ရှေးရှေးတုန်းက ခြင်ကိုက်မခံရအောင် ကြက်တောင်ရိုက်ကစားကြတယ်တဲ့!

羽子板（はごいた）hagoita ဆိုတဲ့ကစားနည်းကို သိပြီးကြပြီလား?

သစ်သားလက်ကိုင်အပြားနဲ့ ငှက်မွေးတွေစိုက်ထားတဲ့ သစ်သားဘောလုံးလေးကို ပြုတ်မကျအောင် ဟိုဘက်ဒီဘက် ရိုက်ဆော့ရတဲ့ ကစားနည်းပါ။

တကယ်က ကြက်တောင်ရိုက်တာပါပဲ။

https://mag.japaaan.com/archives/85162

အခုနောက်ပိုင်းမှာတော့ သိပ်မတွေ့ရတော့ပေမဲ့၊ ကျွန်တော်ကတော့ ကလေးဘ၀က နှစ်သစ်ရောက်ပြီလို့ ပြောလိုက်တာနဲ့၊ ထုံးစံအတိုင်း ကြက်တောင်ရိုက်ရတော့မှာပါလားလို့ ကလေးသဘာ၀အတိုင်း ပျော်ပါတယ်။

သစ်ပင်တွေကလည်း ဆောင်းလေနဲ့အတူ တစ်ခုနဲ့တစ်ခုပွတ်တိုက်မိပြီးတော့မှ ထွက်လာတဲ့ အသံတွေကိုကြားရတာနဲ့ “ဟာ နှစ်သစ်ပဲ” လို့ကျွန်တော် ကောင်းကောင်းသိနေခဲ့ပါတယ်။ ကျွန်တော်ငယ်ဘ၀ကတော့ အဲ့ဒီလို နှစ်သစ်ကို ကြိုဆိုခဲ့တာပါ။

မြေပြင်ပေါ်ကျတာနဲ့ ရှုံးပြီဆိုတဲ့ အတွက်ကြောင့် မျက်နှာမှာ မှင်အမည်းနဲ့ အခြစ်ခံရတော့တာပဲ။ ညံ့တယ်လို့ သတ်မှတ်ပြီး မျက်နှာကိုအမည်းရောင် ချယ်လိုက်တာပါ။

အဲ့ဒီကစားနည်းဟာ ဟိုးအရင် နှစ်ပေါင်း ၁၀၀၀ မတိုင်ခင် တရုတ်နိုင်ငံကနေစပြီးကစားခဲ့ကြပြီးတော့မှ  ဂျပန်မင်းမျိုးမင်းနွယ် မိသားစုတွေဆီကိုရောက်သွားတယ်။ အဲ့ကနေတစ်ဆင့် တိုင်သူပြည်သားတွေအထိ ပျံ့နှံ့သွားခဲ့ပါတယ်။

အဲ့ဒီကစားနည်းက ဂျပန်နိုင်ငံကိုရောက်လာတော့ ပုံစံနည်းနည်း ပြောင်းဆော့လိုက်ကြတယ်။ ဘောလုံးနေရာမှာ mukuroji အပင်ရဲ့ အစေ့နဲ့ အစားထိုးပြီးဆော့တာပါ။ mukuroji အပင်ရဲ့ အစေ့က ပုတီးစိတ်တဲ့နေရာမှာ လည်း သုံးကြတဲ့အတွက် ဘုန်းကြီးကျောင်းတွေမှာဆိုရင် အများဆုံးစိုက်ကြတယ်။ ムクロジmukuroji ကို Kanji နဲ့ရေးရင်တော့ 無患子ဒီစာလုံးလေးပါ။ အဓိပ္ပါယ်ကတော့ ကျန်းမာတဲ့ ကလေးလို့ ဆိုပါတယ်။

ဒီ mukuroji အစေ့မှာ အမွေးအတောင်လေးတွေကို စိုက်တဲ့အတွက် ပုစဥ်းနဲ့တူတယ်လို့ ပြောကြပါတယ်။ ပုစဥ်းက ခြင်တွေကိုစားပေးတဲ့အတွက် ကလေးတွေခြင်ကိုက်မခံရတော့ဘူး ဆိုပြီးတော့ ယူဆကြပါတယ်။

ရိုးရာဓလေ့ကိုမှ နည်းနည်း မျက်လှည့်ဆန်နေပုံပေါက်တယ်နော်..

https://www.j-cosme.org/column-instructor/kimura-_20180207/

ခြင်တွေရော၊ ပုစဥ်းတွေရော နှစ်သစ်အတွက် အကုန်ထားခဲ့မယ် ဆိုတဲ့ယူဆချက်နဲ့ဆော့ကြတယ်… နည်းနည်းတော့ စိတ်၀င်စားဖို့ကောင်းလာတယ်နော်.

