Nara ရှိဘုရားကျောင်းမှာ သမီးလေးကြီးပြင်းလာပုံကိုကြည့်ပြီး ပီတိဖြစ်နေသောဖေဖေ….

Nara လို့ပြောလိုက်ရင် ဘေးမဲ့လွတ်ထားပေးတဲ့သမင်တွေရှိရာ Nara ပန်းခြံအပြင်၊ ဘေးနားမှာ သမိုင်းဝင်အဆောက်အဦးတွေရှိနေတယ်ဆိုတာ အားလုံးသိထားပြီးသားဖြစ်ပါတယ်။ ထို့အပြင်လည်ပတ်စရာ အထင်ကရနေရာထဲမှာ မေ့ထားလို့မရတဲ့နေရာတစ်ခုရှိပါတယ်။ အဲ့ဒါကတော့ Sakurai မြို့မှာရှိတဲ့ Hasedera Temple ပဲဖြစ်ပါတယ်။

https://soranews24.com/2021/01/19/

Hasedera Temple ကို တောင်တက်လှေကားလေးနဲ့တက်သွားရမှာဖြစ်ပြီး၊ အပေါ်ရောက်တဲ့အခါမှာတော့ လှပတဲ့ရှုမျှော်ခင်းဟာစောင့်လို့ကြိုနေပါတယ်။ စိတ်ငြိမ်ပြီးအေးချမ်းမှုက ခရီးသွားများကိုဆွဲဆောင်နိုင်တဲ့အချက်တစ်ချက်လည်း ဖြစ်ပါတယ်။

ဒီလိုလာရောက်လည်ပတ်သူတွေထဲမှာ ဓါတ်ပုံပညာကိုသဘောကျသူ @shingo_camera ဆိုတဲ့ တွင်တာအကောင့်နဲ့ အမျိုးသားတစ်ဦးရှိပါတယ်။
ဒီအမျိုးသားဟာ Hasedera Temple ကိုသမီးလေးနဲ့အတူလာရောက်လည်ပတ်ချိန်တိုင်းမှာ သမီးလေးရဲ့ အရွယ်ရောက် ကြီးထွားလာမှုကို မှတ်တမ်းတင်ထားလေ့ရှိခဲ့ပါတယ်။

https://soranews24.com/2021/01/19/

ရာသီအလိုက်ပြောင်းလဲသွားတဲ့ သစ်ပင်ရဲ့ရှုမျှော်ခင်းကိုနောက်ခံထားကာ သမီးလေးဝတ်ပြုနေတဲ့ပုံကို ငယ်ရွယ်စဥ်မှစပြီး ဓါတ်ပုံမှတ်တမ်းတင်ခဲ့ပါတယ်။
ရာသီတစ်ခုကိုကူးပြောင်းတဲ့အချိန်တိုင်း ရိုက်ကူးမိခဲ့တဲ့ @shingo_camera ရဲ့ဓါတ်ပုံတွေထဲမှာ သင်ဟာ ထိုအမျိုးသားရဲ့သမီးက ဘုရားရိပ်တရားရိပ်မှာကြီးပြင်းလာကြောင်းကို ထင်ထင်ရှားရှားတွေ့နိုင်ပါတယ်။

https://soranews24.com/2021/01/19/

ပထမဆုံးရိုက်ကူးခဲ့သောဓါတ်ပုံမှာ သူမဟာအသက် ၆ နှစ်သာရှိခဲ့ပြီး၊ အချိန်ကာလအားဖြင့် ဖြတ်သန်းရင်းနဲ့ နောက်ဆုံးဆောင်းရာသီမှာတော့ သူမအသက် ၁၀ နှစ်ရှိလာခဲ့ပြီပဲဖြစ်ပါတယ်။

https://soranews24.com/2021/01/19/

ဒီဓါတ်ပုံမှတ်တမ်းနဲ့ပတ်သက်ပြီး comment တွေမှာလည်း
“ ကျွန်မမှာ ၂ အရွယ်အသားလေးတစ်ယောက်ရှိတယ်။ ဒီပုံတွေကြည့်ပြီး သူနဲ့အတူရှိနေတဲ့အချိန်ကိုတန်ဖိုးထားတတ်လာတယ်။ သူလူကြီးတစ်ယောက်ဖြစ်လာတဲ့အထိ ဘယ်လောက်သူကိုကြည့်ခွင့်ရအုံးမလဲ?”
“ ဒီလိုနေရာမျိုးမှာဓါတ်ပုံရိုက်တာ အတိတ်ကနေပစ္စပ္ပန်၊ ပစ္စပ္ပန်ကနေအနာဂတ်ကို ဘယ်လိုပုံသွင်းပေးတယ်ဆို မင်းကိုတကယ်ခံစားစေတယ်”
ဆိုတဲ့ အမျိုးမျိုးသောထင်မြင်ချက်တွေနဲ့အတူ အချိန်ရဲ့ပြောင်းလဲမှုတွေကို ခံစားမိသူတွေရှိလာပါတယ်။

5年かかってようやく撮れました。
秋の紅葉、夏の新緑、春の桜、冬の雪。
最初に紅葉を撮ってから雪を撮る間に
娘も6歳が10歳になり、シルエットからも成長を感じます。
これで撮るのをやめるわけではありませんが一つの目標が叶った瞬間です。
並べると今までの思い出が思い出されて溢れそうです。 pic.twitter.com/gwp64K9yww

— しんご (@shingo_camera) January 12, 2021

Hasedera Temple ကိုတော့ လွန်ခဲ့သောနှစ်ပေါင်း 1300 ကျော်၊ AD 686 ခုနှစ်က စတင်ဆောက်လုပ်ခဲ့ပြီး
၊ Sakurai မြို့ရဲ့အရှေ့ဘက်တောင်မှာ တည်ရှိပါတယ်။ Shingon ဗုဒ္ဓဘာသာ Bunzan ကျောင်း၏ကျောင်းဆောင်အဖြစ်ထားရှိထားပါတယ်။
ချိုင့်ဝှမ်းတွင်တည်ရှိသော Hasedera ဘုရားကျောင်းမှာ တောင်စောင်းတစ်လျှောက်တည်ဆောက်ထားတဲ့ အဆောက်အဦးပေါင်း ၃၀ ကျော်ပါရှိပြီး၊ လာရောက်လည်ပတ်သူများမှာ အေးချမ်းခြင်းနဲ့အတူ ဝတ်ပြုနိုင်တဲ့နေရာတစ်ခုလည်းဖြစ်ပါတယ်။

JAPO Myanmar