိုရရင်၊ ဒီနေရာမှာဘာသာရေးအတွေးအခေါ်တွေဝင်လာပါ့မယ်။
သေဆုံးပြီးနောက်၊ 三途の川Sanzu River ဆိုတဲ့ မြစ် ၃ ဆင်းကိုကူးဖြတ်ပြီးမှ ထိုလောကကိုရောက်ရှိတယ်လို့ ပြောကြပါတယ်။
ထိုမြစ် ၃ ဆင်းကိုကူးဖြတ်ဖို့ ကူးတို့လှေခဟာ ၆（mon） ပေးရတယ်လို့ပြောကြပါတယ်။

အလံနဲ့သံခမောက်မှာ “ ရော့ခုမွန်းဆန်း” ကိုထည့်သွင်းတယ်ဆိုတာက ဘယ်အချိန်ပဲဖြစ်ဖြစ်သေဖို့အတွက်ပြင်ဆင်ထားတယ် ဆိုတဲ့အဓိပွါယ်ဖြစ်ပါတယ်။
ဒီလိုလူတွေကို ရန်သူဖြစ်အောင်မလုပ်သင့်ဘူးနော် …

ရှုံးမယ်ဆိုတာကိုသိသိကြီးနဲ့ တိုက်ပွဲကိုလုံးဝသစ္စာမဖောက်ခဲ့ပါဘူး။
Yukimura ဟာနောက်ဆုံးအနေနဲ့ 豊臣秀頼Toyotomi Hideyori ကို ကာကွယ်ပြီးသေဆုံးသွားပါတယ်။
Yukimura ဟာမြီးကောင်ပေါက်အရွယ်မှာ၊ Hideyori ရဲ့အဖေ၊ 豊臣秀吉Toyotomi Hideyoshi ဆီမှာ ဓားစာခံအဖြစ် နေထိုင်ခဲ့ပါတယ်။
ဓားစာခံဖြစ်နေခဲ့ပေမဲ့၊ အတော်လေးသဘောတွေ့ပြီး အချစ်ခံခဲ့ရပုံရပါတယ်။
ထိုကျေးဇူးရှိတာကြောင့် သားဖြစ်သူ Hideyori ကိုနောက်ဆုံးအချိန်ထိကာကွယ်စောင့်ရှောက်ပေးခဲ့ပါတယ်။

အဲ့ဒီအချိန်၊ Yukimura ရဲ့အကိုဟာ ရန်သူ Tokugawa နောက်ကိုလိုက်သွားပြီး၊ Tokugawa လည်း Yukimura ရဲ့ဂုဏ်သတင်းကိုသိနေတဲ့အတွက်ကြောင့် ဘယ်လိုပဲဖြစ်ဖြစ် မိမိဘက်ကိုဆွဲသွင်းဖို့ ကမ်းလှမ်းမှုပြုလုပ်ခဲ့ပါတယ်။
Yukimura မရှိရင်တောင် Tokugawa ကအင်အားတောင့်ပြီးသားပါ။
Yukimura သာ Tokugawa ဘက်ကိုကူးသွားရင် သေစရာအကြောင်းမရှိတဲ့အပြင်၊ ပိုပြီးအခွင့်ထူးခံရကာ ပိုပြီးကျယ်တဲ့နယ်မြေတွေကိုလည်း ပေးအပ်ခြင်းခံရမယ်လို့ ထင်ပါတယ်။
သို့သော် သစ္စာမဖောက်ခဲ့ပါဘူး။

Yukimura ဟာအဆုံးအဖြတ်တိုက်ပွဲမတိုင်ခင်မှာ ဒီလိုစာကိုရေးခဲ့ပါတယ်။
“ မနက်ဖြန်ကိုမသိနိုင်တဲ့ခေတ်မှာ
Yukimura ဟာ ဒီလောကမှာမရှိတော့ဘူးလို့ မှတ်ပေးပါ။”

