အကြံ့ခိုင်ဆုံး Kumamoto ရဲတိုက်ဟာ စားစရာတစ်ခုလား ?!!!!

ဆာမူရိုင်းတွေရှိခဲ့တဲ့အချိန်တုန်းက စစ်ပွဲအတွက်တည်ဆောက်ထားတဲ့ရဲတိုက်တွေဟာ ဂျပန်မှာနေရာဒေသအလိုက် တစ်ခုစီရှိခဲ့ပါတယ်။ ရဲတိုက်ကိုအကာအကွယ်ယူပြီး ရန်သူကိုဆီးပြီးတိုက်ခိုက်တာက လူအင်အားကိုတစ်စုတစ်စည်းတည်းဖြစ်စေတဲ့ စစ်ဗျူဟာပဲဖြစ်ပါတယ်။

အသေးစိပ်စီစဥ်ပြင်ဆင်ထားတဲ့ဒီလိုရဲတိုက်တွေဟာ အရေအတွက်အများကြီးရှိတဲ့အထဲ၊ အတောင့်တင်းဆုံးရဲတိုက်ကဘယ်တစ်ခုလဲ?

အဲ့ဒါကတော့ ဒီ 熊本 Kumamoto ရဲတိုက်ပဲဖြစ်ပါတယ်။

https://bizgate.nikkei.co.jp/article/DGXMZO4086353004022019000000?channel=DF240120194721

ဘာတဲ့.. စားလို့ရတဲ့ တစ်ခုတည်းသောရဲတိုက်…

ကလေးတွေကိုပြောပြတဲ့ပုံပြင်တွေထဲမှာ စားလို့ရတဲ့မုန့်တွေရှိတဲ့အိမ်အကြောင်းရှိသလို၊ ဒီရဲတိုက်ဟာတကယ့်ရဲတိုက်အစစ်ဖြစ်ပေမဲ့ စားလို့ရတဲ့တစ်ခုတည်းသောရဲတိုက်လည်းဟုတ်တယ်။

စားလို့ရတယ်ဆိုတာဘာကိုပြောချင်တာလဲ?
熊本 Kumamoto ရဲတိုက်ရဲ့လျှို့ဝှက်ချက်ကိုပြောပြပေးမယ်။

ရဲတိုက်ဆိုတာ　ရန်သူတွေလာတဲ့အခါအကာအကွယ်ယူတဲ့နေရာဖြစ်တယ်။
熊本 Kumamoto ရဲတိုက်ကို တည်ဆောက်ခဲ့တဲ့ 加藤清正（かとう口きよまさ）Kiyomasa Kato ဆိုတဲ့ပုဂ္ဂိုလ်က ရဲတိုက်ရဲ့သခင်လို့ပြောကြပြီး၊ အဲ့ဒီ熊本 Kumamoto ရဲတိုက်က အားလုံးထဲမှာလက်ရာအပြောင်မြောက်ဆုံးပဲလို့လည်းပြောကြတယ်။

သဘာဝအလျောက်စီးဆင်းနေတဲ့မြစ်ကနေ အနံကျယ်တဲ့ရေမြောင်းကြီးတွေရဲ့ဝန်းရံထားခြင်းခံရပြီး၊ အပေါ်ကိုတစ်ဆင့်ပြီးတစ်ဆင့်မြင့်တက်သွားတဲ့ကျောက်နံရံကြီးတွေ…
လေးဘက်လေးလံ တိုက်ခိုက်ဖို့ခက်ခဲတဲ့ရဲတိုက်ကြီးပဲဖြစ်ပါတယ်။

သို့သော် ရန်သူဘက်ကအတင်းအကြပ်လာတိုက်ခိုက်မယ်ဆိုရင်တော့ တစ်မျိုးကြံရပါတော့တယ် ..
အဲ့ဒါကတော့ 兵糧攻め（ひょうろうぜめ）Hyōrō-zeme အစာရေစာထိုးစစ်ဆင်ခြင်း

