ပင်မစာမျက်နှာ
ခရီး
ဂျပန်နိုင်ငံအတွင်းမှ မတူညီတဲ့သမိုင်းကို ပိုင်ဆိုင်ထားတဲ့ အိုကီနာဝါ

ဂျပန်နိုင်ငံအတွင်းမှ မတူညီတဲ့သမိုင်းကို ပိုင်ဆိုင်ထားတဲ့ အိုကီနာဝါ

ကြာ 02 Jan 2020, 10:20 မနက်

ဂျပန်မြေကနေ အ၀ေးမှာရှိနေတဲ့ အိုကီနာ၀ါ။

ဂျပန်နိုင်ငံထက် ထိုင်၀မ်နဲ့က ပိုနီးပါတယ်။ ဂျပန်နိုင်ငံရဲ့ ပုံရိပ်တွေ သိပ်ပြီးမတွေ့ရတဲ့ လှပတဲ့ ပင်လယ်ပြာကြီးလည်း ရှိပါတယ်။

https://stayway.jp/tourism/okinawa-suggestion50/

အပန်းဖြေလို့ရတဲ့နေရာအဖြစ် ဂျပန်နိုင်ငံမှာလည်းပဲ သေချာပေါက် နာမည်ကြီးပေမယ့်၊ လက်တွေ့မှာတော့ ဂျပန်ရဲ့ ပြည်မကြီးနဲ့ မတူညီတဲ့သမိုင်းကို လက်ဆင့်ကမ်း ထိန်းသိမ်းလာခဲ့ကြပါတယ်။

ဒီသမိုင်းမှာတော့ ၀မ်းနည်းစရာတွေနဲ့ပဲ ပြည့်နေပါတယ်။

ဒီလို၀မ်းနည်းစရာသမိုင်းကို ကြည့်ရရင်တော့၊ အိုကီနာ၀ါဟာ ဂျပန်လိုမျိုး ရှေးကတည်းက ယဥ်ကျေးမှုဖလှယ်ခြင်းတွေ မရှိခဲ့ပါဘူး။ ဂျပန်နိုင်ငံဟာ မြို့ကြီးတွေကိုတည်ထောင်ခဲ့ပြီး မင်းမျိုးမင်းနွယ် အုပ်စိုးခဲ့တဲ့ ၁၀ ရာစုနှစ်လောက်တုန်းက အမဲလိုက်ခြင်းနဲ့ အသီးအနှံတွေခူးဆွတ် ရှာဖွေစားသောက်ပြီး အသက်ရှင်နေထိုင်ခဲ့ကြပါတယ်။ ပင်လယ်နဲ့တောတောင်ထဲကနေ ယူလာတဲ့အစားအသောက်တွေကို စားသောက်ပြီး နေထိုင်ခဲ့ကြတာပဲ ဖြစ်ပါတယ်။

၁၂ ရာစုနှစ်ရောက်မှ စိုက်ပျိုးရေးကိုအစပြုခဲ့ပြီး တိုင်းပြည်ဆိုတဲ့ ပုံစံအဖြစ် ရောက်ရှိလာခဲ့ပါတယ်။

၁၅ ရာစုနှစ်ကိုရောက်လာချိန်မှာတော့ 琉球王国（りゅうきゅう　おうこく）ယူးခယူး အိုးခိုခု ဆိုတဲ့နိုင်ငံဟာ ပေါ်ပေါက်လာခဲ့ပါတယ်။

ထို့နောက် ယူးခယူး အိုးခိုခု ဆိုတဲ့တိုင်းပြည်ဟာ ဂျပန်၊ တရုတ်၊ ကိုရီးယားနဲ့ အရှေ့တောင်အာရှ နိုင်ငံတွေကို ကုန်သွယ်မှုပြုခဲ့ပါတယ်။ နိုင်ငံအသီးသီးရဲ့ ယဥ်ကျေးမှုတွေကိုလည်း လက်ခံကျင့်သုံးပြီး ၎င်းယဥ်ကျေးမှုတွေကို ရောနှောလိုက်တဲ့အခါမှာတော့ အိုကီနာ၀ါဆိုတဲ့ သီးခြားယဥ်ကျေးမှုဆိုပြီး ဖြစ်လာခဲ့ပါတော့တယ်။ 琉球ယူးခယူး ယဥ်ကျေးမှုဓလေ့ လို့ဆိုတဲ့အတွက်ကြောင့် အိုကီနာ၀ါဟာ ဂျပန်နိုင်ငံနဲ့ ကြီးကြီးမားမား ကွာခြားနေရခြင်းပဲ ဖြစ်ပါတယ်။

