ပင်မစာမျက်နှာ
ဂျပန်စတိုင်
ဂျပန်ဓါး၏ကုန်ကြမ်းမှာ သံမဟုတ်ပါ !? ထူးခြားတဲ့သတ္တုကိုအသုံးပြုခြင်းကြောင့် အဆုံးစွန်သောဓါးဖြစ်လာခဲ့

ဂျပန်ဓါး၏ကုန်ကြမ်းမှာ သံမဟုတ်ပါ !? ထူးခြားတဲ့သတ္တုကိုအသုံးပြုခြင်းကြောင့် အဆုံးစွန်သောဓါးဖြစ်လာခဲ့

လာ 11 Jan 2021, 12:37 ညနေ

ကမ္ဘာမှာ ဂျပန်ဓါးကိုအမာဆုံးဓါးအဖြစ်လူတွေသိကြပါတယ် …
နိုင်ငံရပ်ခြားမှာ ဘာပဲဖြစ်ဖြစ်ဖြတ်နိုင်တယ်၊ သံကိုတောင်မှဖြတ်နိုင်တယ်လို့ ယုံကြည်ကြသူတွေတော်တော်များများရှိပါတယ်။ ဒါပေမဲ့ မျှော်လင့်ထားတဲ့အတိုင်း ပြောလွန်းကြတယ်။
သို့သော် အမှန်တကယ်ထက်ပြီး ရေရှည်မှာအဆင်ပြေပါ့မလား….

http://webhiden.jp/learn/category/ken/post_200.php

အနောက်နိုင်ငံတွေနဲ့တရုတ်နိုင်ငံမှာလည်း ဓါးရှည်၊ဓါးမြောင် စသည်တို့ကိုအသုံးပြုကြပေမဲ့၊ ဒါတွေနဲ့ဂျပန်ဓါးရဲ့ အကွဲပြားဆုံးဟာ ကုန်ကြမ်းဖြစ်နေပါတယ်။
သတ္တုဓါးတွေဟာ များသောအားဖြင့်ကြေးဝါဖြင့်ပြုလုပ်ထားပြီး၊ သမိုင်းတစ်လျှောက်နောက်ပိုင်းမှာတော့ မာကြောတဲ့သံအမာကိုအသုံးပြုလာခဲ့ပါတယ်။

ဂျပန်တစ်ခုတည်းကပဲ ဒီသံကိုအသေးစိပ်လေ့လာခဲ့ပြီး၊ 玉鋼 Tamahagane လို့ခေါ်တဲ့ ထူးခြားတဲ့သတ္တုကို ထုတ်လုပ်လိုက်ပါတယ်။
玉鋼 Tamahagane ဆိုတာကတော့ ကာဗွန် 1〜1.5% ပါဝင်တဲ့ သံမဏိဖြစ်ပြီး၊ အောက်စီဂျင်များစွာပါဝင်နေကာ၊ အခြားအညစ်အကြေးမှာတော့အနည်းငယ်သာပါဝင်တဲ့ သတ္တုတစ်ခုဖြစ်ပါတယ်။

– အပူဖြင့်မာကြောစေပြီး၊ မကွေးနိုင်ဘဲ မှန်ကန်တိကျတဲ့ ဓါးတစ်လက်ကိုပြုလုပ်ခြင်း
– ဓါးသွေးရလွယ်ကူခြင်းကြောင့် ဓါးသွားထက်လွယ်ခြင်း
– သံချေးတက်ဖို့ခဲယဥ်းခြင်း
– လှပတဲ့ ဓါးသွားနံရံ patternကို ဖော်နိုင်ခြင်း

ဒီလိုဂုဏ်သတ္တိတွေနဲ့ပြည့်နေတဲ့ 玉鋼 Tamahagane ဆိုတာကတော့ ဒါပဲဖြစ်ပါတယ်။

https://intojapanwaraku.com/craft/

ဒီတိုင်းကြည့်ရင်တောင် လှလိုက်တာ..

