ဂျပန်နိုင်ငံရဲ့ဒီလိုနွေးထွေးတဲ့ရာသီမှာ ခရုတွေဂုံးတွေကောက်ကြမယ် ！

ဂျပန်နိုင်ငံမှာ နွေဦးကိုရောက်ရှိနေပြီမို့ တဖြည်းဖြည်းနဲ့နွေးလာပါပြီ။

ဒီလိုပူနွေးလာတာကြောင့် ပင်လယ်ထဲကရေတွေလည်း နွေးလာတတ်တာ သဘာဝပါပဲ။

နွေဦးကိုရောက်လာတဲ့အချိန် ကမ်းခြေမှာအကောင်လေးတွေဖမ်းရတာလည်း ပျော်စရာပဲနော်။

https://iko-yo.net/topic

https://iko-yo.net/topics/shellfish

ဂျပန်နိုင်ငံရဲ့ပင်လယ်ကမ်းခြေတွေမှာ ဒီလိုလုပ်လေ့ရှိကြပြီး၊ သောင်ပြင်မှာ ခရုခွံတွေကောက်ကြပါတယ်။

နောက်ပြီး အိမ်ကိုယူသွားရင်လည်း စားလို့ကောင်းတာကြောင့် ကမ်းခြေသွားရတာ ပျော်စရာတွေ ၂ ဆ တိုးလာသလိုပါပဲ။

ဘယ်လောက်များလဲဆိုတာ ကြည့်လိုက်ပါဦး။

https://tokukita.jp/taiken/shiohigari-hokkaido.html

ဒီနေရာမှာ ဂုံးတွေကို ပျော်ပျော်ကြီးကောက်လို့ရပါတယ်။

https://www.jalan.net/news/article/238232/

ပင်လယ်ကမ်းစပ်ကိုသွားရင် ခြေထောက်တွေရေစိုနိုင်တာကြောင့် ညှပ်ဖိနပ်အပါးတွေယူသွားတာ ကောင်းပါတယ်။ နောက်ပြီး ဘောင်းဘီအတိုကိုဝတ်သွားတာက ပိုပြီးတော့သင့်တော်ပါတယ်။

နောက်တစ်ခုက သဲတွေကိုတူးပြီး ခရုရှာဖို့အတွက် ထွန်ခြစ်တွေ ယူသွားဖို့မမေ့ပါနဲ့နော်။

ပြီးရင် ရလာတဲ့ခရုတွေကိုထည့်ဖို့ ပုံးလည်းလိုပါတယ်။

ဒီလိုအချိန်မှာ ထင်ထားတာထက် ခရမ်းလွန်ရောင်ခြည်တွေမြင့်မားနေလို့ နေရောင်ခြည်ကာကွယ်တဲ့ ခရင်မ်တွေ လိမ်းသွားဖို့လည်း မမေ့နဲ့နော်…

ချွေးတွေလည်းများများထွက်နိုင်တာကြောင့် ရေဓာတ်ပြန်ဖြည့်နိုင်ဖို့အတွက်လည်း ကြိုတင်ပြင်ဆင်သွားပါနော်။

ကိုယ်သွားမယ့် ပင်လယ်ကမ်းခြေကိုလိုက်ပြီး ထွန်ခြစ်နဲ့ ရေပုံးကို အသုံးပြုခွင့်မရှိတဲ့နေရာတွေလည်း ရှိတာကြောင့် သေချာဂရုစိုက်ကြပါလို့ပြောချင်ပါတယ်။

ပြောရမယ်ဆိုရင် ပင်လယ်ကမ်းခြေတွေမှာ ဝင်ကြေးပေးပြီး ပိုက်ကွန်အိတ်သေးသေးလေးတွေကို ပေးပါတယ်။

အဲ့ဒီထဲကို ထည့်ပြီးပြည့်သွားတာနဲ့ အိမ်ကိုပြန်ယူသွားရတဲ့စနစ်ကို အသုံးပြုကြပါတယ်။

ဂျပန်နိုင်ငံရဲ့ပင်လယ်ကမ်းစပ်တွေမှာ ဘာလို့ခရုတွေဒီလောက်တောင်များရတာလဲ? ? ? လို့ အံ့သြနေမယ့်သူတွေများပြီး ဘာကြောင့်လဲဆိုတာက လွယ်လွယ်လေးပါ။

