ပင်မစာမျက်နှာ
ဂျပန်စတိုင်
ဆာမူရိုင်းတွေသာ စားခွင့်မရှိခဲ့သော “ ငါး” ….!!!!

ဆာမူရိုင်းတွေသာ စားခွင့်မရှိခဲ့သော “ ငါး” ….!!!!

လာ 18 Jan 2021, 12:32 ညနေ

ဆာမူရိုင်းတွေအဓိကနေရာကနေပါဝင်ခဲ့သောခေတ်ပြီးနောက် အဲဒိုခေတ်ကိုရောက်လာခဲ့ပါတယ်။
ထိုအချိန်ဟာ လူတန်းစားလူ့အဖွဲ့အစည်းနဲ့အလွှာခွဲခြားတဲ့အချိန်ဖြစ်ခဲ့ပါတယ်။ အထက်အလွှာကနေစပြီးဖော်ပြရမယ်ဆို
– ဆာမူရိုင်း
– လယ်သမား
– လက်သမား
– ကုန်သည်

ထို့အပြင် ဒီထက်နိမ့်သောအလွှာလည်းရှိခဲ့ပါတယ်။ သို့‌သော် ဒီ ၄ လွှာကတော့ အဓိကဖြစ်ပါတယ်။

အဲဒိုခေတ်နောက်ပိုင်းရောက်လာတဲ့အခါမှာတော့ ကုန်သည်တွေဟာ သူဌေးတွေစပြီးဖြစ်လာပါတယ်။
ဆာမူရိုင်းတွေရဲ့အခန်းကဏ္ဍကတော့ ကျသွားပေမဲ့၊ ထိုအချိန်ထိကတော့ ဆာမူရိုင်းတွေဟာ ငွေကြေးဘက်မှာရော၊ ရာထူးအဆင့်ပိုင်းမှာပါ မြင့်မားခဲ့ပါတယ်။

ထိုအထဲမှာ ဆာမူရိုင်းတွေသာလျှင် စားခွင့်မရှိတဲ့ငါးရှိခဲ့ပါတယ်။
အဲ့ဒါကတော့ ဒီငါးပဲဖြစ်ပါတယ်။

https://www.zukan-bouz.com/syu/コノシロ

ထိုငါးကို “ Konoshiro” လို့ခေါ်ပါတယ်။

ရှလကာရည်နဲ့စိမ်ပြီး ဒီလိုဆူရှီအဖြစ်စားကြတဲ့ အစားအစာတစ်မျိုးဖြစ်ပါတယ်။

https://abukamo.exblog.jp/9418335/

ရှလကာရည်စိမ်ထားတဲ့အတွက် စားလိုက်တဲ့အချိန်လန်းဆန်းသွားရတာကြောင့်၊ အဲဒိုခေတ်ကတည်းက လူကြိုက်များခဲ့ပါတယ်။

ဒီငါးဟာ လူသိများအောင်မြင်လာတာကြောင့် အကောင်ကြီးထွားမှုအရွယ်အလိုက် နာမည်လည်းပြောင်းလဲပါတယ်။

Shinko → Kohada → Nakazumi → Konoshiro
ဆိုပြီးတော့ပဲဖြစ်ပါတယ်။

ဒီဘက်ခေတ်မှာတော့ Kohada ဆိုတဲ့နာမည်(အရွယ်အစား)နဲ့ ဆူရှီဆိုင်တွေမှာ တွေ့နိုင်ပါတယ်။
Konoshiro အရွယ်ကတော့ကြီးလွန်းတဲ့အတွက်၊ ငါးကင်အဖြစ်လည်းလုပ်စားနိုင်ပါတယ်။

ဒါဟာဘာကြောင့် ဆာမူရိုင်းတွေကသာ စားခွင့်မရှိခဲ့ရတာလဲ?
အကြောင်းကတော့ နာမည်ကြောင့်ပဲဖြစ်နေပါတယ်။

Konoshiro （この城）ကိုစားမယ်
Konoshiro （この城）ကိုကင်မယ်

ဆာမူရိုင်းတွေစောင့်ရှောက်ရတဲ့ ခေါင်းဆောင်နေထိုင်ရာ(ရဲတိုက်城)ကိုစားမယ်၊ ကင်မယ်လို့လုပ်ခြင်းဟာ ကံဆိုးခြင်းကိုဖိတ်ခေါ်ခြင်းပါပဲ။
ဒါဟာ ပထမအကြောင်းရင်းဖြစ်ပါတယ်။

ထို့အပြင် コノシロ Konoshiro မှာ 腹切り魚（はらきり　ざかな）ဆိုတဲ့ ရှက်စရာကောင်းတဲ့နာမည်လည်းရှိနေပါတယ်။
Seppuku လုပ်ဖို့အမိန့်ပေးခံရတဲ့ဆာမူရိုင်းအတွက် နောက်ဆုံးစားရတဲ့ငါးကတော့ ဒီငါးပဲဖြစ်ပါတယ်။

နောက်ဆုံးအကြောင်းရင်းတစ်ခုကတော့ မူရင်းနာမည်ပဲဖြစ်ပါတယ်။
ဒီငါးကိုမီးကင်လိုက်ပြီးထွက်လာတဲ့ရနံ့က လူကိုမီးကင်ပြီးထွက်လာတဲ့ရနံ့နဲ့ အလွန်တူနေလို့ဖြစ်ပါတယ်။

