သေခြင်းကို ကိုယ်စားပြုတဲ့ပန်းများ !!!

ဂျပန်လူမျိုးများသာမက နိုင်ငံခြားသားများကပါသဘောကျတဲ့ ပန်းကိုမေးရင်တော့ သေချာပေါက် ဆာကူရာတွေပါပဲ။
အေးစိမ့်နေတဲ့ဆောင်းရာသီကုန်ဆုံးပြီး နောက်ဆုံးတစ်စတစ်စနွေးလာတဲ့အချိန် အပြာကောင်းကင်ဟာလည်းကြည်လင်လာပါတယ်။
ထိုကောင်းကင်ပြာကြီးအောက်မှာတော့ ပန်းနုရောင်သန်းနေတဲ့ ဆာကူရာလေးများကလည်း လိုက်ဖက်စွာနဲ့ပွင့်လန်းနေကြပါတယ်။
အရွက်တွေမထွက်လာခင် ရှိသမျှအင်အားနဲ့ပွင့်လန်းလာတဲ့ဆာကူရာတို့ဟာ သူတို့ရဲ့သက်တမ်း ၁ ပတ်အကြာမှာပဲ လေပြေနဲ့အတူလွင့်မျှောသွားကြပါတယ်။ ဒါကြောင့် ခရီးသွားတွေအတွက်တော့ တော်ရုံတန်ရုံမြင်ရဖို့ မလွယ်ကူပါဘူး။

https://sasatto.jp/article/entry-529.html

ဒါကသေခြင်းကို အောက်မေ့စေတဲ့ပန်းတို့ရဲ့ ကိုယ်စားပြုပန်းတစ်မျိုးလည်းဖြစ်ပါတယ်။
ဆာမူရိုင်းတွေပါဝင်သရုပ်ဆောင်တဲ့ ဇာတ်ကားတွေထဲမှာ 切腹Seppuku လုပ်တဲ့အခန်းပါလာပြီဆိုရင်၊ များသောအားဖြင့်က နောက်ခံရှုခင်းမှာ ဆာကူရာတွေပွင့်နေတာကိုအသားပေးရိုက်ထားပါတယ်။

တိုက်ပွဲအတွင်းသေဆုံးသွားတဲ့လူတွေက အပေါင်းအဖော်များစုဝေးတဲ့နေရာကိုရောက်သွားပြီ ဆိုတဲ့အဓိပ္ပါယ်နဲ့ “靖国の桜” Yasukuni no sakura လို့ပြောကြတဲ့ ဇာတ်ဝင်ခန်းလည်းရိုက်ကြပါတယ်။
靖国（やすくに）ဆိုတာကတော့ တိုကျိုမှာရှိတဲ့ 靖国နတ်ကွန်းကိုဆိုလိုခြင်းဖြစ်ပါတယ်။
ထိုနေရာမှာတော့ ဂျပန်ကိုစောင့်ရှောက်ဖို့အသက်ပေးသွားသူအားလုံးကို ထားရှိပြီးကိုးကွယ်သလို ထိုနေရာက ဆာကူရာတွေအရမ်းလှတာကြောင့်လည်း နာမည်ကြီးပါတယ်။
သေဆုံးသွားတဲ့အခါ “靖国の桜”ရဲ့အောက်မှာစုဝေးကြတယ်။ ဒါက တွေ့ဆုံတဲ့စကားလုံးအဖြစ်လည်း သုံးခဲ့ပါတယ်။

ဘာကြောင့် ဒီလိုသတ်မှတ်ခြင်းခံရတာလဲ?
ဒါကတော့ ဂျပန်လူမျိုးတို့ရဲ့သေဆုံးခြင်းနဲ့ပတ်သက်တဲ့အယူအဆနဲ့ ဆာကူရာပွင့်လန်းပုံ၊ ကြွေကျပုံတို့က အရမ်းကိုတူနေတာကြောင့်လို့ပြောပါတယ်။

လူတိုင်းအံ့သြမှင်သက်ရလောက်တဲ့လင်းလဲ့မှုနဲ့ ရှင်သန်တယ်၊
နောက်ပြီး သေဆုံးတဲ့အချိန်မှာတော့ ဖြူစင်စွာနဲ့သေဆုံးတယ်

