Hakone တောင်တက်ရထားလမ်း၊ ပြန်လည်ဖွင့်လစ်တော့မည် !!!!!

၂၀၁၉ ခုနှစ်ရဲ့ဆောင်းဦးမှာ Kanagawa စီရင်စုကို တိုက်ခိုက်လာတဲ့ တိုင်ဖွန်းရဲ့သက်ရောက်မှုကြောင့် စီရင်စုအတွင်းရှိ Hakone တောင်တက်ရထားလိုင်းရဲ့ သံလမ်းပေါ်မှာ နေရာ ၂၀ လောက်အထိ မြေစိုင်သားပြိုကျမှုဖြစ်ပွားခဲ့ပါတယ်။
ရထားလိုင်းတစ်လျှောက်နေထိုင်သူတွေရဲ့ပူးပေါင်းမှုကိုရယူပြီး ညအချိန်ပြန်လည်ပြုပြင်ရေးကိုဆောင်ရွက်ကာ နောက်ဆုံးယမန်နေ့က ပြန်လည်ဖွင့်လှစ်ဖို့ အသင်ဆင့်အနေအထားမှာ ရှိနေပါပြီ။

https://www.google.com/search?q=%E7%AE%B1%E6%A0%B9%E7%99%BB%E5%B1%B1%E9%89%84%E9%81%93&client=safari&rls=en&sxsrf=ALeKk00j4fWeIxSdOIH5pqkIHJ8bNS9zAA:1595731716637&source=lnms&tbm=isch&sa=X&ved=2ahUKEwig3YHx8-nqAhWDGaYKHb1lCH8Q_AUoAnoECBkQBA&biw=901&bih=1005&dpr=2#imgrc=GT2fWCNYclLWbM

အခွင့်အရေးရမယ်ဆို သေချာပေါက်စာဖတ်သူတို့အားလုံးကို စီးစေချင်သလိုပဲ၊ တောင်တက်ရထားရဲ့လှပနေမှုကြီးကို ကြည့်လိုက်ပါ….

သာမှန် မတ်စောက်တဲ့တောင်ဆိုရင် ရထားမဟုတ်ဘဲ Cable car ကိုအသုံးပြုပါတယ်။
အမြင်အရကြည့်ရတာတော့ ရထားလိုပုံစံမျိုးပါ။ ဒါပေမဲ့ Cable နဲ့ဆွဲပြီးတက်ရတဲ့အမျိုးအစားဖြစ်ပြီး သွားလိုတဲ့နေရာအထိ အတိုတောင်းဆုံးခရီးနှင်နိုင်တာကတော့ သူရဲ့အားသာချက်ပါပဲ။

တစ်ဖက်မှာလည်း ဒီ Hakone တောင်တက်ရထားဟာ ပုံမှန်ရထားပဲဖြစ်ပါတယ်။
မြင်းကောင်ရေအားရှိတဲ့ မော်တာတွေနဲ့အထူးပစ္စည်းကိရိယာများတပ်ဆင်ထားတာသေချာပါတယ်။
သို့သော် မြို့တွင်းမှာပြေးနေတဲ့ရထားနဲ့ တည်ဆောက်ပုံအရတော့ သိပ်ပြီးကွာခြားမှုကြီးကြီးမားမားမရှိပါဘူး။
ဒီအတွက် မတ်စောက်တဲ့တောင်စောင်းတွေကိုတက်ဖို့ ခက်ခဲပါတယ်။

ဒီလိုထူးခြားတဲ့ Switch Back လို့ခေါ်နိုင်တဲ့လမ်းစဥ်အတိုင်းဆောင်ရွက်ပြီး တောင်ပေါ်တက်သွားပါတယ်။

http://feynmanino.watson.jp/2257_hakone.html

ဒီလိုပုံစံနဲ့ လမ်းကြောင်းကိုလွှဲပြောင်းရင်း ရှေ့ဆက်သွားနေတာက စိတ်ဝင်စားဖို့ကောင်းသလို၊ နောက်တစ်ခုကတော့ သွားတဲ့လမ်းကြောင်းက Cable car နဲ့ယှဥ်ရင်တော့ ကြာတဲ့အတွက် လှပစိမ်းစိုနေတဲ့ရှုခင်းအမြောက်အများကို ကြည်မြင်ခံစားနိုင်ပါတယ်။

https://jp.zekkeijapan.com/spot/index/26/

https://www.travel.co.jp/guide/article/17121/

ဒီရထားလိုင်းရဲ့အလှဆုံးအချိန်ကတော့ ၅ လပိုင်းရဲ့ Hydrangea ရာသီပဲဖြစ်ပါတယ်။
မိုးတွင်းဖြစ်တာကြောင့် ရာသီဥတုမကောင်းပေမဲ့ Hydrangea ရဲ့ပန်းတွေက ဒီလိုကိုလှနေပြီးတော့ Hydrangea နဲ့ တောင်တက်ရထားရဲ့ပေါင်းစပ်မှုက အကောင်းဆုံးပဲဖြစ်ပါတယ်။

Autumn leaves ရာသီဆိုလည်း ပန်းချီကားတစ်ချပ်လိုပဲ။

https://eaglecafe4.amebaownd.com/posts/3718901/

နောက်ပြီး ဒီရထားရဲ့ နောက်ဆုံးဆိုက်ရောက်တဲ့နေရာကတော့ တောင်ပေါ်ရေပူစမ်းပဲဖြစ်ပါတယ်။

https://www.timesclub.jp/sp/tanomachi_ex/kanagawa/hakone/007.html

သွားနေရင်းလမ်းတစ်ဝက်မှာရော၊ နောက်ဆုံးရောက်ရှိမယ့်နေရာမှာပါ ပျော်ရွှင်မှုအပြည့်နဲ့ စိတ်ကျေနပ်မှုကို ရရှိစေမှာပါ…..

ဒီနှစ်ရဲ့ Hydrangea ရာသီက တောင်တက်ရထားပြန်လည်မထူထောင်နိုင်ခင်မှာပဲ ပြီးဆုံးသွားပေမဲ့ ဆောင်းဦးရဲ့ Autumn leaves အချိန်မှာတော့ ကိုရိုနာအခြေအနေတည်ငြိမ်သွားပြီး လာရောက်လည်ပတ်တဲ့လူတွေနဲ့ စည်ကားနေပုံကို မြင်ချင်မိတယ်နော်…….

Kengo Abe