ပတ်ဝန်းကျင်မှာရန်သူတွေကလာပြီးဝန်းရံထားတဲ့အတွက် အကယ်၍သင်ဟာရဲတိုက်ထဲမှာပဲခိုလှုံလိုက်ပြီးအပြင်နဲ့အဆက်အသွယ်ဖြတ်လိုက်ရင် အချိန်ကြာလာတာနဲ့အမျှနောက်ဆုံးမှာအစာရေစာခေါင်းပါးသွားပါလိမ့်မယ်…
ဒါကကိုယ်တိုင်ထွက်တိုက်တာမဟုတ်ဘဲ ရဲတိုက်ကိုအကာအကွယ်ယူတဲ့နည်းလမ်းပဲဖြစ်ပါတယ်…

တကယ်အစာရေစာထိုးစစ်ဆင်လိုက်ရတဲ့ရဲတိုက်ဟာ၊ အစာရေစာပြတ်လက်သွားပြီး၊ ရဲတိုက်ထဲမှာတိုက်ခိုက်ဖို့နေနေသာသာ လူသေကောင်တွေကိုပဲတွေ့လိုက်ရပါတယ်…

https://www.sengoku-battle-history.net/wp-content/uploads/2019/05/c0ebe74c69d25c8ad95ab52d91182525-300×159.jpg

အစာရေစာထိုးစစ်ဆင်နေတဲ့လူတွေက ရဲတိုက်ထျဲမှာစားစရာတွေမရှိတော့တဲ့အခါ အရင်ဆုံးစစ်မြင်းတွေကိုသတ်စားတယ်၊ မြင်းတွေလည်းကုန်သွားရော အာဟာရပြတ်ပြီးသေသွားတဲ့လုပ်ဖော်ကိုင်ဘက်ရဲ့ကိုယ်ခန္ဓာကို စားသောက်ပြီးအသက်ဆက်ကြရတယ်။
ဒါကစစ်တိုက်ပြီးသေရတာထက်စာရင် ငရဲကျပြီးသေရတာနဲ့တောင်တူပါတယ်…

သို့သော် အဲ့ဒါအခြေအနေကိုပြောင်းပြန်ဖြစ်စေခဲ့တာကတော့ 熊本 Kumamoto ရဲတိုက်ပါ။
ရဲတိုက်ရဲ့အထဲမှာရှိတဲ့အရာအားလုံးကို အခြောက်ခံထားပြီးစားလို့ရတဲ့အပင်တွေနဲ့အသုံးပြုထားတယ်။

အထဲမှာခင်းထားtatami (ဂျပန်ဖျာ),ပုံမှန်ဆိုရင် 藁 Wara　လို့ခေါ်တဲ့ကောက်ရိုးနဲ့လုပ်ပေမဲ့၊ အဲ့ဒီနေရာမှာ အခြောက်ခံထားတဲ့ပိန်းရိုးနဲ့လုပ်ထားတယ်။

အဲ့ဒါကိုရေနဲ့ပြန်စိမ်လိုက်ရင် စားလို့ရနိုင်တယ်။
ရွံ့နံရံတွေကိုပုံမှန်ကတော့ ကောက်ရိုးတွေနဲ့ရောထားပေမဲ့၊ ဒီမှာလည်းပဲ ပိန်းရိုးခြောက်တွေနဲ့လုပ်ထားတယ်။
နောက်ပြီး 干瓢（かんぴょう）Kanpyō လို့ခေါ်တဲ့ ဆူရှီမှာထည့်သုံးတဲ့ဘူးသီးခြောက် စတဲ့အခြောက်ခံထားတဲ့ဟင်းသီးဟင်းရွက်တွေကိုလည်း နံရံတွေမှာထည့်ပြီးသုံးထားပါတယ်။

နောက်ပြီးမျှားတွေကိုချည်ထားတဲ့ကြိုးကိုလည်း ワラビ Warabi လို့ခေါ်တဲ့အလေ့ကျပေါက်တဲ့မြက်ကို အခြောက်ခံထားပြီးကြိုးအနေနဲ့သုံးခဲ့ပါတယ်။
သေချာပေါက်စားလို့ရတဲ့အပင်တွေပဲဖြစ်ပါတယ်။