အဆုံးအဖြတ်တိုက်ပွဲနေ့နီးကပ်လာပြီး… အဲ့ဒီနေရာမှာ သူသေမယ်ဆိုတာ သိနေခဲ့ပါတယ်။
“義理（Giri ）” ရဲ့နှလုံးသားကိုမစွန့်ပစ်ဘဲ သေဖို့ကိုရွေးချယ်သွားတဲ့ Yukimura
တော်ရုံလူတွေတောင် အတုယူနိုင်မယ်မထင်ပါဘူး။

အရမ်းမိုက်တဲ့စကားတစ်ခွန်း
Yukimura ပါတဲ့ Toyotomi အင်အားစုဟာ လူစုစုပေါင်း ၅၅,၀၀၀ ရှိပါတယ်။
တစ်ဖက်ရန်သူဖြစ်တဲ့ Tokugawa ဘက်ကအင်အားစုကတော့ လူပေါင်း ၁၅၅,၀၀၀ ရှိပါတယ်။
ဘယ်လိုပဲစဉ်းစားပါစေ နိုင်ဖို့လမ်းမရှိတဲ့ တိုက်ပွဲတစ်ခုပါ။

Yukimura ဟာဗျူဟာတစ်ခုဆွဲခဲ့တယ်။
ဟိုးအဝေးကြီးကနေတိုက်ခိုက်ရင်းရွေ့လျားလာတဲ့ Tokugawa ရဲ့အင်အားစု။ ရောက်ရှိမယ့်ဒီညကတော့ အားလုံးပန်းနေမှာသေချာတယ်။
ဒါကြောင့် အလစ်ဝင်တိုက်ခိုက်မယ်။
ဒါပေမဲ့၊ မြူတွေထူနေတဲ့အတွက် ပစ်မှတ်နေရာကိုတော်တော်နဲ့မှရောက်နိုင်မှာမဟုတ်ဘူး။

အဲ့ဒီနေရာမှာ ရန်သူတပ်ဖြစ်တဲ့ 伊達政宗 “ ဒတဲ မဆာမုနဲ” ရဲ့ သေနတ်တပ်ဖွဲ့ဟာရောက်ချလာပါတယ်။
သေနတ် vs ဓါး
ဒါပေမဲ့ Yukimura တပ်ဖွဲ့ဟာ ထိုနေရာမှာမရှုံးနိမ့်သွားခဲ့ပါဘူး။

သေနတ်တပ်ဖွဲ့ရဲ့ ပစ်ခတ်မှုကိုမထိမှန်အောင် မြေမှာဝပ်ပီးရှောင်ရှားကာ၊ အပစ်အခတ်ရပ်စဲသွားတဲ့အခါမှာတော့ ဝပ်ပြီးရှေ့တိုးခဲ့တယ်။
ဒီလိုနည်းနဲ့ပဲ ဓါးသာကိုင်ဆောင်တဲ့အင်အားစုရဲ့ ပရိယာယ်ဟာ သေနတ်တပ်ဖွဲ့ကို တပ်ဆုတ်သွားစေခဲ့ပါတယ်။

ဒီအပြင်စခန်း ၂ ခုလုံးဟာ၊ အချင်းချင်းအခြေအနေစောင့်ကြည့်တဲ့အချိန်မှာ၊ Yukimura ဦးဆောင်တဲ့ Toyotomi စစ်တပ်ဆီသို့ တပ်ဆုတ်ဖို့အမိန်ကျလာခဲ့ပါတယ်။ ဌာနချုပ်ဖြစ်တဲ့ အိုဆာကာရဲတိုက်သို့စုဝေးဖို့ဖြစ်ပါတယ်။

