Christmas card အထင္ႏွင့္ အသုဘစာအိတ္ကိုမွားဝယ္မိေသာ ဂ်ာမနီႏိုင္ငံသားတစ္ေယာက္၏အျဖစ္

မကြာခင်မှာပဲ Christmas ရောက်လာပါတော့မယ်.
တန်ဖိုးထားရတဲ့လူတွေဆီ Christmas card ပို့ကြသူရှိပါသလား?

https://item.rakuten.co.jp/asia-kobo/vn51100/

ဂျပန်မှာတော့ ပုံမှန်ပို့နေကြတော့မဟုတ်ပေမဲ့၊ အနောက်နိုင်ငံတွေမှာတော့ နှစ်တိုင်းအစဥ်အလာကဲ့သို့ဖြစ်နေပါတယ်။
Christmas card နဲ့အသုဘစာအိတ်ကို မှားဝယ်မိတဲ့ ဂျာမနီနိုင်ငံသားတစ်ယောက်၏အဖြစ်ကိုပြောပြပေးချင်ပါတယ်။
တစ်ခါက ဂျပန်မှာစပြီးခြေချနေထိုင်ခဲ့တဲ့ ဂျာမနီနိုင်ငံသားတစ်ယောက်ဟာ ရပ်ဝေးမိခင်တိုင်းပြည်မှာနေထိုင်နေတဲ့မိသားစုအတွက် Christmas card ကိုစဥ်းစားခဲ့ပါတယ်။
စာအိတ်လှလှလေးနဲ့ card မရှိဘူးလား? လို့စဥ်းစားလိုက်တဲ့အချိန် convenience store မှာအရမ်းမိုက်ပြီး ဂျပန်ဆန်တဲ့စာအိတ်ကိုတွေ့သွားပါတယ်။
ဒီမှာတွေ့ပြီး… ဒါလည်း ဂျပန်စတိုင် Christmas card ဆိုရင်အထူးသင့်တော်တာပဲ …

ဒီနေရာမှာ ဂျပန်ရဲ့ convenience store အကြောင်းသိထားတဲ့လူတွေတော့ မသက်မသာကြီးခံစားရမယ်လို့ထင်ပါတယ်။
ဒီဇိုင်းဆန်းတဲ့ Christmas card တို့ စာအိတ်တို့မရှိဘူလား? လို့..
ဒီလိုသူရွေးချယ်လိုက်တာကတော့ ဒီဟာပါပဲ..
အဖြူနဲ့အမည်း အရောင် ၂ မျိုးစပ်ထားတာက လူကြီးဆန်ပြီးလှလည်းလှတယ်။
ကြိုးအဖြူနဲ့အမည်းလည်း ပါတယ်။
စာတွေကိုတော့မဖတ်တတ်ပေမဲ့ Kanji လည်းရေးထားတာကြောင့် သူတို့ပျော်ကြမှာပဲ.. ဆိုပြီးဝယ်လိုက်ပါတော့တယ်။
တကယ်တော့ ဒီစာအိတ်က….

https://grapee.jp

ဂျပန်စာဖတ်နိုင်သူတွေကတော့ သဘောပေါက်နေပြီလို့ထင်ပါတယ်။
ရေးထားတဲ့စာလုံးတွေက 御霊前（ごれいぜん） တွေဖြစ်ပြီး သေဆုံးသူတို့ရဲ့ရှေ့ကိုယူဆောင်သွားရတဲ့ ပိုက်ဆံထည့်တဲ့စာအိတ်ပဲဖြစ်ပါတယ်။

ဂုဏ်ပြုကြောင်းကိုဖော်ပြတဲ့စာအိတ်ကတော့ အနီနဲ့အဖြူဖြစ်ပြီး ဂျပန်လို(ご祝儀袋 Go shugibukuro) လို့ခေါ်ပါတယ်။
ဒါပေမဲ့ ဒီစာအိတ်ကတော့ ဂုဏ်ပြုချင်တာမဟုတ်တဲ့အတွက် (不祝儀袋 fu shugibukuro ) လို့ခေါ်ပါတယ်။
စာဖတ်သူတို့အားလုံးလည်း အဖြူနဲ့အမည်း ရိုးရှင်းတဲ့ဒီဇိုင်းဟာမိုက်တယ် အမြင်ရှင်းတယ်ဆိုပြီးတွေးကြမှာပါ။
ဒါပေမဲ့ ဒါကတော့ မသုံးရဘူးနော်….

convenience store မှာ “ ご祝儀袋” နဲ့ “ 不祝儀袋” နှစ်မျိုးလုံးကိုရောင်းချပေမဲ့ အဓိပ္ပါယ်ကိုမသိဘဲ ဒါကိုရွေးလိုက်မိတာဖြစ်ပါလိမ့်မယ်.
အန္တရာယ်မရှိတာကြောင့် ရယ်ရယ်မောမောနဲ့ပဲခွင့်လွှတ်ပေးမှာဖြစ်ပေမဲ့၊ အကယ်၍ ဂျပန်လူမျိုးကသာလက်ခံမိမယ်ဆိုရင် နားမလည်အံ့သြခြင်းများစွာနဲ့ ပြန်အကြည့်ခံရမယ်နော် …(ရယ်လျက်)

ဒီကြိုး ၂ ချောင်းယှက်နေတဲ့ပုံစံကိုတော့ 水引 Mizuhiki လို့ခေါ်ပါတယ်။
အကယ်၍ 水引 Mizuhiki ကိုအသုံးပြုထားတဲ့ အရမ်းလှတဲ့ဂျပန်စတိုင် Christmas card ဆိုရင်တော့ အရမ်းရောင်းရမယ်ထင်ပါတယ်။
အနီနဲ့အစိမ်းပေါင်းစပ်ထားတဲ့ 水引 Mizuhiki လေးတို့…
စာဖတ်သူတို့ရော ဘယ်လိုသဘောရပါသလဲ?

Kengo Abe