အပူချိန် ၃၀၀ ဒီဂရီကျော်သွားရင် မီးသတ်ဆေးထုတ်ပေးတဲ့စာရွက် စမ်းသပ်မှုအောင်မြင်

မီးလောင်ပြီး မီးအပူချိန်တွေမြင့်တက်လာတာနဲ့ မီးသတ်‌ဆေးကိုကိုယ်တိုင်ထုတ်ပေးတဲ့စာရွက်ကိုတီထွင်လာပြီး၊ နံရံတွေမှာကပ်ထားခြင်းဖြင့် “ ကိုယ်တိုင်မီးငြိမ်းသတ်နိုင်တဲ့ဆောက်လုပ်ရေးပစ္စည်း” အဖြစ်တီထွင်လိုက်တဲ့ကုမ္ပဏီက စမ်းသပ်မှုပြုလုပ်လိုက်ပါတယ်။

ဒီတီထွင်ထားတဲ့စာရွက်အထူက 0.2 မီတာရှိပြီး ဒီစမ်းသပ်မှုမှာတော့ လေးထောင့်ပတ်လည်အဆောက်အဦးရဲ့အတွင်းဘက်မှာကပ်ထားခဲ့တာပါ။ အပူချိန် ၃၀၀ ဒီဂရီကျော်သွားတဲ့အခါမှာတော့ ထိုစာရွက်ကနေမီးခိုးငွေ့လိုမီးသတ်ဆေးတွေထွက်လာပါတယ်။
စမ်းသပ်မှုက စက္ကန့် ၃၀ တည်းနဲ့မီးငြိမ်းသွားပါတယ်။
Yamato Protech ဗဟိုသုတေသနဌာနရဲ့ဒါရိုက်တာဖြစ်သူက “ ကျွန်တော်တို့ရဲ့နည်းပညာကို Kyoto Animation နဲ့ Shuri Castle တို့လိုမီးလောင်ပျက်စီးမှုအတွက် ဆောက်လုပ်ရေးပစ္စည်းအနေနဲ့အသုံးပြုချနိုင်မယ်လို့ထင်တာကြောင့် အဆောက်အအုံးသုံးအဖြစ်တီထွင်ခဲ့ပါတယ်” လို့ပြောပါတယ်။

တီထွင်ခဲ့တဲ့ Yamato Protech ပြောပြချက်အရ ဒီမီးသတ်ဆေးက လူ့ကိုယ်ခန္ဓာအတွက်လည်း ထိခိုက်မှုမရှိစေပါဘူးတဲ့။ နောက်ပြီး ဘူတာနဲ့ကျောင်းတွေစတဲ့ အများပြည်သူဆိုင်ရာအဆောက်အအုံတွေနဲ့ ဓာတ်လှေကားတွေလို ဧရိယာကျဥ်းတဲ့နေရာတွေမှာ တပ်ဆင်နိုင်တယ်လို့ပြောပါတယ်။
Kyoto Animation နဲ့ Shuri ရဲတိုက်တို့ မီးလောင်သွားတာ စာဖတ်သူတို့လည်းသိမယ်လို့ထင်ပါတယ်. ဝမ်းနည်းစရာဆုံးရှုံးမှုပါ။ ဒီပစ္စည်းကိုနောက်ပိုင်း ဘူတာတွေမှာလည်းတွေ့လာရဖို့ရှိတယ်ဆိုတော့ ဘာပဲပြောပြောဝမ်းသာစရာတစ်ခုပေါ့…

JAPO Myanmar