ထိုအချိန်မှာ ယခုလက်ရှိ 薩摩藩（さつまはん）Satsuma 、နဲ့ 鹿児島県 Kagoshima စီရင်စုတို့ဟာ လက်နက်အင်အားဖြင့် အနိုင်ယူကာ ယူးခယူးတိုင်းပြည်ကို နယ်နမိတ်သတ်မှတ်လိုက်ပြီး၊ သူတို့ရဲ့ လက်အောက်မှာ သိမ်းပိုက်ခဲ့ကြပါတယ်။

အဲ့ဒီလိုနဲ့ပဲ ၁၆၀၉ ခုနစ်လောက်မှာ တရား၀င် ဂျပန်နိုင်ငံမြေ ဖြစ်သွားခဲ့ရပါတော့တယ်။

အိုးခိုခုကနေ ဂျပန်အပိုင်ဖြစ်သွားတဲ့ အိုကီနာ၀ါဟာ နောက်ထပ် နှစ် ၄၀၀ လောက်သာ တည်တံ့နိုင်ခဲ့ပါတယ်။ တိုင်းပြည်ငယ်လေး ဖြစ်တဲ့အတွက် မိမိကိုယ်ကိုကာကွယ်ဖို့ မတတ်နိုင်ခဲ့တာပဲ ဖြစ်ပါတယ်။ ဒါကတော့ ပထမဦးဆုံး ၀မ်းနည်းဖွယ်ရာ အဖြစ်ဆိုးတစ်ခုပဲ ဖြစ်ပါတယ်။

နောက်ထပ်အဖြစ်ဆိုးတစ်ခုကတော့ ဒုတိယကမ္ဘာစစ်ဖြစ်ချိန်ပဲ ဖြစ်ပါတယ်။

အိုကီနာ၀ါဟာ ဒုတိယကမ္ဘာစစ်ဖြစ်ချိန် မိမိဆန္ဒမပါဘဲဂျပန်နိုင်ငံရဲ့ နယ်မြေတစ်ခုအနေနဲ့ စစ်ဒဏ်ကို အလူးအလဲ ခံခဲ့ရပါတယ်။

ဂျပန်ကိုတိုက်ခိုက်ဖို့ ပစ်မှတ်အနေနဲ့ အိုကီနာ၀ါကို မျက်စိကျခဲ့တဲ့ အမေရိကန်စစ်တပ်ဟာ နှိုက်နှိုက်ချွတ်ချွတ်ကို တိုက်ခိုက်သိမ်းယူခဲ့ပါတယ်။ အမေရိကန်စစ်တပ်တွေဟာ ကုန်းပေါ်ကိုတက်လာခဲ့ပြီး အေးအေးဆေးဆေးနေကြတဲ့ အိုကီနာ၀ါမှနေထိုင်ကြသူတွေကို ရုတ်တရက် တိုက်ခိုက်ခဲ့ကြတာပဲ ဖြစ်ပါတယ်။ အမှန်မှာတော့ အိုကီနာ၀ါဟာ စစ်ပွဲနဲ့ မဆိုင်ကြသူတွေပဲ ဖြစ်ပါတယ်။

ဒီအထဲမှာ နာမည်ကျော်ကြားသွားတာကတော့ Yumeyuri ကျောင်းသား တပ်ဖွဲ့ပဲဖြစ်ပါတယ်။

https://www.okinawastory.jp/about/theme/history

ကျောင်းသူပေါင်း ၂၄၀ ယောက်ဟာ ဒဏ်ရာရခဲ့တဲ့ စစ်သားတွေကို ဆေးကုသပေးခဲ့ပါတယ်။

အဲ့ဒီနေရာဟာ စစ်ပွဲဒဏ်ကြောင့်ပဲ ၁၃၆ ယောက်ဟာ သေဆုံးခဲ့ရပါတယ်။ အားလုံးဟာအရပ်သားတွေပဲ ဖြစ်ပါတယ်။

တကယ်တော့ အိုကီနာ၀ါဟာ ကျွန်းအကြီးကြီးမဟုတ်ပါဘူး။ ဒါပေမဲ့ စစ်ပွဲကြောင့် ဂျပန်နိုင်ငံမှာ သေဆုံးသူနဲ့ ပျောက်ဆုံးသူစုစုပေါင်းဟာ ၁၈၈,၁၃၆ ဦးရှိခဲ့ပါတယ်။ ထိုအထဲမှာမှ ထက်၀က်လောက်က အိုကီနာ၀ါအရပ်သား တွေပဲဖြစ်ပါတယ်။