ရှေးတုန်းက Hagoita လို့ခေါ်တဲ့ ဂျပန်တင်းနစ်ရိုက်တဲ့ အပြားကို ပုံမှန်သစ်သားပြားနဲ့လုပ်တယ်။ ပြီးတော့မှ သူ့အပေါ်မှာ ပုံရေးဆွဲတာတို့  အလှဆင်တာတို့ လုပ်ကြတယ်။ အလှဆင်ထားတာတွေကို 飾り羽子板（かざり　はごいた）Kazari hagoita လိုခေါ်ပြီး စျေးလည်းကြီးတဲ့အတွက် အဆင့်အတန်းမြင့်သူတွေမှ သုံးနိုင်ကြပါတယ်။ ပြောရရင်တော့ ဇိမ်ခံပစ္စည်းထဲမှာ ပါတာပေါ့။

https://page.auctions.yahoo.co.jp/jp/auction/n358522606

https://www.koitoku.com/SHOP/skt-hago-13a.html

ဒီနေ့ခေတ်မှာတော့ အဲ့ဒါနဲ့ ကြက်တောင်မရိုက်ကြတော့ဘဲ၊ 飾り羽子板（かざり　はごいた）ကဂျပန်နိုင်ငံရဲ့ ယဥ်ကျေးမှုအမွေအနှစ်စာရင်းထဲ ၀င်သွားပါတယ်။ ပျောက်ကွယ်လုနီးပါးအခြေအနေမှာတောင် ရှိနေတယ်တဲ့။

တကယ်က ခြင်အကြောင်းကို ပြောချင်တာပါ။ ခြင်ဟာ တကယ်ကိုကြောက်စရာကောင်းတဲ့ insects တွေထဲမှာ ခုအချိန်ရှိ ပါနေတုန်းပဲနော်… ၁နှစ်ထဲမှာပဲ လူသေနှုန်းမြင့်တက်မှုကလည်း မယုံနိုင်စရာပါ။ ခုအချိန်ထိ ခြင်ကြောင့် အမျိုးမျိုးသောရောဂါကူးစက်ခံရကာ နောက်ဆုံးအသက်ပါပေးရတဲ့အထိ ဖြစ်လာပါတယ်။ ခြင်နဲ့ပတ်သက်ပြီး ရောဂါအသစ်အဆန်းတွေကိုလည်း မကြာခဏ ကြားဖူးမှာပါ……

https://www.huffingtonpost.jp/entry/don_jp_5c5d4fefe4b0974f75b157ff

ဂျပန်နိုင်ငံမှာလည်း ဟိုးအချိန်က ကာကွယ်ဆေးလည်းမရှိ၊ ကုသဖို့ဆေးလည်းမရှိ၊ သတိထားနေတဲ့ကြားက အကောင်သေးတော့ အိမ်ထဲအထိ၀င်နိုင်ကြတဲ့အတွက် အကိုက်ခံရပြီး ရောဂါကူးစက်ပျံ့ပွားခဲ့ပါတယ်။  သေဆုံးမှုနှုန်းကလည်း ကြောက်စရာကောင်းအောင် မြင့်တက်ခဲ့ပါတယ်တဲ့….။

ဒါကြောင့်မို့လို့ ကပ်ဆိုးတွေနဲ့ ရင်ဆိုင်ခဲ့ရတဲ့ ရှေးဂျပန်လူမျိုးတွေက ကြက်တောင်ရိုက်တံတွေကိုမှ ဘောလုံးနဲ့မဟုတ်ဘဲ သစ်စေ့တွေမှာငှက်မွေးတွေစိုက်ပြီး ခြင်ရိုက်တယ်ဆိုတဲ့ ယူဆချက်နဲ့ ဆော့ကြတာဖြစ်ပါတယ်။ ခြင်လိုက်ဖမ်းတယ် ဆိုတာမျိုးပေါ့…

မြန်မာနိုင်ငံမှာလည်း ခြင်တွေပေါတယ်နော်။ စာဖတ်သူလည်း ခြင်နဲ့ပတ်သက်ပြီး ရောဂါဆိုးခံစားရတဲ့အခါ ရှေးဂျပန်လူမျိုးတွေ ခြင်ကိုဘာကြောင့်မုန်းတီရလဲဆိုတာ ကိုယ်ချင်းစာမိမယ်မဟုတ်လား…..?

Kengo Abe