အခြားရဲတိုက်တွေလိုပဲ ဆန်တွေကိုရဲတိုက်ရဲ့ထောင့်တစ်ထောင့်မှာသိမ်းထားပေမဲ့၊ အဲ့ဒါကမရှိတော့ဘူးဆိုရင် ရဲတိုက်ထဲမှာဖွက်ထားတဲ့ဒီစားစရာတွေကိုထုတ်စားပြီး ငတ်မွတ်တာကိုအချိန်တော်တော်ကြာထိန်းထားနိုင်တယ်။

ရဲတိုက်ကအရမ်းကြီးတဲ့အတွက် ဝိုင်းထားတဲ့ရန်သူတပ်အင်အားလည်း အတော်အသင့်များပါမယ်။
သို့သော် မည်သို့ပင်များပါစေ..ရဲတိုက်ကိုဝိုင်းထားတဲ့ကာလ ကြာလာနဲ့အမျှတော့ ရန်သူတပ်ဟာဇွဲတွေလျော့သွားမယ်၊ အင်အားလျော့သွားမယ်..ပြီးတော့
စစ်သားတွေအတွက်စားနပ်ရိက္ခာသာမကဘဲ လယ်သမားတွေလည်းအချိန်ကြာမြင့်စွာအိမ်ပြန်နိုင်ခြင်းမရှိဘူးဆိုရင် စိုက်ပျိုးရေးကိုထိခိုက်စေမယ်။

ဒါကြောင့် သင်ဟာရဲတိုက်ထဲမှာပဲ အချိန်ကာလတစ်ခုကိုသည်းခံနိုင်မယ်ဆိုရင် ရန်သူတပ်လည်းလူစုကွဲသွားမှာဖြစ်လို့ ပြန်မတိုက်ခိုက်ရဘဲပြီးစီးသွားမယ်။

ဒီလိုနည်းနဲ့ရဲတိုက်ကိုအကာအကွယ်ယူခဲ့ခြင်းပဲဖြစ်ပါတယ်။

တကယ်ကဒီရဲတိုက်ဟာ ဆာမူရိုင်းခေတ်ကုန်သွားတဲ့အချိန်မှာ အစိုးရအသစ်က ဒီရဲတိုက်ကိုတိုက်ခိုက်လာခဲ့တဲ့ရာဇဝင်လည်းရှိတယ်။
အဲ့ဒီအချိန် အစိုးရဟောင်းနဲ့သူ့လူတွေကရက် ၅၀ နဲ့အထက်ရဲတိုက်ထဲမှာနေပြီး၊ အပြင်မှာဝိုင်းနေတဲ့ရန်သူတွေကိုသည်းခံပြီးနောက်ဆုံးမှာတော့ အညံ့မခံရဘဲလွတ်မြောက်သွားတယ်ဆိုတာကိုတွေ့ရပါတယ်.

စစ်တိုက်ပြီးအောင်မြင်သွားတာမဟုတ်ဘဲ၊ ငတ်မွတ်ဒဏ်ကိုခံနိုင်ခဲ့ပြီးလွတ်မြောက်သွားတာ….

ဒါကြောင့် “ စားသုံးနိုင်တဲ့ရဲတိုက်” တစ်နည်းအားဖြင့်ရိပ်က္ခာခြောက်တွေနဲ့ပြုလုပ်ထားတဲ့ 熊本 Kumamoto ရဲတိုက်ကို အကြံ့ခိုင်ဆုံးလို့ပြောရခြင်းဖြစ်ပါတယ်။

လက်ရှိမှာတော့ ဒီရဲတိုက်ဟာ ၂၀၁၆ ခုနှစ်မှာဖြစ်ပွားခဲ့တဲ့ငလျင်ဒဏ်ကြောင့် ရဲတိုက်ရဲ့တစ်နေရာဟာပြိုကျသွားပြီး၊ ပြန်လည်ပြုပြင်မွမ်းမံနေဆဲဖြစ်ပါတယ်။

https://www.tokyu-travelsalon.com/report/「メジャーな観光地は飽きた」という貴女に贈るー2/

ခမ်းနားထည်ဝါတဲ့ရဲတိုက်ကြီးကို ကျွန်တော်ကတော့ နောက်တစ်ကြိမ်ပြန်မြင်ချင်ပါသေးတယ်။….

Kengo Abe