“ ဘဝကိုအရူးအမူးစွဲလမ်းမနေဘူး၊ မိမိသေသင့်တဲ့အချိန်ကိုလည်း မလွဲစေဘူး…
ဒါဟာ သေခြင်းနဲ့ပတ်သက်ပြီး ဆာမူရိုင်းဆန်တဲ့ခံယူချက်ပဲဖြစ်ပါတယ်။
ဘဝကို အဓိပ္ပါယ်မဲ့လုပ်ပစ်လိုက်တယ်လို့ပြောခြင်းမဟုတ်ပါ။ ဘဝကအတောက်ပဆုံးအလင်းပေးနိုင်ဖို့ သေခြင်းကိုရွေးချယ်တယ်။”
ဆိုတဲ့အဓိပ္ပါယ်ဖြစ်ပါတယ်။

အနည်းငယ်နားလည်ဖို့ခက်သွားမလားမပြောနိုင်ပေမဲ့၊ ဒါဟာဂျပန်မှာတော့ အလှပဆုံးခံယူချက်ပဲလို့ သဘောထားကြပါတယ်။
သန့်ရှင်းဖြူစင်တယ်ဆိုတာ သေခြင်းမှမဟုတ်ပါဘူး။ အရာအားလုံးအတွက်အရေးကြီးပါတယ်။
မိမိက မှားခဲ့မယ်ဆိုရင် ချက်ချင်းတောင်းပန်တယ်။
တစ်ဖက်လူကိုလိမ်ရလောက်တဲ့အထိ မိမိကိုယ်ကျိုးကို မရှာဘူး။

ဒါပေမဲ့ တော်တော်နဲ့မှတော့ အဲ့ဒီလိုမလုပ်နိုင်ကြဘူးနော်…

နောက်ပန်းတစ်မျိုးကတော့
椿（つばき）Tsubaki

https://gardenstory.jp/plants/38349

Tsubaki ဆိုတဲ့ခေါင်းလျှော်ရည်ကတော့ တော်တော်နာမည်ကြီးတယ်၊ ဒါပေမဲ့ တကယ်ကပန်းနာမည်ကိုယူထားတာပါ။ ပန်းပွင့်လေးကဒီလောက်တောင်ကြီးပါတယ်။
ပန်းရဲ့အလှကလည်း ထိုအတိုင်းပဲ။ ဒါပေမဲ့ အရမ်းကောင်းတဲ့ ဆီတစ်မျိုးကိုထုတ်နိုင်တာကြောင့် သူကနာမည်ကြီးတယ်။
椿油（つばきあぶら）ဆိုတဲ့ဆီက ဆံကေသားအတွက်ကောင်းတာကြောင့် ခေါင်းလျှော်ရည်လည်း ဒီနာမည်နဲ့ထွက်တာဖြစ်ပါလိမ့်မယ်။

သို့သော် ပန်းရဲ့ကြွေကျပုံကအနည်းငယ်ထူးဆန်းပါတယ်။
ပုံမှန်ပန်းက ပွင့်ဖတ်တွေတစ်ရွက်ချင်းစီကြွေတာပါ။ ဒါပေမဲ့ 椿ကတော့ အပွင့်လိုက်ကြွေကျပါတယ်။
ဒါဟာခေါင်းဖြတ်သတ်ခံရတယ်ဆိုတာကိုပုံဆောင်ပြီး ဆာမူရိုင်းတွေ သဘောမကျတဲ့ပန်းလည်းဖြစ်ပါတယ်။
စကားမစပ် ဆာမူရိုင်းဟာ လည်ပင်းဖြတ်ပြီး အသတ်ခံရတာကို အမုန်းဆုံးပါ။
ဒီပုံစံကရာဇဝတ်သားကိုသတ်တဲ့ပုံစံဖြစ်လို့ပါ။ 切腹Seppuku ကိုတော့မြင့်မြတ်တဲ့သေခြင်းလို့ ခံယူကြပါတယ်။
切腹Seppuku လုပ်မယ်ဆိုလည်း နောက်ဆုံးလည်ပင်းဖြတ်ခံရမှာက ခံရမှာပါပဲ….

弟切草（おとぎりそう）

https://ja.wikipedia.org/wiki/オトギリソウ#/media/ファイル:W_otogirisou4071.jpg

ညီဖြစ်သူကိုဓါးနဲ့ခုတ်တဲ့မြက်လို့ ရေးထားတဲ့နည်းနည်းကြောက်စရာကောင်းတဲ့နာမည်နဲ့ အပင်တစ်မျိုးဖြစ်ပါတယ်။
ဒီမြက်ကိုအရင်က လျှို့ဝှက်ဆေးရဲ့ကုန်ကြမ်းအဖြစ်အသုံးပြုခဲ့ကြတယ်လို့ပြောကြပြီး အဲ့ဒီလျှို့ဝှက်ချက်ကို ညီဖြစ်သူကရည်းစားကိုပြောပြလိုက်တာကြောင့် အစ်ကိုဖြစ်သူကခုတ်သတ်ပစ်လိုက်ပြီး ညီရဲ့ရည်းစားနောက်ကိုပါလိုက်ပြီး သတ်လိုက်တယ်ဆိုတဲ့ အကြောင်းအရာကနေ ပေးလိုက်တဲ့နာမည်ဖြစ်ပါတယ်။