ရန်သူကိုမျက်ခြေမပြတ်စောင့်ကြည့်နေရရင်း တပ်ဆုတ်ရတာဟာ လွယ်တဲ့အလုပ်တော့မဟုတ်ပါဘူး။
အခြားသောတပ်မတွေလွတ်မြောက်ဖို့ တစ်ယောက်ယောက်ကတိုက်ခိုက်ကျန်ခဲ့ရုံကလွဲပြီး မရှိတော့ပါဘူး။
ရဲဘော်တွေဆုတ်ခွာဖို့အချိန်ဆွဲပေးတဲ့တပ်ဖွဲ့ကို 殿（Shingari ） လို့ခေါ်ပြီး၊ အဲ့ဒီတပ်ဟာ သေဖို့ရာခိုင်နှုန်းအလွန်များပါတယ်။
Yukimura ဟာကိုယ်တိုင် Shingari အဖြစ်ကျန်ခဲ့ပြီး တပ်ဆုတ်စေခဲ့ပေမဲ့၊ Tokugawa အင်အားစုဟာ Yukimura တို့ကိုကြောက်ပြီး အနောက်ကိုမလိုက်နိုင်ခဲ့ပါဘူး။
အဲ့ဒါနဲ့စကားတစ်ခွန်းကို Yukimura ဟာဒီလိုအော်ဟစ်လိုက်တယ်။
“ အရှေ့တပ်မဟာ (Tokugawa အင်အားစု) လူ ၁ သိန်းထဲမှာ၊ ယောက်ျားတစ်ယောက်တောင် မပါကြဘူးလား！”

အဲ့ဒီလိုအပြောခံရပေမဲ့ Tokugawa အင်အားစုဟာ နည်းနည်းမျှတောင်မလှုပ်ခဲ့ပါဘူး။

ပစ်မှတ်ကိုပြောင်းပြန်လှန်ဖို့ရည်ရွယ်ခဲ့တဲ့ နောက်ဆုံးတိုက်ပွဲ

https://www.atpress.ne.jp/news/116141

Yukimura သာတိုက်ရည်ခိုက်ရည်ကျွမ်းကျင်ပေမဲ့၊ Toyotomi ရဲ့တပ်တွေဟာ အလွန်ပင်အရည်အချင်းမပြည့်မီပါဘူး။
ဒါဆို နောက်ဆုံးမှာလုပ်နိုင်တဲ့အရာက တစ်ချက်တည်းနဲ့ပြောင်းပြန်လှန်ဖို့ရည်ရွယ်လိုက်ပြီး၊ ခေါင်းဆောင်ဖြစ်တဲ့ Tokugawa Ieyasu ကိုသာအာရုံစိုက်ဖို့ဖြစ်လာပါတယ်။
ဂိမ်းလိုမျိုးပြောရရင် လမ်းတစ်ဝက်ကနေပေါ်လာတဲ့ ရန်သူအားလုံးကိုလျစ်လျူရှုပြီး၊ နတ်ဆိုးနတ်ဘုရားကိုစိန်ခေါ်မယ့် မဖြစ်နိုင်တဲ့ဗျူဟာတစ်ခုဖြစ်ပါတယ်။

ဒီနေရာမှာပေါ်လာတာကတော့ အစောပိုင်းမှာပြောခဲ့တဲ့ အနီရောင်သံချပ်ဝတ်စုံပဲဖြစ်ပါတယ်။
Yukimura ရဲ့တပ်မဟာ အနီရောင်တပ်မကြီးဖြစ်သွားပါတယ်။
အခြားသောတပ်ဖွဲ့ကနေ တပ်သား ၃၅၀၀ ယူကာ တောင်ကုန်းငယ်တစ်ခုမှာ တပ်စွဲလိုက်ပါတယ်။

ထိုအချိန်မှာပဲ လူ ၁၃၀၀၀ ရှိတဲ့တပ်မကြီးဖြစ်လာပြီး တစ်ပြိုက်တည်းတိုက်ခိုက်ပါတော့တယ်။
အသေအပျောက်များပေမဲ့ စစ်တပ်ကြီးကိုတိုးဖော်ဝင်ရောက်ပြီး၊ Tokugawa Ieyasu ရှိတဲ့အဓိကအဖွဲ့အနီးသို့ ချက်ချင်းချည်းကပ်သွားနိုင်ခဲ့ပါတယ်။

