ဖိနှိပ်ခံရပြီး ကွယ်ပျောက်ခဲ့ရတဲ့ အအိနုယဥ်ကျေးမှု

သော 01 Feb 2019, 12:22 ညနေ

ရှေးတုန်းက ဂျပန်နိုင်ငံမှာ အခုလက်ရှိ ဟိုကိုင်းဒိုးလို့ခေါ်တဲ့မြို့ကို အဲ့ဇို လို့ခေါ်ခဲ့ကြပါတယ်။

အရမ်းကိုအေးပြီး သိပ်မတိုးတက်သေးတဲ့နိုင်ငံဖြစ်တဲ့အတွက်ကြောင့် ရှေးဟောင်းရိုးရာယဥ်ကျေးမှုတွေ ကျန်ရှိနေပါသေးတယ်။

အဲဇိုမြို့မှာ アイヌ ( အအိနု ) လူမျိုးတွေက ဂျပန်နိုင်ငံရဲ့မြောက်ဘက်ပိုင်းနဲ့ ရုရှားနိုင်ငံကြားမှာ နေထိုင်ကြပါတယ်။

သူတို့ဟာ လွန်ခဲ့တဲ့နှစ်ပေါင်း ၁၃,၀၀၀ မတိုင်ခင်ထဲက ရှိခဲ့ကြတာဖြစ်ပြီး ဒီလိုပုံစံမျိုးနဲ့ နေထိုင်ခဲ့ကြပါတယ်။

အအိနုလူမျိုး မိန်းကလေးတွေရဲ့ မျက်နှာမှာ ဒီလိုပုံစံမျိုးတက်တူးထိုးထားပါတယ်။

အဲ့ဒီပုံစံတွေထိုးထားတာက မိန်းကလေးတွေချည်းပါပဲ။

အခမ်းအနားတွေမှာသုံးဖို့အတွက် ဓားကိုပုံဖော်ပြီး မီးသွေးမှုန့်နဲ့ အရေပြားမှာစွဲသွားအောင်ပြုလုပ်တဲ့နည်းလမ်းပဲဖြစ်ပါတယ်။

အဲ့ဒီတက်တူးကို အသက် ၇ နှစ်လောက်ကနေစထိုးပြီးတော့ နှစ်တိုင်းပိုများများလာပါတယ်။

နှုတ်ခမ်းတစ်ဝိုက်ထိုးရတဲ့ အဓိပ္ပာယ်က ” အမြဲတမ်း ပြုံးနေဖို့အတွက် “ ဆိုတဲ့ အဓိပ္ပာယ်ဖြစ်ပါတယ်။

အဲ့ဇိုမြို့မှာ ရာသီဥတုအအေးဒဏ်က အရမ်းကိုပြင်းထန်လွန်းတဲ့အတွက်ကြောင့် မလုပ်ချင်တဲ့အလုပ်တွေဆိုရင် အပြုံးမပျက်ဘဲ လုပ်ဆောင်ကြရပါတယ်။

အဲ့ဒီထူးဆန်းတဲ့ ယဥ်ကျေးမှုကို ဂျပန်အစိုးရက ပိတ်ပင်တားမြစ်ခဲ့ပါတယ်။

ဒါပေမယ့် ပိတ်ပင်တားမြစ်ထားတဲ့ကြားကနေ အအိနုလူမျိုးအများစုက ရှေးဟောင်းလုပ်ရိုးလုပ်စဥ်ကို ဆက်ပြီးထိန်းသိမ်းခဲ့ပါတယ်။

အဲ့ဒီနောက် ရှေးဟောင်းတက်တူးကိုထိုးခဲ့တဲ့ အအိနုရဲ့ နောက်ဆုံးအမျိုးသမီးဟာ ၁၉၉၈ ခုနှစ်မှာ သေဆုံးသွားခဲ့ပါတယ်။

အခုလက်ရှိ ပွဲတော်တွေနဲ့ အခမ်းအနားတွေမှာ ဖျက်လို့ရတဲ့ ယာယီတက်တူးတွေကိုထိုးတဲ့ အအိနုအနွယ်ဝင်အမျိုးသမီးတွေလည်းရှိပါတယ်။

ပျောက်ကွယ်သွားတာက တက်တူးထိုးတာ တစ်ခုတည်းမဟုတ်ပါဘူး။

အအိနုလူမျိုးတွေ အလေးထားပြီးထိန်းသိမ်းလာခဲ့တဲ့ အစဥ်အလာအများစုလည်းပျောက်ကွယ်သွားခဲ့ပါတယ်။

ဝက်ဝံကို အဓိကကိုးကွယ်ကြတဲ့ အအိနုလူမျိုးတွေရဲ့ ထူးခြားတဲ့ဘာသာတရားလည်း ပျောက်ကွယ်သွားခဲ့ပါတယ်။

အအိနုလူမျိုးတွေက လက်ရှိလူဦးရေ ၂၃,၀၀၀ ရှိတယ်လို့ဆိုပေမယ့် တော်တော်များများက ဂျပန်လူမျိုးတွေနဲ့တူညီတဲ့ နေထိုင်စားသုံးမှုကိုပဲ ကျင့်သုံးကြပါတယ်။

အအိနုရဲ့အစဥ်အလာကို ဘယ်သူကလာပြီးပိတ်ပင်ခဲ့မှန်းမသိပေမယ့် အဲ့ဒီလိုပြောင်းလဲသွားတာက ကောင်းလား၊ မကောင်းလားဆိုတာကို ဆုံးဖြတ်ပေးမယ့်သူမရှိဘဲ

ဒီလိုလူမျိုးတွေရဲ့ ထူးခြားမှုတွေက ပျောက်ကွယ်သွားခဲ့ရပါလားလို့ တွေးမိတဲ့အခါ နည်းနည်းတော့ စိတ်မကောင်းဖြစ်မိပါတယ်။