ဒါကိုဘယ်လိုနည်းလမ်းတွေနဲ့ပြုလုပ်ခဲ့သလဲဆိုရင်တော့… တစ်ခုသောနာမည်ကြီးရုပ်ရှင်ဖြစ်တဲ့ Princess Mononoke မှာပါဝင်တဲ့ ဒီနေရာမှာပြုလုပ်ခဲ့ပါတယ်။

ရုပ်ရှင်ထဲမှာတော့ သံထုတ်လုပ်ရာအရပ်ကို Tatara-ba ဆိုတဲ့စကားလုံးနဲ့အသုံးပြုထားပါတယ်။
ဒါဟာ 玉鋼 Tamahagane ကိုထုတ်လုပ်နေတဲ့ နေရာပဲဖြစ်ပါတယ်။

玉鋼 Tamahagane ဆိုတဲ့စကားလုံးကိုတော့ တော်တော်လေးနောက်ကျမှခေါ်ခဲ့ကြပေမဲ့ မူလကတော့ Tatara-ba ဆိုပြီးခေါ်ခဲ့ကြပါတယ်။ ဒါပေမဲ့ ဒီနည်းလမ်းကိုပဲသုံးပြီး ဓါးကိုထုတ်ခဲ့ပါတယ်။
ဂျပန်လူမျိုးထဲမှာလည်း ဒီရုပ်ရှင်ကိုသာကြည့်ပြီး အကြောင်းအရာကိုနားမလည်သူတွေအများစုရှိနေမယ်လို့ ထင်ပါတယ်။

သံကိုထုတ်လုပ်တဲ့အချိန်မှာ၊ အရည်ပျော်ပြီးအညစ်အကြေးတွေကိုဖယ်ရှားခြင်းက 玉鋼 Tamahagane ကိုထုတ်လုပ်ခြင်းနဲ့တော့ အနည်းငယ်ကွဲပြားပါတယ်။
အညစ်အကြေးတွေကိုဖယ်ရှားလိုက်ပေမဲ့၊ ကာဗွန်နှင့်အောက်စီဂျင်များစွာပါဝင်ဖို့လိုအပ်ပါတယ်။

ဒီအတွက်ကြောင့် ရွှံ့ဖြင့်လုပ်ထားတဲ့မီးဖိုထဲမှာ iron sand နဲ့ မီးသွေးကိုထည့်ပြီး၊ လေကိုလည်းမီးဖိုထဲသို့ထည့်သွင်းရပါတယ်။
အပေါ်ကပုံအတိုင်း မိန်းကလေးတွေဟာခြေထောက်နဲ့နင်းနေကြတာကတော့ လေကိုမီးဖိုထဲထည့်သွင်းနေကြခြင်းပဲဖြစ်ပါတယ်။
ဒီရွှံ့မီးဖိုထဲမှာ သံဟာတိုက်စားရင်းနဲ့ဓါတ်ပြုလာပြီး 玉鋼 Tamahagane အဖြစ်ရောက်သွားပါတယ်။ သို့သော် ခေတ်သစ်သိပ္ပံပညာမှာတောင် ထိုအရာအတိုင်းထုတ်လုပ်နိုင်တဲ့နည်းပညာ မရှိသေးဘူးတဲ့…

ဒါပေမဲ့ ဒီသံထုတ်လုပ်ခြင်းကထိန့်လန့်စရာကောင်းစွာ အလွန်ပင်လုပ်ရတာကြောင့်၊ အချိန်ကာလတွေပြောင်းလဲလာတာနဲ့အမျှ သာမန်သံမဏိဖြင့်သာပြုလုပ်တော့တဲ့ ဂျပန်ဓါးတွေများလာခဲ့ပါတယ်။
ဒါဟာ နာမည်ကြီးဓါးတွေနဲ့ကြီးမားတဲ့ကွာဟချက်ပဲဖြစ်ပါတယ်။

အဲ့ဒီလို 玉鋼 Tamahagane ကိုသုံးထားတဲ့မီးဖိုချောင်ဓါးဆိုရင်တော့ ဒီလိုတိမ်လွှာအကွက်တွေလိုမျိုး ပေါ်နေတတ်ပါတယ်။