အလွန်အင်အားကောင်းတဲ့ Yukimura ရဲ့တပ်ကိုကြောက်ပြီး၊ Tokugawaတပ်ဖွဲ့ရဲ့ စစ်သားတွေဟာထွက်ပြေးကုန်ကြတယ်လို့ပြောပါတယ်။
ဒါပေမဲ့ စစ်သားအင်အား အတော်လေးကွာခြားနေပါသေးတယ်။
တော်တော်နဲ့တော့ လွယ်လွယ်ကူကူမဖြစ်ခဲ့ပါဘူး။ သို့ပေမဲ့ Yukimura ဟာဆက်ပြီးချီတက်ခဲ့တယ်။

Tokugawa Ieyasu ဟာအခြေနေမလှတော့မှန်းသိသွားပြီး၊ seppuku (မိမိဝမ်းဗိုက်အားလှီးဖြတ်ခြင်း)လုပ်ဖို့တောင်စဉ်းစားခဲ့တယ်လို့ ပြောပါတယ်။

၃ နာရီကြာအောင် နတ်ဆိုးဘုရားလိုတိုက်ခိုက်ပြီးနောက် စစ်သားတွေလည်းသေသလောက်ရှိပြီး၊ မိမိကိုယ်တိုင်လည်း ဆက်ပြီးတောင့်ခံဖို့အင်အားနည်းလာပြီ။ တစ်ကြိမ်နောက်ပြန်ဆုတ်ပြီး ခဏအနားယူလိုက်တဲ့အချိန်မှာပဲ ရန်သူတွေ့သွားပြီး Yukimura ဟာလုပ်ကြံခံလိုက်ရပါတော့တယ်။

Yukimura ကျဆုံးသွားတာနဲ့ Toyotomi တပ်မှာဦးဆောင်တိုက်ခိုက်နိုင်သူမရှိတော့ပါဘူး။
တစ်ချက်တည်းပြိုလဲပြီး၊ Toyotomi Hideyori နဲ့သူ့အမေဟာ သတ်သေသွားကာ၊ Toyotomi မိသားစုဟာ ကျဆုံးခန်းရောက်ရှိသွားပါတယ်။
စကားမစပ် Yukimura ဟာအသက် ၁၆ နှစ်ပြည့်သွားတဲ့သားဖြစ်သူကို သစ္စာရှိမှုသက်သေအဖြစ် Hideyori အနားမှာအမှုထမ်းစေခဲ့ပါတယ်။ သူလည်း Hideyori နဲ့အတူသတ်သေသွားပါတယ်။

ကျွန်တော်အမြင်အားဖြင့်ပြောရရင် အကယ်၍ Yukimura မှာသာ စစ်သည် ၂ ဆရှိခဲ့ရင်၊ အသတ်ခံရသူဟာ Tokugawa Ieyasu ပဲဖြစ်မယ်ထင်ပါတယ်။

အလွန်ယောက်ျားဆန်ပြီး၊ ဆာမူရိုင်းရဲ့နမူနာကဲ့သို့သော Yukimura ရဲ့ ရဲရင့်တဲ့သေဆုံးခြင်းဟာ မျက်မှောက်ခေတ်ထိတိုင် လူများစွာရဲ့နှလုံးသားကို နွေးထွေးစေပါတယ်။

မျက်မှောက်ခေတ်ဂျပန်သာမက ကမ္ဘာအနှံ့ကလူတွေမှာ..ကျေးဇူးသိတတ်တဲ့စိတ်ဟာ ပျောက်ကွယ်လာတယ်လို့ခံစားရပါတယ်။
ငွေကြေး သို့မဟုတ် ဂုဏ်အဆင့်အတန်းထက် မိမိအားကူညီပေးခဲ့သူတစ်ယောက်ကို ဘယ်လိုကျေးဇူးပြန်ဆပ်ရမလဲ? အဲ့ဒီလိုတွေးသူတွေနည်းလာပါတယ်။

Kengo Abe

• history
• Sanada Yukimura