白い菊

https://www.gojyokuru.net/syukatu/other/789/

အသုဘပွဲတွေမှာ ပင်တိုင်အသုံးပြုတဲ့ပန်းအဖြစ်နာမည်ကြီးလွန်းတဲ့ အဖြူရောင်ဂန္ဓမာ….။
ဂျပန်မှာလည်း အရင်ကအဖြူရောင်အဝတ်ကိုဝတ်ပြီး အသုဘပွဲကိုလာခဲ့ကြပါတယ်။
အဲ့ဒီကနေ အဖြူရောင်ဂန္ဓမာကို အဓိကရွေးခဲ့ကြတယ်လို့တော့ ထင်ပါတယ်။
နောက်ပိုင်းမှာတော့ အသုဘပွဲလည်း ခမ်းခမ်းနားနားဖြစ်ရမယ်လို့လုပ်လာကြတဲ့အတွက် အခြားပန်းအမျိုးအမျိုးကိုလည်း ရွေးချယ်လာကြတယ်။
စကားမစပ် လက်ရှိဂျပန်ရဲ့အသုဘပွဲကိုတက်မယ်ဆိုရင်တော့ အမည်းရောင်ဝတ်စုံကိုပဲဝတ်ရမှာပါ။
ဘာကြောင့်လဲဆိုတော့ ဒါဟာ ခရစ်ယာန်ဘာသာနဲ့အသုဘပွဲမှာတက်ရောက်ချိန် အမည်းရောင်ဝတ်စုံကိုပုံမှန်ဝတ်ရတဲ့အတွက် ဒီအလေ့အထကနေ အမည်းရောင်ဝတ်ဖို့ဖြစ်သွားပါတယ်။

彼岸花（ひがんばな） Higanbana

https://horti.jp/2459

ဘိုးဘေးတွေက သင်္ချိုင်းကနေအိမ်ပြန်လာတဲ့နွေရာသီရဲ့ပွဲတော်က お彼岸 ပဲဖြစ်ပါတယ်။
အဲ့ဒီအချိန်ပွင့်လာတာကြောင့် 彼岸花 Higanbana လို့ခေါ်လိုက်ကြပြီး၊ ထူးဆန်းတဲ့ပန်းပွင့်ပုံစံမှာ စိတ်မသက်မသာဖြစ်ရတဲ့လူတွေလည်း အများကြီးရှိတယ်တဲ့…
လူသေပန်းဆိုတဲ့ နိမိတ်မကောင်းတဲ့နာမည်ပေးလိုက်တာက ၎င်းရဲ့ ပုံစံကြောင့်ပါပဲ…။
အရင်ဆုံးပန်းပွင့်လာပြီးမှ အရွက်တွေကရှည်ထွက်လာတဲ့ 彼岸花 ပန်း…
ပုံမှန်ပန်းပွင့်ပုံနဲ့ ဆန့်ကျင်ဘက်ကိုဖြစ်နေပါတယ်။

ပုံမှန်ပန်းတွေက အရွက်ရှည်ထွက်ပြီးအာဟာရတွေလုံလောက်စွာသိုလှောင်ပြီးမှ ပွင့်လာတယ်၊ ကြွေကျသွားတယ်။ ဒါတွေပြီးမှ အရွက်ခြောက်သွားပြီးသေသွားတယ်။
(အချို့ပန်းတွေကတော့ သေသွားပြီလို့ထင်ရပေမဲ့ နောက်နှစ်ပွင့်လာတဲ့ပန်းလည်းရှိပါတယ်။)

ဒီလိုထူးဆန်းတဲ့နာမည်နဲ့ ကြောက်စရာပုံရိပ်တွေရှိတဲ့ပန်းများ
သေချာပေါက် ပန်းတွေကသူတို့ကိုယ်တိုင်ရွေးချယ်ထားတာမဟုတ်ဘဲ ကြည့်တဲ့သူတွေက ခံစားချက်အလိုက်ပေးလိုက်တဲ့နာမည်တွေဖြစ်ပါတယ်။
စာဖတ်သူတို့လည်း ဒီပန်းတွေကိုကြည့်ပြီး ဘယ်လိုခံစားရပါသလဲ?

Kengo Abe