ဒါဆိုဘာကြောင့် コノシロ Konoshiro လို့ခေါ်ကြသလဲ? လို့ပြောရရင် ရှေးပုံပြင်ထဲမှာ ဒီလိုအကြောင်းအရာတစ်ခုရှိပါတယ်။

ဟိုးရှေးရှေးတုန်းက ရွာတစ်ရွာမှာလှပတဲ့မိန်းကလေးတစ်ယောက်ရှိခဲ့ပါတယ်။
သူမကိုတွေ့ပြီးသဘောကျသွားတဲ့ ဒေသခံအာဏာပိုင်ဟာ ထိုမိန်းကလေးကိုပေးဖို့မိဘတွေဆီကမ်းလှမ်းခဲ့ပါတယ်။
သို့သော် ထိုမိန်းကလေးမှာလက်ထပ်ဖို့စေ့စပ်ထားပြီးသား အမျိုးသားရှိနေခဲ့ပါတယ်။

အာဏာပိုင်ကိုဆန့်ကျင်ရင် တစ်ခုခုလည်းဖြစ်သွားနိုင်ပါတယ်။
မိန်းကလေးဟာ ၃ ရက်ကြာမျှငိုကြွေးခဲ့ပါတယ်။
ထိုအချိန်မှာတော့ မိန်းကလေးရဲ့မိဘတွေဟာ အကြံတစ်ခုကိုစဥ်စားမိခဲ့ပါတယ်။

“ သမီးဟာရောဂါကြောင့် ရုတ်တရက်သေသွားခဲ့ပြီး”

လို့အာဏာပိုင်ကိုအကြောင်းကြားပြီး၊ ချက်ချင်းမီးသင်္ဂြိုဖို့အခေါင်းလုပ်ခဲ့ပါတယ်။
ထိုအခေါင်းထဲမှာ သမီးအစား Tsunashi ဆိုတဲ့ငါးကိုထည့်ထားခဲ့ပါတယ်။
ထွက်လာတဲ့အနံ့ဟာ လူကိုမီးရှို့ပြီးထွက်လာတဲ့အနံ့နဲ့ဆင်တူနေတဲ့အတွက် အာဏာပိုင်ဟာအမှန်တကယ်သမီးဟာ သေသွားခဲ့တာပဲလို့ ယုံကြည်သွားပါတယ်။

ထိုနောက်ပိုင်းကနေစပြီး မိန်းကလေးဟာသူမချစ်ရတဲ့အမျိုးသားနဲ့ ပျော်‌ပျော်ရွှင်ရွှင်နေသွားကြပါတော့တယ်။

ဒါပေမဲ့ ဒီ Tsunashi ဆိုတဲ့ငါးဟာ この娘（子）ဒီမိန်းကလေးရဲ့ကိုယ်စားဖြစ်သွားတယ်ဆိုတဲ့အကြောင်းကြောင့် 子の代わり(Ko no kawari) , 代ကိုYoriလို့ဖတ်ပြီး၊ Konoshiro ဆိုတဲ့နာမည်ဖြစ်လာရခြင်းပဲဖြစ်ပါတယ်။

ထို့အပြင် ငါးပူတင်းနဲ့တူနာငါးကိုလည်း သိပ်ပြီးမစားခဲ့ကြပါဘူး။
ငါးပူတင်းဟာအရသာရှိပေမဲ့၊ ကိုင်တွယ်မှုမှားသွားရင် အဆိပ်ဖြစ်ပြီးသေနိုင်ပါတယ်။
မိမိသခင်အတွက် အသုံးခံရမယ့်ဘဝကို ငါးပူတင်းအတွက်နဲ့တော့ အဆုံးရှုံးမခံနိုင်ဘူးဆိုတဲ့ ရည်ရွယ်ချက်နဲ့မစားကြပါဘူး။

တူနာကိုတော့ရှေးက Shibi လို့ခေါ်ခဲ့ကြပေမဲ့၊ 死日(သေဆုံးနေ့) ဆိုတဲ့စကားလုံးနဲ့သွားတူနေတာကြောင့် နိမိတ်မကောင်းဘူးဆိုတဲ့အကြောင်းပြချက်နဲ့ မစားကြခြင်းပဲဖြစ်ပါတယ်။

ဆန့်ကျင်ဘက်အားဖြင့် သူတို့တွေသဘောကျခဲ့ကြတာကတော့
Kisu ဆိုတဲ့ငါးနဲ့ ငါးပါးနီ (鯛) တို့ပဲဖြစ်ပါတယ်။

http://blog.masuyone.com/masuyone-93/

Kisu ကိုတော့
တန်ပူရာအဖြစ်စားရင်အရမ်းအရသာရှိပြီး ခန်းဂျိစာလုံးနဲ့ရေးမယ်ဆိုရင်တော့ “ 鱚”
ညာဘက်အခြမ်းက 喜ぶ(ပျော်ရွှင်ခြင်း) ဆိုတဲ့ခန်းဂျိစကားလုံးဖြစ်လို့ နိမိတ်ကောင်းတယ်လို့ ယူဆကြပါတယ်။