ဂျပန်လူမျိုးတွေ နွေရာသီမှာဘာကြောင့် “ うな丼” (ငါးရှည့်ကင်ထမင်း) ကိုစားကြသလဲ ?

ဂျပန်လူမျိုးတွေ နွေရာသီမှာ “ うな丼” (ငါးရှည့်ကင်ထမင်း) ကိုစားကြတယ်ဆိုတာ သိကြပြီးပြီလာ?

ဂျပန်ရဲ့ ပြက္ခဒိန်မှာ 土用の丑の日 ဆိုတာရှိပါတယ်။

ဆိုလိုတာကတော့ ဂျပန်မှာ နွေဦး၊ နွေရာသီ၊ ဆောင်းဦး၊ ဆောင်းရာသီ စတဲ့ဥတု ၄ မျိုးရှိတဲ့အထဲ ဥတု ၁ ခုချင်းစီမစခင် ၁၈ ရက်အချိန်အတွင်းကို “ 土用” လို့ခေါ်ပါတယ်။
နောက်ပြီး မူလပြက္ခဒိန်တွေမှာ ရက်တွေကို ရာသီခွင်နဲ့ရေတွက်ကြတယ်။
(子・丑・寅・卯…) နဲ့အစရှိသဖြင့်…..

အဲ့ဒီတော့ “ 丑” ရာသီခွင်မှာကျတဲ့ “ 土用” အချိန်ကာလကို “ 土用の丑の日” နေ့ လို့ ခေါ်လိုက်တယ်ပေါ့…..
တစ်နည်းအားဖြင့် “ 土用の丑の日” နေ့က ရာသီအပြောင်းအလဲ ဆက်ကူးမက်ကူးကာလလို့လည်း ပြောလို့ရတယ်။….

ဒီ “ 土用の丑の日” နေ့ မှာတော့ ဂျပန်လူမျိုးတွေအားလုံး “ うな丼” (ငါးရှည့်ကင်ထမင်း) ကိုစားကြတယ်…

https://hamanako-kokonoe.jp/user_files/uploads/blog/2019/12_December/unagi1.jpg

စပြီးစားဖြစ်သွားပုံကတော့ ရှေးရှေးတုန်းကတည်းက (土用の丑の日 နေ့မှာ “ う” နဲ့စတဲ့ အစားအစာကိုစားမယ်ဆို နွေရာသီရဲ့ပူလောင်ပြင်းပြတဲ့ နေအပူရှိန်ကြောင့် ခန္ဓာကိုယ်ပင်ပန်းမှုကနေ အားပြန်ရှိစေတယ် ) လို့ပြောစမတ်ပြုကြတယ်။

https://cdn-ak.f.st-hatena.com/images/fotolife/m/minato-daizo/20180720/20180720060622.jpg

အဲ့ဒီရှေးစကားအတိုင်း “ うな丼” (ငါးရှည့်ကင်ထမင်း) ‌ရောင်းတဲ့ဆိုင်ရှင်က “ 土用の丑の日 နေ့မှာ うな丼 ကိုစားရအောင် ” ဆိုပြီး ဧည့်သည်တွေကိုနှိုးဆော်ရာကနေ ….
土用の丑の日 နေ့မှာ うな丼 စားကြတဲ့ ဓလေ့ကဖြစ်လာခဲ့တယ် လို့ပြောကြပါတယ်……

မြန်မာမှာလည်း ငါးရှည့်ကိုသွေးအားကောင်းတယ်ဆိုပြီး စားကြတယ်နော် …
ဂျပန်မှာတော့ ကင်ပြီးထမင်းနဲ့စားကြပါတယ်..!!!!

https://c-www.gnst.jp/dressing/image/article/49/21749/column_1598a8c86cb9a1c2e62a95449ab73e86.jpg

စကားမစပ် နွေရာသီမှာကျရောက်တဲ့ 土用の丑の日 နေ့တွေကတော့……
၂၀၁၉ ခုနှစ်အတွက် (၇ လပိုင်း၊ ၂၇ ရက်နေ့၊ စနေနေ့) မှာ ကျရောက်ခဲ့ပြီး….
၂၀၂၀ ခုနှစ်အတွက် (၇ လပိုင်း၊ ၂၁ ရက်နေ့ မှာ (၁)ကြိမ် / ၈ လပိုင်း၊ ၂ ရက်နေ့မှာ (၁)ကြိမ် နဲ့ စုစုပေါင်း (၂) ကြိမ်တိတိ ) ကျရောက်ခဲ့ပါတယ်။

နှစ်တစ်နှစ်မှာ 土用の丑の日 ကျရောက်တဲ့နေ့တွေအကြိမ်ပေါင်းများစွာရှိတဲ့အထဲကမှ နွေရာသီမှာကျရောက်တဲ့ 土用の丑の日 နေ့ကတော့ ပိုပြီးလူသိများကြတယ်…….

နောက်နှစ်နွေရာသီ 土用の丑の日 နေ့ကိုအတူတူစောင့်ရင်း ဂျပန်စတိုင် “ うな丼” (ငါးရှည့်ကင်ထမင်း) ‌အတူတူလုပ်စားကြရအောင်နော် !!!!!!

ချစ်တဲ့……
JAPO Myanmar