အဲ့ဒီ ပင်လယ်ကမ်းခြေမှာနေတဲ့လူတွေက ပုံမှန်ခရုတွေကိုဖမ်းလာပြီး သောင်ပြင်မှာလာဖြန့်ထားပေးတာ ဖြစ်ပါတယ်။

သဘာဝအရရတာမျိုးမဟုတ်ပေမယ့် အရသာရှိပြီး အများကြီးဖမ်းနိုင်ခဲ့ရင်လည်း အရမ်းပျော်စရာကောင်းပါတယ်။

အများဆုံးဖမ်းမိတာကတော့ あさり အဆရိ လို့ခေါ်တဲ့ ဂုံး အမျိုးအစားဖြစ်ပါတယ်။

ဂုံးဟင်းတွေကို ဒီလိုမျိုးချက်ပြုတ်ကြပါတယ်။

あさりの酒蒸し အဆရိနော့ ဆခဲမူရှိ

https://www.kikkoman.co.jp/homecook/search/recipe/00002043/index.html

အိုးထဲမှာ ဟင်းရွက်ဆီနဲ့ ဂျင်း၊ ကြက်သွန်ဖြူကို မီးအေးအေးနဲ့ကြော်ပြီး အနံ့လေးမွေးလာပြီဆိုရင် ဂုံးနဲ့ ဂျပန်ဆခဲကိုထည့်ပြီး ပေါင်းထားလိုက်ပါ။

အိုးအဖုံးအုပ်ထားပြီး အခွံတွေဟလာပြီဆိုတာနဲ့ ပဲငံပြာရည်နဲ့ ကြက်သွန်မြိတ်ကိုထည့်ပြီး စားဖို့အဆင်သင့် ဖြစ်ပါပြီနော်။

あさりのボンゴレ အဆရိနော့ ဘွန်းဂိုရဲ

သံလွင်ဆီကို ဒယ်ပြားထဲထည့်ပြီး ကြက်သွန်ဖြူနဲ့ အနီရောင်ငရုတ်သီးမှုန့်ထည့်ပါမယ်။

အနံ့သင်းသင်းလေးထွက်လာပြီဆိုရင် ဂုံးနဲ့ ရေနည်းနည်းထည့်မွှေပြီး ခဏလောက်အုပ်ထားလိုက်ပါနော်။

ပြီးရင် အဲ့ဒီထဲကိုရေနွေးဖျောထားတဲ့ ပါစတာကိုရောထည့်လိုက်ပြီး ငရုပ်ကောင်းနဲ့ သံလွင်ဆီတွေကို ရောမွှေလိုက်ပါနော်။

ကဲ ဒါဆိုရင် ဟင်းချက်နည်းလည်းသိသွားပြီလို့ထင်ပါတယ်။

ဒါပေမယ့် အဓိကသတိထားစရာတစ်ခုရှိပါတယ်။ ဂုံးတွေကို သေသေချာချာမဆေးထားဘူးဆိုရင် သဲတွေနဲ့ ဘယ်လိုမှစားလို့ကောင်းမှာ မဟုတ်ပါဘူး။

ယူလာတဲ့ ဂုံးတွေထဲမှာပါလာတဲ့သဲတွေကို အရင်ဦးဆုံးသေသေချာချာ သန့်စင်ရပါမယ်။

ဂုံး ၃၀၀ ဂရမ်မှာ ရေ ၃၀၀ မီလီလီတာနဲ့ ဇွန်းသေးလေး ၂ ဇွန်းကို ဇလုံထဲမှာထည့်စိမ်ထားပြီး အေးတဲ့နေရာမှာထားထားလိုက်ပါ။

ရေခဲသေတ္တာထဲမှာထည့်ထားလည်း ရပါတယ်။

ဒါကိုတတ်နိုင်ရင် တစ်ညလောက်သိပ်ထားလိုက်တာကောင်းပြီး ဖမ်းလာတဲ့နေမှာတော့ သဲတွေစင်သွားအောင်လုပ်၊ နောက်နေ့မှချက်စားတာ အကောင်းဆုံးနည်းလမ်းတစ်ခုပါပဲ။

ဂျပန်နိုင်ငံရဲ့နွေဦးကိုရောက်ရင် ပင်လယ်ကြီးကိုသွားတာက ပျော်စရာအကောင်းဆုံးနေရာပါပဲ။