အမေရိကန်ဘက်မှာ သေဆုံးသူ လူပေါင်း ၂၀,၁၉၅ ဦးနဲ့ ဗြိတိသျှဘက်မှာ ၈၅ ဦး တို့ဖြစ်ကြောင်း သိရှိခဲ့ရပါတယ်။

သေးငယ်တဲ့ ကျွန်းလေးပေါ်မှာ ဘယ်လိုများစစ်ဖြစ်ခဲ့လဲဆိုတာ ပုံဖော်မရလောက်အောင်ပါပဲ။

၁၉၄၅ ခုနစ်မှာ ဂျပန်ဟာ လက်နက်ချလိုက်ပြီး အိုကီနာ၀ါဟာ အမေရိကန်နိုင်ငံရဲ့ လက်အောက်ကိုကျရောက် သွားပါတယ်။ ၁၉၇၂ ခုနစ်မှာတော့ အိုကီနာ၀ါကို ဂျပန်နိုင်ငံသို့ပြန်ပေးအပ်ခဲ့ပေမဲ့ လက်ရှိအချိန်အထိ အိုကီနာ၀ါမှာ ဂျပန်နိုင်ငံရဲ့ အမေရိကန် အခြေစိုက်စခန်းဟာ ၇၅ ရာခိုင်နှုန်းလောက်ထိရှိပါတယ်။ အမေရိကန်နိုင်ငံအတွက်ကတော့ အဓိကပစ်မှတ်ထားတဲ့ နေရာပဲဖြစ်ပါတယ်။

အရင်အချိန် ဆိုဗီယက်ပြည်ထောင်စုနဲ့ သဘောထားကွဲလွဲမှုတွေ ဖြစ်ကြပြီး၊ လက်ရှိအချိန်မှာတော့ တရုတ်နိုင်ငံနဲ့ အမြင်မတူမှုတွေ ဖြစ်ပွားလျှက်ရှိပါတယ်။ ဒါပေမဲ့ ဒါတွေအားလုံးဟာ အိုကီနာ၀ါကျွန်းစုလေးနဲ့ မသက်ဆိုင်တဲ့ ပြဿနာတွေပဲ ဖြစ်ပါတယ်။

အမေရိကန်စစ်တပ်က အိုကီနာ၀ါမှာရှိတဲ့ အမျိုးသမီးငယ်တွေအပေါ် အကြမ်းဖက်မှုတွေ၊ လုယက်မှုတွေ ပြုလုပ်ကြပေမဲ့ သူတို့ဟာ ထိုအခြေစိုက်စခန်းမှ ဘေးမသိရန်မခဘဲ တိုင်းပြည်ကိုပြန်နိုင်ခဲ့ကြပါတယ်။

အိုကီနာ၀ါကျွန်းစုလေးကတော့ စစ်ပွဲအတွင်း ပျက်ကျလာတဲ့ လေယာဥ်တွေကြောင့် ပျက်စီးဆုံးရှုံးမှုတွေနဲ့ ကြုံတွေ့ခဲ့ရပါတယ်။

ဂျပန်နိုင်ငံမှာ တစ်ချိန်ကကျော်ကြားခဲ့တဲ့ အိုကီနာ၀ါရဲ့ သီချင်းလေးတစ်ပုဒ်ရှိပါတယ်။

ဂျပန်မြေမှာရှိသူတွေကတော့ သီချင်းစာသားရဲ့ အဓိပ္ပါယ်ကိုမသိဘဲ ကာရာအိုခေတွေမှာ ဆိုကြတဲ့သူတွေ အများကြီးရှိပါတယ်။ ဒါပေမဲ့ အိုကီနာ၀ါကိုဖော်ညွှန်းထားတဲ့ အဲ့ဒီသီချင်းရဲ့ စာသားတွေကတော့ ရင်ကိုထိုးနက်နေလောက်အောင် နာကျည်းစရာကောင်းလှပါတယ်။

ဂျပန်စာကိုတတ်ကျွမ်းသူတစ်ယောက်ဖြစ်မယ်ဆိုရင်တော့ အောက်ပါ Link ထဲမှာရှိတဲ့ သီချင်းလေးရဲ့ အဓိပ္ပါယ်ကို ၀င်ရောက်ကြည့်ရှုနိုင်ပါတယ်။